مقابلتي في السفارة الامريكية بكرة..للي عنده خبر ماهي آخر أخبار المقابلات؟

ايوا المقابله تكون من وراء الزجاج
انا اقولكم الخطوات بالتفصيل
أول شي حتكونو واقفين في طابور خارج مبنى السفاره ولمن يجي دورك حتناديك الموظفه الموجوده عند بوابة السفاره وتشيك على اوراقك واذا كان فيها اي شي ناقص حترجعك وانا رجعتني عشان الصوره ورحت اتصورت في مكان قريب من مبنى السفاره ورحت اتصورت ورجعت تاني والحمدلله ماخلتني امسك طابور مره تانيه على طول مشتني وبعدين وقفنا عند البوابه بالدور دخلت انا اول شي وفتشوني وبعدين جوزي اهم شي حاولو تخلو اغلب الاشياء زي الجوال واي اجهزة الكترونيه تانيه برا في السياره واذا مامعاكم سياره حياخدوها منكم في البوابه ويحطوها في ظرف
وبعد ماتدخل من البوابة برضو في تفتيش تاني داخل مبنى السفاره وبعدين تمشي في ممر طويل وتلاقي واحد سيكيوريتي واقف وحيسألك ايش نوع فيزتك واذا كانت دراسه حتدخل في غرفه يها 3 كاوتنرات وواحد موظف جالس على مكتب يساعد اللي ابليكيشنو ناقص او ماعرف يعبيه وتاخد رقم وحتستنى الين يجي رقمك وبعدين حتعطيهم اوراقك وجواز السفر وبعد ماتشيك عليه حتعطيك رقم وتقولك تطلع تاني برا في صاله تانيه عشان تنتظر دورك للمقبله وحتخلي اوراقك معاها وهيا حتسلمها لهم
وطلعنا وجلسنا ننتظر دورنا طبعا حاول قد ماتقدر انك ماتتكلم مع اي احد لان العيون بتكون عليك ولا تتحرك كتير خليك هادئ وكانت تقريبا 13 كاونتر
وبعدين سمعنا موظف سعودي نادانا برقمنا وقالنا نروح كاونتر رقم 5 ورحنا اخد اول شي بصمات زوجي وبعدين بصماتي وقالنا رجع تاني نستنا الين ينادونا للمقابله الشخصيه
وطبعا كل الوقت دا واحنا ندعي وكل ماينادونا نحسب خلاص اخر شي بس يطلع كمان لسا في ... بس الحمدلله اخر شي طلع رقمنا ورحنا للقنصل اللي عملت معانا المقابله والحمدلله زي ماحكيتكم كيف كانت معانا وطبعا كل المقابلات بتكون من وراء الزجاج ولمن بدأت تسألنا الاسئله قالتلي ارفع سماعه وبدأت تسألني وانا اجاوب ونفس الشي لزوجي وخلصنا الحمدلله وقالتنا ندفع الرسوم لفيدكس عشان لمن يرسلو التأشيره وخرجنا

ان شاءالله اكون قدرت اوضحلكم الصوره ولو تبغو تستفيدو اكثر راجعو المواضيع المثبته حتستفيدو كتير واذا في اي سؤا انا مستعده

بس حبيت استفسر اختي هل الاسئلة كانت بالانجليزي واذا كانت بالانجليزي ممكن زوجي يساعدني

واللي لغته ضعيفه وش يسوي ؟
وبعدين بالنسبه لصور كيف اصور بالحجاب عادي ولا يقوولن لازم اطلع شعري صح ؟

بالنسبه لمقابلتنا كانت بالعربي حتى كانت تتكلم باللغه العربيه الفصحى

أما اذا كان اللي حيقابلكم مايتكلم عربي حيسألك كيف لغتك والأفضل انك تقوليلو not bad عشان يعرف انك مو مرره تعرفي تتكلمي وممكن يجيبلك مترجم
وعلى فكره ممكن تتوقعي يسألك ليش ماتعرفي انجليزي وطبعا حتقوليلو انه دراستنا هنا كلها بالعربي عشان لا تتفاجأي من سؤالو وتتلخبطي وخليكي طبيعيه مررره وربنا يوفقكم ان شاءالله

بالنسبة للصوره يطلبوها تكون منابت الشعر باينه والأذن يعني كااااااااااامل الوجه

انا اتصورت بدون حجاب بس برضو رجعوني من عند البوابه وطلبو انه يكون وجهي في الصوره اكبر من اللي عندي
ورحت اتصورت ورجعتلهم ودخلوني الحمدلله

up

up

up

للفائده

السلام عليكم مبروك عليك ياجنون

تستاهلين كل خير ربي يوفقك انتي وزجك

وبشرنا يالغالي
Nas99ser

ان شاءالله كل شي تمام ربي يوفقك

انا هذا مقابلتي بالقنصليه بالظهران

http://www.mbt3th.us/vb/forum16/thread101446.html

يعطيكم العافيه شباب
بس بغيت اسال عن ولايه بنسلفينا كيف هيا انا رايح مدينه ويلكس بيري
ابغاكم تقولوي كيف المدينه وكيف الدراسه هناك وشكرا
انا مقابله الشخصيه حقت السفاره قريب والله يعنني