بخصوص الفيزا أو المرافق (أنت تسال وأنا أجيب)

أخي Alwasell بالنسبة للرسوم فهي تدفع عن كل فرد مضاف في الجواز صغيرا كان أم كبيرا ، أما المقابلة فهي تجرى فقط لمن كان عمره 12 عاما فأكثر . مع تمنياتي لك بالتوفيق

مشكوووور على الموضوع المهم مره شوكولاته سويسريه

انا عندي سؤال1 - ايش هي الاوراق المطلوبه لتجديد الفيزا للطالب والمرافق الزوج ؟

2-وهل اذا اعبي الفورمات تكون اون لاين ؟
3-وهل يحتاج اني اطبعها واخد نسخه معاي لللسفاره ؟

وشكرا مقدما

اختي نفس الاوراق اللي عبيتوها بالمره الاولى(استخراج الفيزا) ونفس الاجراءات بس المره هذه ما تدفعون سيفيز
الطالب انثى: 156 و 158
الزوج مرافق:156 و 157
وطبعا 156 لازم يتعبى اون لاين وتطبعيها وتاخذيها السفاره

thanks alot swiss chocolate

السلام عليكم ورحمة الله وبركاته

في البداية اخوي الغالي احب اشكرك على المجهود الرائع الى الكل يستفيد منه

يعطيك الف عافية

اخوي انا عندي استفسار

انا حاليا في امريكا وانشا الله راح انزل في 16 ديسمبر وانشا الله راح اتزوج بعد اسبوع من نزولي السعودية

طبعا انا كنت متأمل ان خطيبتي تنقبل في البعثات لانها قدمت على البعثه بس ما حصل نصيب
لانهم ظلموا البنات هي جايبه 94% علمي والوزاره طالبه اقل شيء 98%

المهم انا سلمت امري اني راح اجيبها مرافق وانشا الله لما تجي هنا احولها الى البعثه

طبعا انا عملت موعد عن طريق الانترنت علشان الفيزه

استفساري هل ادفع السفس من جديد لي او لزوجتي

وهل السفاره تطلب خطاب بخصوص زوجتي كمرافق
وما هي الامور الى احتاج اسويها في حالتي

تحياتي لك

السلام عليكم ورحمه الله وبركاته

عندي سؤال واستفسار

الحمدلله موعدي في السفاره بعد اسبوع, لاكن مشكلتي في الفورم تبع السفاره يمكن عبيته مرتين ويصير عندي اغلاط او اقرا في منتديات اراء زوار لخبطوني, الان انا معتمد على الله ثم على النصايح الي بتقولنها لي , عندي اثنين من اخواني يدرسون في امريكا في ولايه تكساس في مدينه هيوتسن وانا ان شاءالله بروح لهم الاي توني من الجامعه الي يدرس فيه واحد من اخواني
,سؤالي الان في الفورم تبع السفاره حقل مكتوب فيه سؤال :اكتب افراد عائلتك؟ اكتبهم كاملين وبالاضافه للأثنين الي في امريكا او مااكتب الاثنين الي في امريكا لأني قريت في احد المنتديات
اذا سألت في المقابله عن اذا كان لي اخوان او اقارب في امريكا اجاوب بلا
هل هذا الكلام صحيح؟؟
وفي الحقل نفسه مكتوب العنوان ورقم الجوال بالنسبه للعنوان يكتفي اكتب اسم المدينه مثلآ الرياض

وشكرا

ارجوا الرد بأسرع وقت

مبروك الزواج وعقبال كل العزوبيه
سؤالك بخصوص السيفيس فما يحتاج تدفع لا انت ولا هي اما بخصوص خطاب السفاره تروح للوزاره معاك صوره من قرار ابتعاثك وصوره من جوازها بالاضافه لبطاقه العائله ويصدرون لك خطاب باسمها وانت واقف

لا تكذب. اكتب كل شي بصراحه وخلك صريح وواضح معاهم. الصدق منجاة واناا اخوك اما بخصوص العنوان فاذا بتكسن عند اخوك اكتب عنوان اخوك ورقمه واذا بتسكن بالجامعه (الدورم) اكتب عنوان الجامعه ورقم الانترنشونال اوفيس حق الجامعه

داري اني طفشتكم وغثيتكم بس اخر سؤال ان شاءالله اخر سؤال

انا جبت الاي توني وكان الضمان المالي بأسم الوالد مهب بأسم التعليم العالي, ورحت قدمت اوراقي للتعليم العالي وقلت ابي خطاب توصيه للسفاره وضمان مالي , قالوا بنعطيك خطاب سفاره لكن ضمان مالي ماتحتاجه الضمان المالي للمساعده على الحصول على قبول(الاي توني)وانت عندك اي توني, و قريت في المنتدى اني احتاج لضمان مالي , وعندي ضمان مالي الي حصلت عليه من الوالد بس مدري يكفي للمعيشه والدراسه بيوافقون عليه السفاره او لا المبلغ 5,467 دولار وافيدوني يمكن أسأل في المقابله كيف مكتوب في ( الاي توني) انك راح تدرس على حسابك الخاص حساب الوالد ومعك خطاب موجه للسفاره من التعليم العالي انك مبتعث من الحكومه تتوقعون يسألوني وش اجاوب وش اسوي ردوا علي بأسرع وقت.

الله يجعل كل شي تفيدونا فيه في ميزان حسناتكم
والسلام.

داري اني غثيتكم بأسألتي بس ان شاءالله اخر سؤال

انا قبل يتم قبولي في البعثه حصلت على اي توني وكان لابد من ضمان مالي واخذت ضمان مالي من حساب الوالد وهو الي بيكفلني في الدراسه, اليوم رحت للتعليم العالي وقدمت اوراقي قالوا بنعطيك قلت معي الاي توني بس ابي خطاب للسفاره وضمان مالي قالوا بنعطيك خطاب توصيه للسفاره لاكن الضمان ا لمالي ماتحتاجه هو للمساعده على الحصول على قبول وانت عندك قبول ماتحتاج, وانا قريت في المنتدى اني احتاج لضمان مالي يكفي الدراسه والمعيشه على الاقل لترم واحد كورس واحد والضمان المالي الي اخذته من الوالد مدري يكفي او لا هو بقيمه 5,467 دولار, وانا خايف من شي مكتوب في الاي توني ان الضمان للدراسه FATHER وانا اعبي نموذج السفاره فيه سؤال:من سيدفع مصاريف رحلتك؟ كتبت على حساب الحكومه , والاي توني مكتوب فاذر وش اسوي اقولهم اني انا رايح للدراسه سوائا على حساب الحكومه او على حساب الدوله وقبلوني الحكومه في البعث بعد حصولي على الاي توني وهذا الي حصل في الواقع

افيدوني اثابكم الله

الله يجعل كل فائده استفدنا منها في موازين حسناتكم

والسلااام