تفصلني عن موعد مقابلتي ساعات قليله جداً .. دعواتكم

هلوووو يا جماعه كيف الاحول

توني وصلت البيت في تمام الساعه الـ 9 و 20

نبدأ بقول لكم شو صار معي (قمة الحماس)
اول شي .. وصلنا السفاره 7 و20 دقيقه تقريبا .. اول ما دخلنا البوابه قال الهندي : ليش بتدخلوا قلنا عندنا موعد مقابله قال اوكي تفضلوا
دخلنا .. في المواقف بعد في هنود وقال واحد منهم انزلوا من السياره الساعه 7 و 25 لان الموظفين ماجاوا
المهم ..
توكلنا على الله ونزلنا في تمام الساعه 7 و 25.. وكنا ولحسسسسسسسن الحظ اول ناس واقفين
انا وابوي اول نفرين حتى الهندي قال ليدي اوقفي قدام اول وحده
وكان شكلنا مضحك واقفين سرا وراء بعض انا واول وحده والناس كلهم وراي
المهم وقفنا يمكن 10 دقايق او اكثر ننتظر يسمحوا لنا ندخل لان مش كل الموظفين وصلوا
فتح الأخ شنطتي .. فتشها لعن ابو خامسها ما خلى شي ما فتحاه لكن ما فتشني بالجهاز .. بس ابوي فتشوه بالجهاز كأنه مجرم ..

المهم ..
دخلنا .. نقطه تقيش مره ثانيه .. ما طولنا فيها
دخلنا في النهايه واخذنا رقم وطبعا احنا اول ناس

نادوا ع رقمنا .. رحنا
كانت وحده لبنانيه جدا جدا ظريفه اخذت اوراقنا وقعدت تضحك علي تقول : ليش عامله كوبي من كل شي 3 نسخ .. قلت لها مادري قلت اضمن الكل يقول اعملي 3 نسخ .. تقول مو لازم
لذلك لا تخلصوا اوراق وحبر بيتكم ع الفاضي كل شي منه نسخه وحده
اخذت اوراقنا وجلسنا اشوي ونادوا علينا بصمنا ..
وبعدين جلسنا اشوي ونادى علينا واحد امريكي جدا جدا جدا ظريف وطيب

بصمنا مره ثانيه وقعد يتكلم معاي انقلش انا وابوي
يقول لي تعرفي انقلش .. ابوي قال له تحاول تتكلم مضبوط وهذي فرصتها كلمها يالله
قال لي فتحي وجهش هذا اولا وقعد يهدر وين بتروحي كيف عرفتي الجامعه وش بتدرسي .. وقعد يضحك وانا متحمسه وياه واضحك واتكلم انقلش
بعدها قال اوكي بعد ون ويك رح يوصلكم الجواز ان شاء الله

شكراً .. مع السلامه ادفعوا الفيدكس

ومن كثر ما اني متحمسه نسيت محفظتي عند النافذه الي سوينا فيها المقابله فرجعت اخذتها وسيت لها بمحفظتي بي بااي وابتسم وقال باي قود لك

وبس دفعنا الفيدكس

وقعدت اضحك طوووووول الطريق

لان الموضوع جدا جدا سخيف ومايخوف ولا عاد المقابله ..
يعني الاشياء الي مالها داعي التفتيش كأن مسوين جريمه
وانصحكم لا تاخذوا شنطكم يا فتيات لان ما دخلوا شنطتي بس عطوني البوك وقلم ..

وهكذا مضى اليوم جميلاً وبسلام