مخاوف وصعوبات السفاره الأمريكيه

موضوع حلو جدا انا موعدي انشالله يوم21 الشهرهذا اول ماخلص موعدي اعطيكم اخباري انا والمدام بتوفيق لصاحب الموضوع

أنا الحمدلله خلصت أموري مع السفارة و إن شاء الله بنزل لكم موضوع الآن في المنتدى عن إيش إلي صار بالضبط

الحمدلله

وان شاء الله امورك كلها اوكي

بس ياليت تحط لنا الصعوبات اللي صادفتها
واكيد لنا مرور على موضوعك

ان شاء الله مقابله موفقه
ربي ييسر لك
وللجميع
ننتظر اللي يصير معك
موفق

السلام عليكم

اولا موضوع التاشيرة الان اصبح اسهل من زمان بكثير ..
فلا تشيلو هم

انا بذكر لكم الاخطاء او النصايح الي لازم تنتبهون لها ..

اولا موضع الصورة
انا رحت الرياض وكنت متصورة هنا بجدة بس ما طلعت الصور قبل السفر
ورحت تصورت عند استديوبالرياض مرتين
ولكن ما قبلوها
طبعا لانها على كلامهم غير طبيعية ..
داخلة كمبيوتر ..
ورحت تصورت باستديو بنفس السفارة خلال دقايق استلمتها ..
طبعا عند رجال مو حرمة ولكني اضطررت لذلك ..

2- موضوع الموعد حق السفارة اطبعوه قبل لا تروحون للموعد
انا عن نفسي ما طبعتها ومشى الحال
بس هي كانت تقول انها ضرورية ..

3 - النماذج
اذا عبيتو النماذج لا تنسو وقعو مكان ما المفروض توقعون
لان الي تاخذ الاوراق لو لقتك ما وقعت بتوترك من كثر ما تنافخ عليك ..

4 النماذج بعد
اذا عبيتو النماذج فيه خانه تكتبون فيها الوالدين والاخوان والاخوات
لا تنسون حطوهم كلهم
ولو ما كفى المكان عادي اكتبيها بخط اليد على ظهر الورقة

5 - بالنسبة للمرافق كان اخوي وكان عنده قبول زيي
والاسئلة كانت عادية
وين رايح
ومتى تخرجت
وش بتدرس
وليه زوجتك مو رايحة معاك
وليه سافرت هنا وليه هنا
عادي جدا

6 - وهذا جدا مهم
اذا كان عندك جوازات سابقة ضروري تجيبها كلها

واذا عندك جواز قديم ضايع
جيب محضر من الشرطة انه فقد
وكيف فقد ,,
وخلك طبيعي
ان شالله بتمشي الامور
بس بتتاخر شويتين عبال ما تصدر التاشيرة ..

هذا الي يحضرني الان ..
ان شالله احد يستفيد من كلامي ..

مشكورة اخت شوشو

كفيتي ووفيتي

ويارب تتسهل امورك وتصدر فيزتك باسرع وقت مثل ما افدتينا بكلامك

موفقه

اختي تيقن



الف شكر ويعطيك ربي العافية على الفكرة الجيدة




نصائح وتوجيهات للي رايح يم السفارة .......


* توكل على ربك ياخوي وياخيه ولا تشيلوا هم ترى الدعوة ما تستاهل الهم والغم ......

* استعن بربك ونام زين وصحصح من بدري ترى الشغلة هناك كأنك رايح لفرن التميس يعني من سبق لبق .....

* تأكد من جميع اوراقك ومتعلقات السفارة << لا تنسى جواز سفرك زي ترى بيقلون ضف وجهك ......

* نصيحتي لك روح تصور بالسفاره ازين لك <<< والله ماهم مديني نسبة بس نصيحة وترى النسبة للي جالسه برى .....

* لاتوهق وتملى جيوبك اغراض << انت منت رايح للبر ملاقط ومقاص اضافر ، سكاكين ، وبيالات شاهي تراك رايح لم السفارة .....

* اذا معك اشياء اليكترونية نصيحتي خلها بالبيت او بالسيارة مثل الجوال ، ام بي ثري ، ام بي فور ، ريموت السيارة ، فلاشات ، العاب وقيم ، ترى بتصفسرى وانت داخل وانت خارج .....

* الاخوات اللي رايحات للسفارة لا تجيبي شنطة الطلعات فيها العطور والميك اب والحركات <<< واللي ياللي يشوفها يقول رايحه لعرس .... لانها ممنوعة تدخل السفارة ....

* نصيحة للاخوان والاخوات اللي معاهم رضع واطفال لاتجيبوهم تراهم بهذله في السفارة ومو مطلوب احضار الاطفال اقل من 14 سنه الا بطلب من القنصل .....

* اللي بيروح ها الايام ترى الرياض مره برد خليك جهاز لبردها ترى الدعوة مو برد عادي ....

* حاول قدر الامكان اذاشفت اللبنانية انك تنحاش عنها ترى اخلاقها مو تجارية الا من اردى انواع الصناعات ... والله نصيحة اخ .....

* ولم اغراضك وجيب اوراقك كامله مو شرط يطلبوها لكن عشان تحتاط ...

* اذا كنت راعي سفرات وهبقات كثيره وجوازاتك منتهية مر الجوازات يطلعوا لك برنت وريح بالك من الجوازات اللي تقول معقب رايح للجوازات يجدد اقامت العمال ....

*لا تخجل اذا ما عرفت شيء انك تسأل من حولك ممكن بيفيدوك ببعض الامور احسن من انك ترجع تدور واحد يفهم ...

* ابني علاقات ممن حولك لانهم زملائك في بلد الابتعاث وستجدهم حولك متى ما احتجت اليهم ....

* اذا رحت للبصمات والمقابله خلك ايزي يعني عادي لاني شفت ناس تتصبب عرق كأنه عامل مصايب الدنيا ....

* خليك ثقيل في المقابله سؤال ورد غطاه لايكثر هرجك والاتقعد تنكت تراهم مره حساسين لهذي الاشياء ....

* اذا قال لك الله يحيك بديرتنا لا تفقد عقلك وتجلس تنطط كأن المنتخب فايز ترى بينقدك الرجال وممكن يأخر فيزتك أو يلغيها ....

* وأخيرا اذا جت الفيزا احمد الله وان قالوا ضف وجهك احمد الله لانها لك خير لكن لاتيأس كل شهر نط لهم وسي مقابله لين تطفشهم ترى ممكن تعطونك الفيزه ...

وأخيرا :::

اذا خرجت لبلد الابتعاث لاتنس لك اخوان بعدك ينتظرون مساعدتك كما ساعك اخوان قبلك فلاتبخل عليهم بالمرور بهذا الصرح الشامخ ...



اخوكم ابو خالد .

اخوي skmm

مشكور عالنصائح والتوجيهات اللي طرحتها

وماقصرت بصراحه كعادتك

وافهم من طرحك للنصائح انه ما واجهتك اي صعوبات ولله الحمد وان امورك اوكي

وان شاء الله الفيزا تصدر لك قريب

موفق

يعطيكم الف عافية
والحمدلله كانت مقابلتنا امس ولا واجهنا اي مشاكل
بالنسبة لي ماسألوني ولا سؤال
بس سألوا مرافقي وش وظيفتك ؟؟ وش بتسوي اذا رحت هناك ؟؟
وقالوا بتطلع لي بعد اسبوع ومرافقي بعد3 اسابيع
والله يكتب لنا اللي فيه الخير
بس