استفسار متطلبات امريكا

بسم الله الرحمن الرحيم

اخباركم يالغالين كيف رمضان معاكم
ان شاء الله تصومون الى المغرب

المهم يالغالين

انا عندي كم سؤال بخصوص موعد السفارة

اولا ً : انا ودي اعرف وش هي الاوراق المطلوبة مني اعبيها واجيبها معاي لموعد السفارة مثلا شهادة الثانوي او الاي توني او اي شي زي كذا

ثانيا ً : الي عنده فكرة او نصيحة نسويها وانا في المقابلة تيسر الأمور بأذن الله لا يبخل علينا

ثالثا ً : انا مقدم على جامعتين الاولى في اوهايو تحديدا ً في كنت ( Kent ) والثانية في فلوريدا تحديدا ً في ديتونا بيتش المهم انا وصلني I-20 من جامعة Kent وفلوريدا ما وصل منها شي الى الان (( الجامعه مطولة الموضوع مع ان الاوراق كاملة قالوا بنرسل لك خلال نص رمضان او بداية شوال )) السؤال هو هل اقدر اني اقدم على Kent بعدين اذا انا وصلت امريكا اغير الجامعه ولا خلاص الجامعه ما تتغير

لأن موعدي كان في 27 رمضان وانا اجلته لاني استنى القبول من فلوريدا (( جامعه كنت احتياط ))

رابعا ً : اذا وصلني قبولين هل لابد اني الغي واحد فيهم يعني اخاطب الجامعه واقول لها خلاص اني انقبلت في جامعه ثانية عشان السفارة ما يقولون لي انت مقبول في جامعتين قاعد تستهبل علينا

خامسا ً : لا هنتوا ابي احد يشرح لي فكرة السيفس لاني ماني بفاهم مع العلم اني ان شاء الله على حساب البعثة

سادسا ً : اذا انا رايح على حساب البعثة هل لابد اني اسدد رسوم في بنك سامبا رسوم تأشيرة او اي شي

ولكم جزيل الشكر

اخوكم / مغترب من دار بو متعب