رفضوا الفيزاء ؟ والسبب لم يقنعني!!!

لا تضيق خلك يالغالي انا قدمت على الفيزا لامريكا من 2007 وماتصلو علي الا في 2008 يعني بالضبط سنة الا شهر بس تدري متى اتصلو علي الا بعد ماجاتني البعثه وانا بطريقي للسفاره البريطانية استلم فيزتي , فوالله ثم والله اني ماكذب عليك مب امدح بروحي المكالمة كانت الحاح فيني الا واجي اخذ فيزتي الامريكية بس عطيتة بوجهه قلتله يأخي ترا مب بس امريكا اللي فيها شهادات قويه ترا بريطانيا برضو كفــوهـ وقام والله يترجاني ويحطلي حلول يقولي ان خذ فيزتك البريطانية وتعال خذ الفيزا الامريكية وبعدين صلي الاستخاره وخذ وشوف وين تبي تروح , قلتله امعصي لو مابقى غير امريكا مانيب رايح ادرس فيها ,,, ولعلمك انا الان ببريطانيا لي تقريبا شهرين واللهم لك الحمد ماكنت احسب ان بريطانيا بهذا الشكل يعني اقدر أقولك العيشة فيها تقريبا تسوى امريكا وغيرها مع العلم اني زرت امريكا قبل كذا ودرس فيها صيفية بس الكلام ذا كان قبل تقريبا 8 سنين,,,
فنصيحتي لك اخي الكريم الدرب اللي فيه مطبات ابعد عنه وخلك في السليم وترا الشهادة من بريطانيا ماهيب سهله هي وامريكا وحدهـ والعيشة ببريطانيا افضل بكثير من امريكا والخيار راجع لك.

طيب المفروض تودي معك اوراق تبين انك اشتغلت 3 سنوات وتكون مختومة من جهة العمل ,,

لان معروفة السفارة يدققون على الفترة اللي جلست فيها عاطل ..
حتى لو كانت سنه << احتمال يدققون عليها
كيف 4 سنوات !!
ومشكلة المعدل عادي ماهو نازل حيل
بس تدري يارجال خيره
فيه عندك كندا بريطانيا نيوزلندا
ماتعوق على امريكا ,,

الله يسعدكم جميعاً وشكراً على الاحساس الطيب تجاهي بنصلي الاستخاره ان شاء الله والله يكتب الي فيه الخير..

طيب انا معدلي 76.01 جيد جدا ثانويه عامه

وتخرجت قبل سنتين ... وبقدم على السفاره بحول الله وقوته بعد العيد تتوقع يدققون فيها هذي ولا لا ؟

انا اقترح انك تسوي موعد ثاني وتحاول
يمكن تطيح بواحد كويس يقابلك
او مثلا اذا انت سويت المقابلة بالرياض
سو الجاية بالظهران او العكس
والله يوفقك

هلا اخوي يزيد شكراً على مرورك
وبخصوص موضوعك لك سنتين.
س/هل كنت موظف في ذا السنتين ؟ اذا الجواب نعم جيب لهم ورقه من عملك تأكد الشي ذا .
اذا مو موظف الله يعينك والله يخارجك من ذا السوال جيب لك عذر تكانه يمشي عليهم من المخارج الي انت خابر ههههههههههههه.
*بس على فكره مو اكيد يسألونك لان الي قبلي ما سئلوه.
والله يوفق الجميع لكل ما يحبه ويرضاه.