مبتعث مجتهد Senior Member
الولايات المتحدة الأمريكية
Suki , أنثى. مبتعث مجتهد Senior Member. من السعودية
, مبتعث فى الولايات المتحدة الأمريكية
, تخصصى MA-TESL
, بجامعة UTSA
- san antonio, TX
- السعودية
- Jul 2008
المزيدl December 13th, 2008, 12:30 PM
December 13th, 2008, 12:30 PM
السلام عليكم و رحمة الله و بركاته يا صباح البرد و التكتكة , 
اليوم خلصنا من السفارة الامريكية و بناء لطلبات بعض الأعضاء على الخاص قررت تنزيل الموضوع أول ما اوصل الفندق 
أول شي لو كنت من الغربية و متوجه للرياض شيل معاك عشرة جاكيتات و عشرين شراب و كم شال , لانه ماشاء الله قوة برد مو زي مكه , خاصة لمن تمسك سرا قدام مدخل السفارة و تتلطع في صباحية ربنا زي الغلابة 
موعدي كان اليوم الساعه سبعة و نص , صحيت من خمسة الفجر و وصلنا انا و اخوي على الساعه 7 هناك و دا كله رقمنا كان 17 , يعني16 نفر وصلوا قبلنا ؟؟؟ 
قعدت أقول في نفسي الدنيا دي فيها عالم دوافير من جد و عوايل جايبة أطفال معاها , شي يكسر الخاطر , بس الامريكية اللي عند الاستقبال كانت بنت حلال , خلت اللي معاهم أطفال يدخلوا اول شي 
حبيتها على الحركة دي المهم , لمن توصل عندها لازم تكون معبي اوراقك كالتالي : ورقة الموعد , أبليكيشن 156 مع توقيعك المبجل , و ابليكيشن 158 و 157 للأولاد و الجواز و ايصال سامبا وآي تويني الأصل و الصورة , و صورتك و صورة ملووووونه من الجواز << حطوا سبعه خطوط تحت ملونه ترى انتبهوا على الصور , كثيرين رجعوا من السرا حقهم عشان يروحوا الاستديو و يصوروا من جديد و هاتك لطعة مرة تانيه في البرد دا 
المهم وقفنا عندها , و دار بيننا الحوار التالي : هي : مورننغ مي : مورننغ مس 
هي : أشوف أوراقك ؟ الصورة ؟ وندررررفل << مرتبة كل شي مية مية مي : 
هي : ايش برد الرياض دا , أصابعي ثلجت خلاص ما صرت احس فيهم مي : ايوة مررررررررررررررررة برد , نحنا من الغربية و الجو عندنا مش كده خالص هي : اوووه !! , انا كنت في جدة امس و الجو كان دافي << تنحت شوي و تركت الاوراق مي : 
<< اخلصينا يا شيخه هي : مين دا ؟ اخوكي ؟ اخوي : ......... مي : ايووة << الاعصاب بدأت تتلف و دبست الصور مع الاوراق و قالت لنا جوود لك و ضحكت كده و نحنا متكتكين من البرد مشينا شوي و اخدوا جوال اخوي و اعطونا رقم و كنت رح اخربها مع الهندي اللي اخد مننا الجوال لانه كان يزعق و نحنا ما قلنا له شي , بس قلبت وجهي و خليت اخوي يتصرف معاه بعدها دخلنا جوا قسم التفتيش , و مشينا مشينا لين وصلنا قسم تدقيق الأوراق يعطوك رقم هناك , و تخلي دا الرقم معاك لين تطلع من شي اسمه سفارة امريكية تجلس بعدها تنتظر دورك , و جا دورنا و الموظفة , سورية او فلسطينية , اخدت مننا الاوراق و قالت لنا انتي F1 , و أخوكي F2 ???????????????? مي : yeeeeeeeeesss ???????? قامت اتنرفزت و قالت لا مايصير هيك و مدري وشو و ممنوع و شوي تطردنا من الكاشيير قلت لها مدري الجامعة رسلت له رقم سيفس لفيزا F2 ايش يدري اهلي انه ما يصير ؟؟ قالت لي روحي استني 
جلسنا و اخوي قالي ايش في ؟؟ قلت له مادري , شكلها طفشانه ولا احد مهاوشها خخخ بعدين نادانا واحد لبناني ياخد البصمات , وهنا كانت الصاعقة 
قالي حطي ايدك اليسار على الجهاز , زي جهاز المسح الضوئي , حطيتها , قالي حطي تاني , حطيتها تاني , قالي مش ممكن قالي حطي اليمين حطينا اليمين قال لاء , حطي و اضغطي , ضغطت و بعدها جلس يطالع في كاني مخلوق فضائي ولا ايش مي : 
هو : وين بصماتك ؟ اضغطي بقوة نجرب تاني يلا اليسار , انا شوي وانهار , حطينا اليسار , حطي اليمين , حطي الابهامين , اضغطي لاء مافي أبدا أي بصمات , روحي يا اختي اتفضلي رح نجيب لك خبيرة تاخد منك البصمات انا خلاااااااااص قلت روحنا فيها , لا أنا ولا اخوي , وجلست انتظر لين نادوا رقمي تاني و جات الخبيرة , ست أمريكية كبيرة في السن بس مرة حبوبة , كانت جايبة معاها علبة كريم نيفيا و مناديل قالت لي "أمنيه" وش المشكلة ؟ قلت لها عندي مشكلة البصمات مرة خفيفة و ما رضيت تطلع و شسمه << باقي الكلام كان ترقيع قامت ضحكت الا انا ارتحت شوي و قالت لي عادي بنحاول حطي كرييييم , و امسحي يدك شوي , و يلا ايدك اليسار و اضغطي بقوة وجلسنا على نفس موال اللبناني وقت أطول كمان و هادي المرة مع النيفيا واخوي ورا فاطس ضحك 
بس مادري كيف بالها كان طوييييل , انا نفسي تعبت أبصم و هي تقولي حاولي و تطالع في الكمبيوتر عندها طلعت بصماتي المصونة و لا لاء اخر شي قالت لي this is the best we can do خلاص شقلبي , مدري روحي للقنصل رحنا للقنصل و اللي ما أظن انه قنصل , راجل امريكاني عادي بس انه لابس بدلة و مسبسب شعره 
عاد انا من كثر ما سعمت عن البعبع مدري القنصل و المقابلة كيف انها تخوف و دربكة , افتكرت اني رح ادخل مكتب و حركات و بدي جارد و شي على مستوى كده ما ألاقي نفسي الا واقفة في الكاشير اللي جمب التبصيم و هوا واقف ورا القزاز يكلمنا ... أول شي طالع في الجهاز عنده على بصماتنا , و أبداااا ما عجبته بصماتي قام راح للحرمة العجوز و جلسوا يتجاكروا زي خمسة دقايق 
و هي تقوله مستحيل أكتر من كده حاولنا خمسين ألف مرة 
, أخوي صار يضحك و يقولي انتي لو سويتي جريمة قتل محد درى عنك هاهاهاه وانا واقفة و متنرفزة و حالتي حالة قلت له , تنكت انت ووجهك 
قام رجعلنا و قالنا سوري و قال خلاص مو مشكلة , و سالنا كم سؤال ليش رايحة امريكا ؟ قلت له جامعاتها حلوة و السمعة جيدة قالي عندك اصحاب ولا اقارب ؟ لااااااااااااااء لالالالالالالالاءءءءءءء خلاص فيزتك بتطلع بعد اسبوع بالكثير , و ابتسم طالع في اخوي و قاله متى خلصت ؟ و ايش سويت لمن اتخرجت ؟ قام سألنا نحنا الاثنين , كم ناويين تجلسوا ؟ قلنا له حوالي 3-4 سنين قال اوكي و قال لأخوي انت لازم تجيب اي تويني و ترسله لنا و نطلع لك فيزتك في خلال اسبوع بالكثير كمان و تروح على فيزا طالب زي اختك اعطاه ورقة صفرا و أخد منه السيفس حق المرافق و الابليكيشنات و قال ننتظر منك الاي تويني فقط قلت الحممممممممممد لله , يعني مجرد مراسلة للمعهد و اي تويني طالب في خلال يومين ان شاء الله 
يووووبييي بس الله يهديها الجامعة رسلت لنا سيفس F2 للأخ و هو ممنوع , قلت للقنصل مدري الموظف دا الكلام وقالي للأسف في جامعات كده , بس انتوا هاتوا القبول و تتسهل , قلت له شششششكرا مع السلامه 
كانت المقابلة أسهل شي صراحة , مرة كنا ريلاكس و هم أسلوبهم حلو و friendly مرة , من الموظفة اللي عند الباب لين اللي سوا معانا المقابلة أخص شي كانت البصمات , خفت يدخلوني غرفة و يسووا لي سين جيم و يقولوا في الآخر Refused :"| وهادا كل الفيلم اللي صار اليوم , موعد الدخول للسفارة كان 7 و ربع و موعد الخروج كان 9 بالضبط , و دحين رايحه اجهز الشنط للعودة للدفء و الشمسسسس , لمكه الجميلة :") أي استفسار عن فيزا المرافق و كيفية استخراجها اتفضلوا عادي , see you ^_^ الله يوفقك ادعي لي بس كيف حجزتي موعد مع السفارة
أقصد هل دفعتي السيفس ولا أيش اللي دفعتيه قبل ما تروحي للسفارة وهل أطبع صورة جواز لي ملونه وأي صفحة وعفواً يعني إنتي متى حجزتي الموعد لأني صاحبتك حتى شهاداتها ترجمتهم بالغلط يعني الفاميلي نيم فيه حرف غير اللي بالجواز ومتورطة هل أترجم من جديد ولا تمشي خلاص وأعذريني على الأسئلة بس مره محتاجة
زيزو الصغيرة December 13th, 2008, 12:59 PM
7 " عالبركة خيتي
وان شاء الله ترجعين مرفوعة الراس
وبالنسبة لبرد الرياض فعلا مصيبة
انا كنت عندهم في نوفمبر وبرد كيف الحين
اهم شي تسهلت الامور
دمت بود
وبالتوفيق للجميع انشاء الله
عموري1984 December 13th, 2008, 01:50 PM
7 " الف الف الف مبروك Suki
الله يوفقكم انتي واخوك ونبي الشهاده الشهاااااده .. ويسهل اموركم ..
ادعو لنا ..
M K December 13th, 2008, 04:31 PM
7 " هلا أختي..ترا صورة الجواز مو شرط تكون ملونه انا أخذ مني الجوااز وصوره عنده ابيض وأسوود وطلعت فيزتي بعد 3 أيااام
وكانت مقابلتي قبل اسبوعين..
عاشق أمريكا December 13th, 2008, 05:29 PM
7 " عزيزتي كم اعطوكي مده الفيزا ؟ وهل قدمتي قبول اللغه فقط او جامعه كمان؟
بالتوفيق
الغلا2006 December 13th, 2008, 05:33 PM
7 " 
LinkBack URL
About LinkBacks
ياحلوة واعذريني لاني طولت 
December 13th, 2008, 12:30 PM
السلام عليكم و رحمة الله و بركاتهيا صباح البرد و التكتكة ,
اليوم خلصنا من السفارة الامريكية و بناء لطلبات بعض الأعضاء على الخاص قررت تنزيل الموضوع أول ما اوصل الفندق
أول شي لو كنت من الغربية و متوجه للرياض شيل معاك عشرة جاكيتات و عشرين شراب و كم شال , لانه ماشاء الله قوة برد مو زي مكه , خاصة لمن تمسك سرا قدام مدخل السفارة و تتلطع في صباحية ربنا زي الغلابة
موعدي كان اليوم الساعه سبعة و نص , صحيت من خمسة الفجر و وصلنا انا و اخوي على الساعه 7 هناك و دا كله رقمنا كان 17 , يعني16 نفر وصلوا قبلنا ؟؟؟
و عوايل جايبة أطفال معاها , شي يكسر الخاطر , بس الامريكية اللي عند الاستقبال كانت بنت حلال , خلت اللي معاهم أطفال يدخلوا اول شي
المهم , لمن توصل عندها لازم تكون معبي اوراقك كالتالي :
ورقة الموعد , أبليكيشن 156 مع توقيعك المبجل , و ابليكيشن 158 و 157 للأولاد و الجواز و ايصال سامبا وآي تويني الأصل و الصورة , و صورتك و صورة ملووووونه من الجواز << حطوا سبعه خطوط تحت ملونه
ترى انتبهوا على الصور , كثيرين رجعوا من السرا حقهم عشان يروحوا الاستديو و يصوروا من جديد و هاتك لطعة مرة تانيه في البرد دا
المهم وقفنا عندها , و دار بيننا الحوار التالي :
هي : مورننغ
مي : مورننغ مس
هي : أشوف أوراقك ؟ الصورة ؟ وندررررفل << مرتبة كل شي مية مية
مي :
هي : ايش برد الرياض دا , أصابعي ثلجت خلاص ما صرت احس فيهم
مي : ايوة مررررررررررررررررة برد , نحنا من الغربية و الجو عندنا مش كده خالص
هي : اوووه !! , انا كنت في جدة امس و الجو كان دافي << تنحت شوي و تركت الاوراق
مي :
هي : مين دا ؟ اخوكي ؟
اخوي : .........
مي : ايووة << الاعصاب بدأت تتلف
و دبست الصور مع الاوراق و قالت لنا جوود لك و ضحكت كده و نحنا متكتكين من البرد
مشينا شوي و اخدوا جوال اخوي و اعطونا رقم و كنت رح اخربها مع الهندي اللي اخد مننا الجوال لانه كان يزعق و نحنا ما قلنا له شي , بس قلبت وجهي و خليت اخوي يتصرف معاه
بعدها دخلنا جوا قسم التفتيش , و مشينا مشينا لين وصلنا قسم تدقيق الأوراق
يعطوك رقم هناك , و تخلي دا الرقم معاك لين تطلع من شي اسمه سفارة امريكية
تجلس بعدها تنتظر دورك , و جا دورنا و الموظفة , سورية او فلسطينية , اخدت مننا الاوراق و قالت لنا انتي F1 , و أخوكي F2 ????????????????
مي : yeeeeeeeeesss ????????
قامت اتنرفزت و قالت لا مايصير هيك و مدري وشو و ممنوع و شوي تطردنا من الكاشيير
قلت لها مدري الجامعة رسلت له رقم سيفس لفيزا F2 ايش يدري اهلي انه ما يصير ؟؟
قالت لي روحي استني
جلسنا و اخوي قالي ايش في ؟؟ قلت له مادري , شكلها طفشانه ولا احد مهاوشها خخخ
بعدين نادانا واحد لبناني ياخد البصمات , وهنا كانت الصاعقة
قالي حطي ايدك اليسار على الجهاز , زي جهاز المسح الضوئي , حطيتها , قالي حطي تاني , حطيتها تاني , قالي مش ممكن
قالي حطي اليمين حطينا اليمين قال لاء , حطي و اضغطي , ضغطت و بعدها جلس يطالع في كاني مخلوق فضائي ولا ايش
مي :
هو : وين بصماتك ؟ اضغطي بقوة
نجرب تاني يلا اليسار , انا شوي وانهار , حطينا اليسار , حطي اليمين , حطي الابهامين , اضغطي
لاء مافي أبدا أي بصمات , روحي يا اختي اتفضلي رح نجيب لك خبيرة تاخد منك البصمات
انا خلاااااااااص قلت روحنا فيها , لا أنا ولا اخوي , وجلست انتظر لين نادوا رقمي تاني و جات الخبيرة , ست أمريكية كبيرة في السن بس مرة حبوبة , كانت جايبة معاها علبة كريم نيفيا و مناديل
قالت لي "أمنيه" وش المشكلة ؟
قلت لها عندي مشكلة البصمات مرة خفيفة و ما رضيت تطلع و شسمه << باقي الكلام كان ترقيع
قامت ضحكت الا انا ارتحت شوي و قالت لي عادي بنحاول
حطي كرييييم , و امسحي يدك شوي , و يلا ايدك اليسار و اضغطي بقوة
وجلسنا على نفس موال اللبناني وقت أطول كمان و هادي المرة مع النيفيا
واخوي ورا فاطس ضحك
بس مادري كيف بالها كان طوييييل , انا نفسي تعبت أبصم و هي تقولي حاولي و تطالع في الكمبيوتر عندها طلعت بصماتي المصونة و لا لاء
اخر شي قالت لي this is the best we can do خلاص شقلبي , مدري روحي للقنصل
رحنا للقنصل و اللي ما أظن انه قنصل , راجل امريكاني عادي بس انه لابس بدلة و مسبسب شعره
عاد انا من كثر ما سعمت عن البعبع مدري القنصل و المقابلة كيف انها تخوف و دربكة , افتكرت اني رح ادخل مكتب و حركات و بدي جارد و شي على مستوى كده
ما ألاقي نفسي الا واقفة في الكاشير اللي جمب التبصيم و هوا واقف ورا القزاز يكلمنا ...
أول شي طالع في الجهاز عنده على بصماتنا , و أبداااا ما عجبته بصماتي قام راح للحرمة العجوز
و جلسوا يتجاكروا زي خمسة دقايق
أخوي صار يضحك و يقولي انتي لو سويتي جريمة قتل محد درى عنك هاهاهاه
وانا واقفة و متنرفزة و حالتي حالة قلت له , تنكت انت ووجهك
قام رجعلنا و قالنا سوري و قال خلاص مو مشكلة , و سالنا كم سؤال
ليش رايحة امريكا ؟ قلت له جامعاتها حلوة و السمعة جيدة
قالي عندك اصحاب ولا اقارب ؟ لااااااااااااااء لالالالالالالالاءءءءءءء
خلاص فيزتك بتطلع بعد اسبوع بالكثير , و ابتسم
طالع في اخوي و قاله متى خلصت ؟ و ايش سويت لمن اتخرجت ؟
قام سألنا نحنا الاثنين , كم ناويين تجلسوا ؟ قلنا له حوالي 3-4 سنين قال اوكي
و قال لأخوي انت لازم تجيب اي تويني و ترسله لنا و نطلع لك فيزتك في خلال اسبوع بالكثير كمان
و تروح على فيزا طالب زي اختك
اعطاه ورقة صفرا و أخد منه السيفس حق المرافق و الابليكيشنات و قال ننتظر منك الاي تويني فقط
قلت الحممممممممممد لله , يعني مجرد مراسلة للمعهد و اي تويني طالب في خلال يومين ان شاء الله
بس الله يهديها الجامعة رسلت لنا سيفس F2 للأخ و هو ممنوع , قلت للقنصل مدري الموظف دا الكلام وقالي للأسف في جامعات كده , بس انتوا هاتوا القبول و تتسهل , قلت له شششششكرا مع السلامه
كانت المقابلة أسهل شي صراحة , مرة كنا ريلاكس و هم أسلوبهم حلو و friendly مرة , من الموظفة اللي عند الباب لين اللي سوا معانا المقابلة
أخص شي كانت البصمات , خفت يدخلوني غرفة و يسووا لي سين جيم و يقولوا في الآخر Refused :"|
وهادا كل الفيلم اللي صار اليوم , موعد الدخول للسفارة كان 7 و ربع و موعد الخروج كان 9 بالضبط , و دحين رايحه اجهز الشنط للعودة للدفء و الشمسسسس , لمكه الجميلة :")
أي استفسار عن فيزا المرافق و كيفية استخراجها اتفضلوا عادي ,
see you
^_^