موعد فاضي في الرياض والاولوية للمحتاجين

هلا اخوي
و الله محتاجين الموعد ضروري الرسائل الخاصه غير مفعله عندي
اذا ممكن تعطيني ايميلك او ارسل لي رقمك علشان اتفاهم معاك واقول سبب احتياجنا لهذا الموعد

اخوي ممكن تضيفني على الماسنجر مو مشكله بس بقولك شي الموعد في الرياض وللي محتاجين فيزا من نوع F وهي في تاريخ 21 جولاي 2008
ALONE_LS1@hotmail

اخي العزيز
رسلت لك على الخاص
اتمنى اشوف ردك

اخوي والله ودي اخدمك لكن الموعد بيروح لظلام الليل لانه بأمس الحاجه اليه ودي اخدم الجميع

هلا اخوي بس انت قلت بتعطيني الموعد
و أنا بعدني ما حجزت موعد في الرياض لأن الموقع معلق عندي ارجوك يا اخوي انت قلت بتساعدني

راح الموعد لاحد المحتاجين

اخت كوكي بالنسبه للموقع مو معلق ولا فيه شي بس الظاهر المشكله من جهازك بما اني وعدتك بالموعد وراح بسبب تاخيرك انا عندي واحد ثاني في 2 اغسطس في الرياض فيزا اف اذا يناسبك من عيوني هذي قبل ذيك

هلا اخوي yshaibi رسلت لك ايميل و الموعد مناسب مع اني كنت اتمنى الموعد الأول
بس ما عليه اخونا ظلام الليل يستاهل كمان و انت ما تقصر و انشاء الله الكل يستفيد
بس اللي اتمناه انه الفيزا تطلع قبل نهاية اغسطس و لا راح اخسر بعثتي بعد انتظار و معاناة أكثر من سنة
مشكور اخوي ما قصرت و ما اقدر ارد لك المعروف الا بالدعاء لك و لوالديك

مرحبــــــــــــــا

الاخت كوكي
اعتذر منك لان الموعد صار من نصيبنا و الله لوكنت اعرف انك مازلتي تفكري في ذا الموعد كان ما اخذته اتمنى انك تقبلي اعتذار و ان شاء الله موعد 2 اغسطس مناسب لكم و يارب تتسهل اموركم و تستلمون الفيزه باسرع وقت

اخوي yshaibi
كلمات الشكر ما توفي بحقك
مشكور وعطاك الله العافيه و كثر الله من امثالك و رزقك الله خير الدنيا والاخره
مثل ما قلت لك اذا احتجت لأي شي لا تتردد انا و اخوي في خدمتك

بالنسبـــه يا اخت كوكي تطمني وارقدي وامني وحطي بطيخه صيفي في بطنك موعدك في 2 اغسطس والفيزا ما راح تاخذ شهر اقل بكثير يمكن حوالي اسبوعين هذا شي والشي الثاني لا تشيلين هم بزياده كذا اللي الله كاتبه بيصير لو لك عشر سنين تنتظرين البعثه فا لا تخافين والله يوفقك

اخوي ظلام الله الله يجزاك كل الخير وبالتوفيق لك ولاخوك وشكرا على الدعاااء وهذا فلقط اللي ابيه منكم وتحياتي للجميع

مشكور أخوي جزيل الشكر
و الله ما أدري كيف ارد لك المعروف ما أملك الا الدعاء لك
و اخوي ظلام الليل الموعد مكتوب لك و الله يوفقك و هذا الموعد كمان مناسب
مشكور اخوي الشيبي مرة ثانية
و رسلت لك ايميل بالمعلومات
وفقنا الله جميعا