رسوم السفاره والسيفس حنا اثنين

انا مرافقي اخوي
وكان طالب فيزة f1
ولما سددنا رسوم السيفس سددنا للاثنين
كذلك رسوم السفارة ..
الي اعرفه انها 200 دولار مو 100

بالتوفيق يا رب

إيه أخوي شوف طال عمرك إذا كان تقصد موعد السفارة إلي في بنك سامبا ً إلي هو مبلغ

498 ريال فلازم كل واحد تسدد له لحالة لأنه يطلب منك رقم الجواز

أما إذا كنت تقصد ال 45 ريال حقت حجز الموعد فهو على حسب إذا كنت تبغى تحط زوجتك تحت أسمك عادي

لأنه يمكن وضع أسم الزوجة تحت أسم الزوج و الأبناء تحت أسم الأب

و أما بالنسبة للسيفيس فهو للطلاب فقط إلي عنده I-20

يعني إذا كان عند زوجك I-20 تدفع لها و إذا كان عندك I-20 تدفع لك بعد

والمبلغ كامل هو 1500 ريال سعودي طبعا ً 200 دولار لكل شخص

وتحتاج بطاقة ماستر كارد أو فيزا عشان تسددها

أتمنى أكون ساعدتك والله يكون بعونك

طيب

بس هذي الي تسدد الرسوم او فيه شي اذا رحت للسفاره اسدده بعد ؟؟؟؟؟

شوفي طال عمرك التسديد بالنسبة للمبتعثين من برنامج الملك عبدالله

على حسب ما دفعت أنا صراحة يعني

45 ريال حق الموعد

بعدين 498 ريال تدفعينها في بنك سامبا

تروحين هناك وتقولين أبغى أدفع رسوم حق السفارة الأمريكية ويعطيك إيصال تعبين فيه

و الثالث السيفيس

غير كذا ما دفعت غير في السفارة حق الفيدكس مبلغ 125 ريال لإرسال الطرد من الرياض إلى الدمام

فقط لا غير هذا بالنسبة لي ولا أدري باقي الشباب يعني وش صار لهم

صدق اخونا بدوري الا هذا اللي بيندفع بس غيرها مافيه شيء

يعني شباب 45 موعد
498 حق الموعد لشخص واحد المبلغ هذا
والسيفس كم المبلغ ؟؟؟

يعني ثلاث اشياء ادفعها بس اي منهم ادفعه بالسفاره ؟؟؟

أخوي الموج

خليني أشرحك بالتفاصيل لأنه شكلك ما فهمت علي

أول مبلغ راح تدفعه وهو حجز الموعد عن طريق الإنترنت في موقع السفارة وهو 45 ريال

و أنا أستخدمت بطاقة الماستر كارد وبما أنك أنت مع زوجتك تقدر تحط أسمك في الموعد وبعدين تدرج زوجتك تحتك في نفس الموعد يعني هذه ال 45 مره وحده لك و لزوجتك

ثاني شئ راح تدفعه إلي هو السيفيس بمبلغ 200 دولار وتحتاج أنك تدفع 2 واحد لك وواحد لزوجتك

ولازم يكون فيه رقم ال i-20 لكل شخص لحالة طبعا ً

و مبلغ 498 ريال راح تدفع في بنك سامبا في أو وقت تحبه لو قبل موعد السفارة بيوم واحد

و أتوقع أنك لازم تدفع واحد لك وواحد لزوجتك بعد لأنك لما تجي تعبي البيانات راح يطلب رقم الجواز

أما المبلغ إلي راح تدفعه في السفارة هو حق الفيدكس و هو على حسب منطقتك وبعدها عن الرياض

مثل ما ذكرت سابقا ً بالنسبة من الرياض إلى الدمام مبلغ 125 ريال للجوزاين

هذا إلي راح تدفعه في السفارة فقط لا غير مبلغ 125 ريال من الرياض إلي الدمام ويختلف من منطقة إلى أخرى

الله يساعدك يارب ويسهل أمورك لك

أتمنى وصلت لك المعلومه

واذا كان صورتك الي بتعطيهم اياها عشان التاشيرة ماهي مزبوطة

يعني داخلة كمبيوتر
راح تضطر تصور عندهم ب 40 ريال
زي ما سويت انا واخوي
لان صورنا ما زبطت معهم .. ( :

جزاكم الله خير ماقصرتوا