متوهق ساعدوني من ناحية السفارة الامريكية ..

السلام عليكم

عزيزي اذا كان عمك اللي بيصرف عليك فخلك صريح وقول عمك وجيب كشف حسابه.
أما قبول المعهد راح يعطوك فيزة بالمدة اللي مكتوبة في الاي 20 حق المعهد.
اذا سفرك لامريكا مكتوب لك فالفيزا بتجيك ولو طال بك الامد وكله بتوفيق رب العالمين.

تحياتي

اذكر واحد هنا حط نفس سؤالك ..
وردت عليه احد الاخوات وذكرت له الصيغه اللي يكتبها له البنك علشان عمه او واحد من قرايبه ..
وكان الصيغه تقريباً انه يكتب البنك ان فلان في رصيده هذا المبلغ ويتكفل بعلاج ومبالغ واشياء لفلان ..
ويكتب تحت اسمه ووش صلة القرابه للطالب ..

انت اطلب من البنك كفاله ماليه .. وليست ضمان مالي
الفرق ان الضمان يتم حجز المبلغ ..
لكن الكفاله تقدر تسحب كامل المبلغ بدون اي مشكله وتوقيع البنك والختم بالأشياء هذي معناه انه مصدق

لاتخاف وتوكل على الله ..

الله يعطيكم العافية
ولاكن يا اخ دحومي رفض البنك البريطاني يعطيني شهادة بنكية على حساب عمي
وهل تقصد بالكفالة هي نفس الشهادة ولاكيف افيدوني رجاء

هي نفسها الكفاله ..
لكن خل عمك يروح موب انت .. لازم عمك يروح للبنك وهو يوقع ..
لانه من حساب عمك ولازم يكون عمك فيه علشان هو اللي يطلب يكون من حسابه الكفاله ..

وبعد هذا فيه أقرار يكتبه عمك انا انا فلان الفلاني وكذا اتكفل بدراسة ابن اخي .. ثاني غير الكفاله البنكيه ..
قد كتبوها هنا الشباب ..

للحين انا ماسويت الإجراء هذا بس ياليت تبلغنا وش يصير معك ..

والله مافهمتك يادحومي

الاقرار هذا وين يكتبه ومن وين

وهل فيه صيغه يعني اقدر اكتبها واخليه يوقعها ويختمها من عمله يعني
اقرار بالكفالة انه يتحمل مصاريف دراستي

اخوي سوار
ابوي الله يحفظه ويحفظ والديكم اجمعين
حسابه في بنك ساب وقاللهم ابغى ضمان مالي
بس انا قلت لابوي يطلب منهم يكتبونه بالشكل التالي
انه اسم ابوي اولا وبعدين انه عميل عندهم من التاريخ الفلاني وانه يملك رصيد وقدره وانه بناء على طلبه انه يرغب بضمان وتحمل جميع مصاريف ابنه وهنا مكتوب اسمي
وتكون رسميه طبعا بختم مدير زائد ختم البنك طبعا واتوقع يستحسن انه عمك يمضي عليها بس انا ابوي توقيعه ماكان مكتوب عالضمان
وقبلوها الجامعات اللي راسلتهم وحتى السفارة الامريكيه
والله يوفقك ويوفقنا اجمعين وهذا مايعني انك ماتسأل انت اسأل وشوف اذا لقيت احد يفيدك من باب الطمأنينه