بدوري والسفارة الأمريكية بالرياض

الف مبروك بدوري
عقبال ماتوصل الفيزا قريب

بس سؤال؟
جبت القبول بدون ضمان؟
ورحت للسفارة بعد بدون ضمان؟
ماقالو شي؟

ودي اجيب لاخوي قبول بس مادري يرضون يعطونه قيزا بدون ضمان؟

من بعثات الملك

ما يحتاج لا ضمانولاشيء

puzzle

مثل ما قالت الأخ الكريم skmm


ما تحتاجين ضمان ولكن بالنسبة للماجستير لو سألتك وين الضمان

قولي لهم إن وزارة التعليم العالي مسؤولة عن دفع تكاليف الدراسة

لأني أنا يوم كنت رايح وزارة التعليم قالوا لي أنهم راسلين خطاب للسفارة بالضمان المالي للطالبه و المبتعث

للمعلومية السفارة إلي يبغونه من الضمان مالي أنه عندك مبلغ تقدرين تصرفين على نفسك هناك و ما يتوهقون فيك

فهذا موجود لمرافق المبتعث إلي مثل حالتي لأن الحكومة الله يجزاها خير تنزل له مكافأه بعد

أتمنى وصلت المعلومة

طبعا ً أنا قلت لك كذا لأن إلي قدامي كان رايح ماجستير وكان عند الأردنية الخايسة الله يحفظها

وقالت له وين الضمان المالي قال لها إن الوزارة هي المسؤوله وهم قالوا لنا إن عندكم الضمان المالي وما إلى ذلك

فقالت له خلاص مو مشكلة

أما أنا ما سألتني يمكن لأني مقدم على معهد بس

و أكرر مره ثانية أنا مرافق ولست مبتعث يعني أختي هي المبتثه و أنا طلعت فيزت طالب و كان عندي I-20

أتمنى أنك إذا جيتي تروحين السفارة ماتخافين ترى الأمور طبيعية هناك ولا في شئ يخوف

ولو أوراقك ناقصه بيقوولن لك روحي كمليها وتعالي

بس لا تنسين تأخذين معك قلم عشان إذا في شئ في الأبلكيشن 156 أو 157 أو 158 بيقولون لك عبيه

بالقلم

ولو ما عندك سيفيس أو تسديد في بنك سامبا راح تروحين لأستديو عجمان إلي جنب السفارة وتدفعينهم هناك

وهم يأخذون زياده بس مو كثير مره

و لو ما عجبتهم الصور بيقولن لك روحي صوري من هناك طبعا ً

يعني ترى الأمور عادية جدا ً ويمشون الطلاب كثير من حسب ماشفت


أخوي skmm

مشكور عزيزي على مساعدت خلق الله

و الله أنا يوم شفت الأمور وكنت أسأل و أشوف الناس تساعدني قلت بساعد باقي الأخوان الله يكتب لنا الأجرعلى الموضوع

الله يعافيك اخوي بدوري ردك واضح مرة
ريحتني الله يجزاك الجنة

مو عارفة كيف اشكرك صراحة على كلامك واهتمامك بالتفاصيل

بس بسألك

بس كيف جبت القبول بدون ضمان؟
مكتب يعني؟

لانو انا المبتعثة واخوي المرافق - ولما راسلت المعهد حقي عن قبول اخوي قالوا جيبيله ضمان اول
عشان نرسله آي توني

ودي يطلع بفيزا طالب مب سياحي .

واغلب اللي بالمنتدى قالولي جيبي شهادة بنكية وجيبي له قبول ونفس الشهادة الأصل خليه ياخذها للسفارة عشان يقولهم انه متكفل بمصاريف الدراسة !!مع ان الوزارة المفروض هي اللي متكفلة بالمصاريف !!

والله بديت اتشتت الكلام يختلف من شخص لثاني

وش رايك؟

انا موعدي بالقنصلية مو بالسفارة

بالتوفيق اخوي وان اء الله تجينا الفيزة وتجيك

شوفي أختي puzzle

تقدرين تجيبين قبول من المكاتب بدون ضمان مالي

طبعا ً تعطينهم قبولك وتقولين لهم أبغى في نفس المعهد هذا و تعطينهم الأوارق المطلوبه

و المكاتب ترسل للمعاهد ضمان مالي وهمي المهم أن القبول يجيك

بس أعتقد هذا الموضوع راح يكلفك 1200 ريال بس مو متأكد تقدرين تتصلين عليهم وتسألين أما بالنسبة

أنك تأخذين ضمان مالي معك للسفارة ماعندي علم فيها شلون

ومن قال لا أعلم فقد أفتى وتقدرين ترجعين لموضوعي في المنتدى مرافق متوهق

وتقرين عنه وشتوفين رد الأخوان ماقصروا معي

الله يسمع منك أختي ابيها بقوة

الف شكر اخوي بدوري
ماقصرت
ربي يجزاك الجنة
ويوفقك بدراستك لانك تستاهل كل خير والله

معليه أختي نسيت أذكر أنا جبت لي القبول حق المعهد مو عن طريق مكتب

ولكن أتصلت على نفس المعهد في رقم يقولك إن هذا الموظف يستطيع التحدث بالعربية

كلمتها طبعا ً كانت بنت لبنانية وقلت لها أن أختي مبتعثه عن طريق الوزارة وما إلى ذلك و أني مرافق

و أن الوزارة لو وصلت راح تتكفل بمصاريفي فقالت لي مومشكلة وطلبت مني صورة من قبول أختي

ورقم الترشيح حقها ورقم جوازي وصوره منه

و أرسلتها على إيميلها وبس

وجاني القبول عن طريق DHL بعد خمس أيام