ماالحل يا اخوان ...رفض اعطائي تأشيرت لدخول يامريكا .. هل استطيع اقدم من جديد لسفاره ؟

ممكن تشرح يااخي ايش سار معاك في المقابله بالضبط وايش الردود اللي رديتها؟
واذا ذكرو اسباب لرفض
وهل اخدو جوازك وبعدين رفضو ولا اعطوك ورقة زرقاه فيها رقم مراجعه ولا على طول رفضو وضح وانشاء الله نحاول نساعدك على حسب خبرات الشباب اللي سار لهم نفس وضعك
الله يكون في عونك
لعلو خير

الله يعينك أخوي ...
راجع الوزارة ، وتقدر تغير الدوله إن شاءالله ، وعسى أن تكرهو شيئا وهو خير لكم ...

لاتضايق يالغالي

وعسى ان تكرهوا شيء وهو خير لكم

انت عارف اني اصعب من حالك

على الاقل انت عطوك رفض على طوول


انا كنت بدرس في استراليا

وقدمت اوراقي للقبول
وجاني القبول المبدئي في شهررر


وطلبوا مني فلوس عشان يرسلون الايت وني القبول النهائي يعني

وارسلت لهم تقريبا 26الف ريال

وجاني الأيت وني في 40 يوم

وبعدها قدمت على السفارة الاسترالية في الإمارات


وجلست آندرر برسس اكثر من ثلاث شهور

بالظبط 92 يوم

وكل ماكلمتهم يقولوا تحت الأجراء والخارجية الاسترالية

وارواقك ناقصه ارسل كشف حساب
مرره يقولوا ارسل كشف حساب فيه 30 الف ريال ومره 100 الف
سويت كل اللي يبونه

وارسلت لهم كشف طبي ثاني بـ1200ريال

وبعد كل ذا اتصل علي موظف DHL

قال تعال وصلت فيزتك


وجيت طااير من الفررح وفكيت الطرد

لقيته تم رفض الفيزا......


وعلى ذا الحال صار لي سنه في البيت انواع الطفش والوسوسه


فا اخوي لاتكره شي والمجالات والدول قدامك تقدر تروح بريطانيا ولاتتعب عمرك

بريطانيا قبول الجامعة والايت وني والفيزا ماتاخذ منك الا شهرر بالكثيير


وتقدر كنداا جامعتها مررره حلووه واستراليا بعد


لاتيأس

نسييت لا اقولك شي استراليا يوم طلبت ارجاع فلوسي رجعوها لي

وكان الريال السعودي نازل

تخيل ارسلت 26 الف ريال

رجعوا لي 17 الف ريال

وانا مادرست ولاشي

والجامعة يقولوا الفلوس ترجع لك زي ماهي بس السبب نزول العملة..

نفس حاالتي.ز
والان انا في استراليا والحمدلله مرتاااح...

لا تتحطم يا اخي العزيز خلي دفك اعلى من كذا..
دعوواتكم

قدر الله وما شاء فعل ..

بو لاطف الله يعوضك خير وان شاء الله انها دفعة بلاء يارب .. وتأكدوا ان امر المسلم كله خير

الله يعينك ولاتضايق والمكتوب مكتوب بتاخذه غصب عن الامريكان وعن الكل .. عزيزي ماتفكر انك تقدم على مكان ثاني اقصد على بلد ثانية والله يكون بعونك وانا مثلك مقدم على الفيزا الامريكيه وانا كنت هناك وشاك انهم بيرفضون الفيزا كذلك ولكن عندي خيارات اخرى وماراح انتظرهم الأمريكان الدراسة سواءا كانت عندهم او عند غيرهم والله اللي كاتبه لي بيصير لكن انا ارشح انك تقدم على جامعة ثانيه في دولة ثانيه حتى لاضيع وقتك وانت اعلم واخبرك بموقفك والله يوفقك وكلنا قلوبنا معك ومع بقية المبتعثين ... للمعلومية فيزا كندا ان شاء الله سهله وكذلك بريطانيا بس مشكلة فيزا كندا تطول شوي بينما بريطانيا ماتاخذ وقت واذا احببت في مكاتب تجيب لك قبول من بريطانيا ومن كندا واذا احببت معلومات عن المكاتب في الرياض انا تحت امرك وانا موجود الآن ياليت لو ترد لي وشكرا لك

مشكورين اخواني على الامل الي تعطوني اياه
عندي سؤال هذا يعني اني في البلاك لست الان ؟

ابي اسألك اولأ هل هذي اول مرة تقدم فيها على الفيزا؟ وهل انت تبي تدرس بكالوريوس ولا ماجستير ... اذا كانت اول مرة فيعني ذلك ان ماعندهم سبب مقنع انهم يرفضونك بس اذا قد رحت لأمريكا فبصراحه بيختلقون اسباب .. يعني اذا اول مرة امورك اسهل ومن الممكن تقدم مرة ثانيه بس السؤال متى تقدر تقدم مرة ثانيه وعلى ما اعتقد مافيه شي اسمه بلاك لست بس من الممكن وياليت احد يأكدلنا هالنقطه انه فيه فتره ماتقدم فيها ولكن لا اعلم كم هي الفتره ولاحظ اني اقول من الممكن يعني ممكن مايكون فيه فتره .. لكن الافضل في كل الاحوال انك تراسلهم .. راسل نفس الايميل اللي عطوك اياه في الورقاء الزرقاء .. لك مني جزيل الشكر ودعوات