هل حصلت على الفيزا بعد الورقة (الزرقاء)

من جد انا موقاهرني الا لازم ياخذون اجازة راس السنة طيب رأس السنة يوم واحد بيكون الخميس لا لازم يخذونها وخذوها السبت

برافو يا صديقي
كندا رائعة

السلام عليكم ورحمة الله وبركاته .. اليوم هو الثالث من جانوري ومقابلتي كانت في 16 ديسمبر يعني بعد كم يوم اكمل عشرين يوم ولاحس ولاخبر من موقع السفارة ... ياليت اي احد من حملة الورقة الزرقاء يجد معه شي يجددنا بجديده هنا ولكم الشكر
تحية للجميع

ياليت كل واحد يقول متى دراسته تبدأ وايش سوى اجل او مدد
انا ماني فاهمه الفرق بين التأجيل والتمديد يعني هل يلزم في التمديد اي توني جديد

انا المفروض ارجع ادرس في 27 جانوري يعني بعد 24 يوم من اليوم والمشكلة انها الجامعه يعني لو معهد مو مشكلة ممكن يتأجل بس الجامعه ما اعتقد اقدر يعني حتى ما ادري لو تأخرت الفيزا وما امداني الحق على الترم هذا اروح على الترم الصيفي ولا قانونيا مايصير اروح وقت الصيف؟ ما ادري بس عندي احساس انها بتطول الفيزا لأني كنت هناك والعادة اي طالب كان هناك لازم يأخرونه .. عموما الله يكتب اللي فيه الخير ان شاء الله
دمتم سعداء

والله وضعك زي وضعنا
حنا بعد كنا هناك والقبول اللي معنا قبول جامعه
ودراستنا تبدأ في 12 يعني الاسبوع الجاي
طيب ليش اللي يكون هناك يأخرونه زياده لو تعرف بالله وضح لنا

متى؟ ماجد

ليش كل هذا مع السفاره
ليش التعكير و اللف ؟؟
امريكا تلمح ماتبي طلاب ولا ايش ؟

كل من يطلب إصدر فيزا دراسية لأول مرة مالهم عذر يرفضونه إذا كانت أوراقه كاملة, المشكلة الي يطلبها لثاني مرة او ثالث مرة لهم الف عذر وعذر . عشان كذا نلاحظ الي يطلب الفيزا الدراسية لأول مرة يعطونهم في الغالب طبعا ورقة صفراء مكتوب عليها شكرا لإختياركم الولايات المتحدة الخ.. بينما اللي يطلبها لثاني مرة او اكثر من مرة يعطونه أوراق مزيفة أخرى وهي أعذار من عندهم حتى يشغلونا بألوانهم الزائفة ويجعلونا نفكر هذا خصصت له ورقة لونها كذا لأنه كذا وهذا خصصت له ورقة لونها كذا لأنه كذا وفي الأخير ماهي الا حبال متعرجة تحتاج الى سحب من مفصل رؤوسها حتى تستوي ان استوت وبقيت على حالها فأهلا بك في الولايات المتحدة الامريكية مرة اخرى وان استوت وانقطعت من وسطها فأنت مرفوض بأسباب قد تكون إدارية ولكن لانستطيع الإفصاح عنها وتعبك ياطالب امريكا ضاع وحول موادك على دولة أخرى وأبحث من جديد.
ماكتب في الأعلى مبني على توقعات شخصية لا أكثر لم تكن معلومات مستنبطة من أي جهة رسمية إن أصبت فهذا من فضل ربي وان اخطأت فأسفي لمن اخطأت بحقهم.
دمتم بسلام

والله علمي علمكم
والحمد لله على قضائه وقدره
ان كان فيه الخير الله ييسره
ماندري وين الخيره .............. احيانا احزن لمن اتذكر التعب اللي تعبناه في امريكا خصوصا اننا نفكر نحول دوله ثانية والامور بتكون جديده كليا بس مانقول الا حسبنا الله ونعم الوكيل
خيره من الله ... محد يدري ايش المكتوب

إن شاء الله بيقولون ارسل الجواز قولو إن شاء الله في القريب العاجل .