من وين اجيب رقم الجدول(ضروري وبسرعه)

اختي زينه ابي اسالك

انتي مغيره المحرم والا مغيره شي من البيانات ؟؟

لاني سمعت انهم مايطلبون هالرقم الا للي مغير المرافق اوشي كذا

اول شي وشو ذا الرقم وغير كذا وشلون عرفتي انهم يبونه وانتي مارحتي لهم

اخت تيجن انا مو مغيرة ولا حاجة

بس هم سالوني اسمك موجود في اي مجلد من المجلدات اللي رسلتهم الوزارة للسفارة
قلت لهم ما ادري ..اوراقي كلها كلملة بس باقي الرقم.. ابي اعرف من وين اخذه
-------------------------

اخ عبدالله انا رحت المقابلة اليوم واموري طيبة بس عطوني موعد بكرة عشان اجيب الرقم ولحد الحين موعارفة من وين اجيبه ...

اخت زينه

انا سمعت بالتيبل نمبر قبل اروح استلم القبول من الوزاره

بس نسيت اسالهم عنه

ووحده من البنات لما راحت تستلم قبلولها
قلت لها تسال عنه وتطلبه منهم

قالوا لها
ان هذا الرقم للي مغيرين شي بالبيانات
يعني اللي ما غيروا مافي لهم رقم ارساليه
هذا هو كلام الوظفات والله اعلم

بس انتي اسالي بعد

ولو عرفتي شي فيدينا فيه

ويعطيك العافيه

الموظفة اللي في السفارة سألتني بالاول عن الضمان المالي وخطاب السفارة

قلت لها اني تبع بعثات وزارة التعليم العالي .. والوزارة قالت لكم انها ارسلت لكم الاسماء .

قالت لي طيب اسمك موجود في اي جدول من الجداول اللي ارسلتهم الوزارة ..اني طبعا صارت على راسي استفهام ..ما عرفت شنو تقصد اصلاً...اي رقم جدول (المجلد) تقصد.. ما سمعت في الملتقى ان في ارقام للجدول اللي رسلتهم السفارة ..

وطبعا الوزارة تلفونتها ما في امل احد يرد.. ورسلتهم بالايميل ولا من مجيب ..

اختي زينه بشرري وش سويتي ؟؟

انا عرفت من احد الاعضاء الله يجزاه خير ماقصر

ان الرقم هذا هو الرقم المكتوب على الظرف اللي داخله القبول مكتوب بقلم خطاط عريض

موفقه

شخبارك اخت تيقن وكيف القبول ؟؟؟

على العموم شسالفة هذا الرقم

في رقم القبول على الظرف وتحته رقم تلفوني وبعدين تحت رقم خمسه بين قوسين (5)

بعد في ثلاث ارقام مكتوبه بالقلم العريض وفي رقم بالاستكر الي على الملف

اي واحد وويش يبون فيه

مراحب تيغن ...كيف حالك..

اموري الحمد لله مشت يوم ثاني بتيسير بشكل ما تتصوري ..

اسئلة المقابلة كانت وايد حليوه ...وعطوني ورقة زرقة .. و قالوا لي انتظري بعداسبوع بالكثير نرسل الجوازات

بالنسبه للرقم صحيح كلامك 100% هو الرقم اللي على ظرف القبول ..يتكون من ثلاث ارقام وحرف ..

شفتي هالرقم اشقد وجع راسي واني ادوره وهو عندي ..

تيجن وصلش القبول لو لا.. ومتى موعد المقابلة حقش...

اذا بغيتي اي شي بخصوص المقابلة اني حاضرة..

الرقم اهو الرقم اللي مكون من ثلاث ارقام وحرف ومكتوب على ظرف القبول في الاستيكر اللي فيه الاسم وتاريخ الميلاد .. يصير تحت تاريخ الميلاد بالضبط ..

ومكتوب كمان داخل فوق ورقة القبول بقلم الرصاص بخط صغير هذا مكانه بالنسبة لي..

لان قبولي من مكتب ايجيك ..بس ما ادري عن مكانه بالنسبة للي استلموا قبول من الوزارة

تحياتي .. واتمنى اكون افدتك ..