المشاركة الأصلية كتبت بواسطة skmm
سلام ياشباب وياصبايا
كفيكم
قصتي بالسفارة اليوم قصة
__________________________________________________ __
المهم
صليت الفجر ،،، واخذت تاكسي وعلى السفارة
وصلنا وصفينا سرا برى السفارة
جالس اسولف مع اللي حولي ...
يوم وصل دوري عند الست اللي قالست اللي بالباب
قالت : وير ا باسبور ....
جلست اتخبط ادور الباسبور
وين الجواز
ياعالم وين الاوراق
أفا والله ما هقيتك نساي كذه
المهم اني مالقيته
رجعت على البيت ولما وصلت فتشت شنطة السفر
ادور يمين
ادور يسار
ياهوووووووووو
فين راح الجواز
المهم اني تخيلت نفسي مهم وان جوازي انسرق <<< وش ذا الجواز الدبلوماسي 
المهم لما استلقيت على السرير وانا حزين
اجر اذيال الخيبة والبكاء كاد ان يتقاطر من عيني
وانقلب يمين واشوف طرف الجواز في شنطة اللاب توب
واطمر طمرة الرجايل
البس ثوبي وما تيسر لي من لباس دافيء في يوم شاتيء
المهم
واشر تاكسي
فين صديق قلت سفاره امريكية
المهم رحت للسفارة
وصف سرا ثاني
وصلت عن المزمزيه وست الستات مره ثانيه
ضحكت قالت
اوك
....
دخلت السفارة
حطين جوالاتنا بالظروف هي والفلاش مموري
ودخلوا اغراضنا على السير وتفتشنا
دخلنا مبنى السفارة
كمان تفتيش ثاني
خلصنا
ادونا رقم من عند الباب
جلسنا لما جاء رقمي
شيكوا لى الاوراق
كان فيه وحده متحجبه وبتتكلم عربي وكانت مره غلسه 
قالت لازم تكتب اخوانك كلهم ان شاء الله 100 ..
جلست اتذكر اخواني و اخواتي
واحد اذكره واثنين انساهم
المهم خلصت 4 اوراق بس اسماء اخواني واخواتي
قولو ما شاءالله
وورقه للوالد والوالده والاولاد 2
بعدين دقرت عن الاولاد
انت متزوج قلت انا مطلق
ليش عنوان الاولاد مو عنوانك
قلت الاولاد مع امهم
المهم انها غلسه وتدقق على الصغيره والكبيره
خلصنا من التدقيق
والحمد لله
انتظرنا لين مانادوا على الارقام مره ثانيه
جيت عند ولد سعودي حبوب
وكان بياخذ البصمات
اخذ بصماتي
وقالي الله يوفقك
انتظرنا تقريبا ساعة
نادوا اسمي ورقمي
وجيت عند الامريكي
قال السلام عليكم ورحمة الله ....
صراحة اتبلمت انا ما عرفت ارد
بعدين قالي : ار يو سبيك انقلش
قلت نووووووووو
قال : اسمك
وقلت له الاسم
قالي ضع اصبعك السبابة على الجهاز
وضعتها قال كويس
المهم سألني : ليش عندك اسمين للعائلة 
قلت واحد رسمي ...... والثاني حركي <<< كيف بس حركات
المهم قالي لي انه ممكن يسبب مشاكل لك مستقبلا
قلت له : الاسم الاول للسمول فيميلي والثاني للبيق فميلي سألني بتشتغل بالجامعة قلت له نعم
اخذ التعريف وقراه قال معيد
قلت ايه ...
جلس يقلب في الترانسبت ... ( كشف الدرجات ) ...
قال : ما شاء الله تبارك الله ..
هنا ما قدرت اقول شيء
كأني بلعت لساني يعرف عربي ويعرف السلام عليكم ويعرف ماشاء الله ..
المهم سألني : كم ناوي تجلس في الولايات المتحده
قلت : 10 سنوات
قال ايش راح تدرس
قلت : لغه وماستر ودكتوراه
قال : ماشاء الله
ياناس ايش ذا والله كأنه واحد من الربع
المهم اني عرضت عليه الجنسية حقت قبيلتنا ...
وتكته يفكر
بعدين سألني : في اي جامعة ناوي تروح
قلت له : سنترال فلوريدا
قالي لي : ويلكم تو يو اس اي
روح للفيديكس وراح يجيك جوازك بعد اسبوعين ان شاء الله
برضو انصدمت من ان شاء الله
هذي سالفتي معهم اليوم بالسفارة
اشكركم على صبركم علي
LinkBack URL
About LinkBacks
بالتوفيق للجميع