مبتعث جديد New Member
الولايات المتحدة الأمريكية
العمدة الحكيم , ذكر. مبتعث جديد New Member. من السعودية
, مبتعث فى الولايات المتحدة الأمريكية
, تخصصى محاسبة
, بجامعة ام القرى
- فلوريدا, مكة المكرمة
- السعودية
- Oct 2008
المزيدl November 6th, 2008, 06:45 PM
November 6th, 2008, 06:45 PM
السلام عليكم ورحمة الله وبركاته ،،، اولاً ياجماعة الخير انا زعلان من بعض الاخوان اللي هنا " حبتين " لأنهم الله يهديهم خلوا المقابلة حقت السفارة في نظري وانا متأكد كمان في نظر غيري كأنها شي صعب المنال .. المهم انا حأقول ايش اللي سار معايا عشان يستفيد غيري ... المقابلة كانت يوم الاثنين 4 نوفمبر 2008م يعني قبل كم يوم ، حركت من الفندق الساعة 5:45 تقريباً .. وصلت حي السفارات الساعة 6:20 طبعاً ماشي على مهلي والجو كان مرة حلو .. الحاصل وصلت عند نقطة التفتيش .. قام الله يهديه العسكري قلي فين رايح ؟ قلتلوا السفارة الامريكية . قلي ممنوع تخش قبل الساعة 7:00 ص طبعاً يا سيدي يرضيك يخطيك انا جي من مكة .. مافي فايدة .... المهم رحت من المدخل التاني .. قلي العسكري فين تبغى قتلو السفارة الامريكية .. قلي هات البطاقة الشخصية وافتح شنطة السيارة ... المهم اعطيته اللي يبغاه وكمان وصفلي الطريق جزاه الله خير ورحت للسفارة ... لقيت مجموعة من الشباب ما شين" ومكجولين" جاني احساس انهم ماشين للسفارة الامريكية .. مشيت وراهم .. وصلنا للبوابة الرئيسية للسفارة .... وهناك بدأ الفلم التاني !!! وقفنا في الطابور كإننا بنشتري " سوبيا من عند عم سعيد خضري في مكة وفي رمضان " المهم انا سرايه كان تقريبا رقم عشرة .. قبلي اثنين اخوان كانوا مرة خايفين ومرتبكين جلست اهدي فيهم الين زبطوا ... الحاصل جات وحدة حرمة امريكية وشعرها اشقر وجات تقول " children " المهم فهمت يعني اللي عندو بزورة يجي اول .. ما شي يا ستي جزاكي الله خير .. اخذت الاوراق وشيكت على ورقة الموعد ودبست الصورة في نموذج 156 . المهم سلمت الجوال والمفاتيح حقت السيارة .. ودخلت التفتيش الاول .. عديتو ورحنا للبوابة التانية اللي لمن تشوفها كإنك داخل البيت الابيض في امريكا .. وكان برضوا تفتيش ... عديت التفتيش التاني .. دخلت عند واحد جالس على مكتب صغير ومعاه واحد هندي يوزع ارقام ... رقمي كان 17 زهم الهندي على رقمي جيت للاخ اللي جالس على المكتب .. عرفت انو مهمته يشيك على الاوراق وخاصة 156 ، 157 ، 158 وكمان" الاي تونتي i-20 " المهم طلعت اوراقي سليمة .... رحت على غرفة تانية بنفس الرقم " عند وحدة مرة رزله ، اخلاقها تعبانة .. شكلها من جماعة ابو شكيب .. سورية " المهم اعطيتها اوراقي وقالتلي اسمك طلع في الترشيحات الاخيرة ؟؟ قلتلها لا انا من اول مرحلة . قالتلي اذن حيطلبوك كشف حساب .. قلتلها ما في مشاكل ... المهم كان دورها التدقيق على الاوراق هل هي كاملة ام ناقصة واخذت مني الجواز + 156 ، 157 ، 158 + i-20 + صورة من خطاب الضمان المالي + إيصال سداد رسوم السفارة ... المهم اخذتها وختمت عليها واعطني رقم تاني .. كان رقمي 418... وقالتلي روح للجهة التانية ... رحت للجهة التانية وهناك كان في زحمة حبتين ... المهم نادى منادي من شباك رقم 6 .. رقم 418 طبعا هذا رقمي ، رحت لقيت واحد سعودي" شكله من الغربية لابس كرفته ومتأنتك" قلي لوسمحت حط يدك في الجهاز .. عرفت انو مهمته يا حذ البصمات وبس .. اخذ البصمات وقلي انتظر وحيندهو على اسمك ورقمك مرة تانية ... استنيت .... نادت وحدة بإسمي ورقمي وقالت شباك رقم 7 ... رحت للشباك رقم 7 ولقيتلك وحدة امريكية يا معلم ... قالتلي "hi" قلتلها مرحبابك ... المهم قالتلي حط اصباعك السبابة اليمين على الجهاز ... حطيته .. وجيتك ماشي يا معلم .. اللي هيا قالتلي لا انتظر .. وكانت بتضحك ومرة مبسوطة ... ليش تود الذهاب لامريكا ؟؟ قلتلها للدراسة ... فين رايح في امريكا ؟؟ وليش اخترت الجامعة ؟؟ وايش التخصص ؟؟ وهل سافرت قبل كده؟؟ وهل هذا اول جواز سفر لك ؟؟ المهم انا جاوبتها على قد سؤالها بون فزلكه وبدون اي فلسفة زايدة " طبعا ً هي تسأل وانا اجواب اول بأول" المهم انا ما اتوقعت انو هذه هي المقابلة اللي خوفوني منها الناس ... طبعاً المقابلة كانت وقافي .!.!.!. وبعدين قالتلي انت اوراقك كلها سليمة 100% ؛ بس نحتاج منك "Tabel Number" تروح الوزارة وتقلهم ارسلوه الى السفارة الامريكية .. وبعدين قالتلي انا اتصل عليك واقلك ارسلي الجواز حقك عن طريق الفيديكس .. وفي ظرف اسبوع زمان نعطيك الفيزا ... طبعاً اعطتني ورقة صفرا مكتوب عليها tabel number وبكدة انتهت المقابلة .. وحسيت كأني رحت للخباز اشتري منه بريالين عيش ...!! وآسف على الاطالة .. وإذا كان احد عنده معلومات عن Tabel Number لا يبخل عليه بمعلوماته وبنصايحه .. لاني انا رحت الوزارة وما افادوني بشي ....!! مع العلم بأني انا من ضمن برنامج خادم الحرمين للمرحلة الاولى ... والمشكلة اني طلعت للوزارة قبل ما اخذ موعد مع السفارة وقالولي جيب الفيزا ونحنا نطلعك .. والكلام هنا منسوب لـ د. عبدالله الموسى ... لكن لمن رحتلوا وقابلته شخصياً بعد ما انتهيت من السفارة قلي "لا يمكن" ... حسبي الله ونعم الوكيل وإنا لله وإنا إليه راجعون ... اللهم صل على سيدنا محمد الفاتح الخاتم وآله وسلم ،،، " سوبيا من عند عم سعيد خضري في مكة وفي رمضان "
هههههههههههههههههههههههههه
خطيره حكايتك
كان نفسي أساعدك بس ماعندي فكره عن الموضوع
ان شاء الله الاخوان يفيدوك
ربي يوفقك وتتيسر امورك يارب
Sleep rose November 6th, 2008, 09:01 PM
7 " شكراً على مرورك الكريم يا sleep rose ...
شكلك من مكة .. بس مدري انت بنت ولا ولد .. بس ما تفرق .. جزاك "ي" الله خير وان شاء الله ربنا يوفقك وتطلع "ي " بعثة بإذن الله تعالى .. وان شاء الله نتقابل في امريكا ...
ترى انا رايح ان شاء الله فلوريدا في اورلا ندو ... ودق المزيكة يا معلم ...
اللهم صل على سيدنا محمد الفاتح الخاتم وآله وسلم ،،،
العمدة الحكيم November 8th, 2008, 09:56 PM
7 " شكراً على مرورك الكريم يا أخ a.hamad ...
يا سيدي الله يبارك فيك وان شاء الله ربنا يوفقك ويوفقنا ويوفق المسلمين اجمعين ..
بعدين يا سيدي العزيز انا من يوم ما خرجت من السفارة .. رحت دغري على الوزارة .. وسألت سكرتير د. عبد الله الموسى .. وقلتلو يا اخي الفاضل طلبوا مني في السفارة كده كده .. قلي ما عندنا شي اسمه tabel number فهمتني يا سيدي ... المهم ارسلني على الصالة عند واحد اسمه ماجد الحربي .. وافادني وقلي انو معناها خطاب السفارة .. لمن رجعت للمليح .. طبعاً سكرتير اللي املح منه .. قلي اقلك ترى معناها خطاب السفارة .. المهم يا سيدي قابلت المليح الكبير "الموسى" طبعاً ما اعطاني وجه .. وصرفني وقلي لا يمكن .. رغم انو قابلته قبل ما اعمل موعد في السفارة وقلي جيب الفيزا وتطلع .. لكن حسبي الله ونعم الوكيل
والمثل المكاوي الاصيل يقول " لا قيني ولا تغديني "
انا لمن رحت السفارة عند اليهود والنصارى قابلوني وفهموني بكل صدر رحب .. المليح حتى مقابلة لطعنا عنده ساعتين عشان بس اقله .. وبعد كده يصرفني ويقلي لا يمكن .. حتى اسلوب مافي .. اش انا جي اشحت منه .. يا عمي بإذن الله اطلع ....
اللهم صل على سيدنا محمد الفاتح الخاتم وآله وسلم ،،،
العمدة الحكيم November 8th, 2008, 10:09 PM
7 " أنــــا بنوته ,,
ايوا انـا من مكه
ربي يوفقك ويسهل لك امورك يارب
أنـا لسى في بداية المشوار
ماسويت موعد ولا حاجه
واستنى قبول الوزاره
ربنا ييسرها يارب
Sleep rose November 9th, 2008, 01:28 AM
7 " لا يا ستي ان شاء الله ميسرة .. وان شاء الله ربنا يكتب مافيه الخير لنا ولكم ولأمة سيدنا محمد
موفقة ان شاء الله
اللهم صل على سيدنا محمد الفاتح الخاتم وآله وسلم ،،،
العمدة الحكيم November 10th, 2008, 03:30 PM
7 " 
LinkBack URL
About LinkBacks
November 6th, 2008, 06:45 PM
السلام عليكم ورحمة الله وبركاته ،،،اولاً ياجماعة الخير انا زعلان من بعض الاخوان اللي هنا " حبتين " لأنهم الله يهديهم خلوا المقابلة حقت السفارة في نظري وانا متأكد كمان في نظر غيري كأنها شي صعب المنال .. المهم انا حأقول ايش اللي سار معايا عشان يستفيد غيري ...
المقابلة كانت يوم الاثنين 4 نوفمبر 2008م يعني قبل كم يوم ، حركت من الفندق الساعة 5:45 تقريباً .. وصلت حي السفارات الساعة 6:20 طبعاً ماشي على مهلي والجو كان مرة حلو .. الحاصل وصلت عند نقطة التفتيش .. قام الله يهديه العسكري قلي فين رايح ؟ قلتلوا السفارة الامريكية . قلي ممنوع تخش قبل الساعة 7:00 ص طبعاً يا سيدي يرضيك يخطيك انا جي من مكة .. مافي فايدة ....
المهم رحت من المدخل التاني .. قلي العسكري فين تبغى قتلو السفارة الامريكية .. قلي هات البطاقة الشخصية وافتح شنطة السيارة ... المهم اعطيته اللي يبغاه وكمان وصفلي الطريق جزاه الله خير ورحت للسفارة ...
لقيت مجموعة من الشباب ما شين" ومكجولين" جاني احساس انهم ماشين للسفارة الامريكية .. مشيت وراهم .. وصلنا للبوابة الرئيسية للسفارة .... وهناك بدأ الفلم التاني !!!
وقفنا في الطابور كإننا بنشتري " سوبيا من عند عم سعيد خضري في مكة وفي رمضان " المهم انا سرايه كان تقريبا رقم عشرة .. قبلي اثنين اخوان كانوا مرة خايفين ومرتبكين جلست اهدي فيهم الين زبطوا ...
الحاصل جات وحدة حرمة امريكية وشعرها اشقر وجات تقول " children " المهم فهمت يعني اللي عندو بزورة يجي اول .. ما شي يا ستي جزاكي الله خير .. اخذت الاوراق وشيكت على ورقة الموعد ودبست الصورة في نموذج 156 .
المهم سلمت الجوال والمفاتيح حقت السيارة .. ودخلت التفتيش الاول .. عديتو ورحنا للبوابة التانية اللي لمن تشوفها كإنك داخل البيت الابيض في امريكا .. وكان برضوا تفتيش ... عديت التفتيش التاني .. دخلت عند واحد جالس على مكتب صغير ومعاه واحد هندي يوزع ارقام ... رقمي كان 17 زهم الهندي على رقمي جيت للاخ اللي جالس على المكتب .. عرفت انو مهمته يشيك على الاوراق وخاصة 156 ، 157 ، 158 وكمان" الاي تونتي i-20 " المهم طلعت اوراقي سليمة ....
رحت على غرفة تانية بنفس الرقم " عند وحدة مرة رزله ، اخلاقها تعبانة .. شكلها من جماعة ابو شكيب .. سورية " المهم اعطيتها اوراقي وقالتلي اسمك طلع في الترشيحات الاخيرة ؟؟ قلتلها لا انا من اول مرحلة . قالتلي اذن حيطلبوك كشف حساب .. قلتلها ما في مشاكل ... المهم كان دورها التدقيق على الاوراق هل هي كاملة ام ناقصة واخذت مني الجواز + 156 ، 157 ، 158 + i-20 + صورة من خطاب الضمان المالي + إيصال سداد رسوم السفارة ... المهم اخذتها وختمت عليها واعطني رقم تاني .. كان رقمي 418... وقالتلي روح للجهة التانية ...
رحت للجهة التانية وهناك كان في زحمة حبتين ... المهم نادى منادي من شباك رقم 6 .. رقم 418 طبعا هذا رقمي ، رحت لقيت واحد سعودي" شكله من الغربية لابس كرفته ومتأنتك" قلي لوسمحت حط يدك في الجهاز .. عرفت انو مهمته يا حذ البصمات وبس .. اخذ البصمات وقلي انتظر وحيندهو على اسمك ورقمك مرة تانية ...
استنيت .... نادت وحدة بإسمي ورقمي وقالت شباك رقم 7 ... رحت للشباك رقم 7 ولقيتلك وحدة امريكية يا معلم ... قالتلي "hi" قلتلها مرحبابك ... المهم قالتلي حط اصباعك السبابة اليمين على الجهاز ... حطيته .. وجيتك ماشي يا معلم .. اللي هيا قالتلي لا انتظر .. وكانت بتضحك ومرة مبسوطة ... ليش تود الذهاب لامريكا ؟؟ قلتلها للدراسة ... فين رايح في امريكا ؟؟ وليش اخترت الجامعة ؟؟ وايش التخصص ؟؟ وهل سافرت قبل كده؟؟ وهل هذا اول جواز سفر لك ؟؟ المهم انا جاوبتها على قد سؤالها بون فزلكه وبدون اي فلسفة زايدة " طبعا ً هي تسأل وانا اجواب اول بأول" المهم انا ما اتوقعت انو هذه هي المقابلة اللي خوفوني منها الناس ... طبعاً المقابلة كانت وقافي .!.!.!.
وبعدين قالتلي انت اوراقك كلها سليمة 100% ؛ بس نحتاج منك "Tabel Number" تروح الوزارة وتقلهم ارسلوه الى السفارة الامريكية .. وبعدين قالتلي انا اتصل عليك واقلك ارسلي الجواز حقك عن طريق الفيديكس .. وفي ظرف اسبوع زمان نعطيك الفيزا ... طبعاً اعطتني ورقة صفرا مكتوب عليها tabel number
وبكدة انتهت المقابلة .. وحسيت كأني رحت للخباز اشتري منه بريالين عيش ...!!
وآسف على الاطالة .. وإذا كان احد عنده معلومات عن Tabel Number لا يبخل عليه بمعلوماته وبنصايحه .. لاني انا رحت الوزارة وما افادوني بشي ....!! مع العلم بأني انا من ضمن برنامج خادم الحرمين للمرحلة الاولى ... والمشكلة اني طلعت للوزارة قبل ما اخذ موعد مع السفارة وقالولي جيب الفيزا ونحنا نطلعك .. والكلام هنا منسوب لـ د. عبدالله الموسى ... لكن لمن رحتلوا وقابلته شخصياً بعد ما انتهيت من السفارة قلي "لا يمكن" ...
حسبي الله ونعم الوكيل وإنا لله وإنا إليه راجعون ...
اللهم صل على سيدنا محمد الفاتح الخاتم وآله وسلم ،،،