للبنات الي راحوا سفارة الظهران

انا زوجتي في البدايه صورت وهي مطلعه الاذن ، وصار الشكل مش ولا بد .

فاقترحت عليها تصور صوره ثانيه عاديه ، يعني متحجبه زي صورة الجواز مع استخراج مقدمة الرأس ، بداية منابت الشعر ويكون الخدين واضحين ، وفعلا سمعت كلامي .

واتفقت مع زوجتي انها تقدم الصورة العادية في البدايه ( الي فيها الاذن مغطاه ) واذا ما قبلوها قدمنا الي فيها الاذن غير مغطاه، ورحنا القنصلية بالظهران وعندنا الصورتين ، ولما سألوها على الصور قدمت لهم الصورة العادية وقبلوها على طووووووول ، والحمد لله واتلفنا الي فيها الاذن طالعه.

شكرا على الرد انا هذي خطتي بصراحه انا ضحكت على صديقتي لما شفت صورتها بالاذن والحين جيت اجدد الفيزا وخايفه انحط بهالموقف بصراحه منظر مخزي

عموما كيف تعاملهم في الظهران؟ وهل اقول اعرف احد او لا في الولايه الي انا رايحتها (قريبتي هناك)

مشكلة الظهران ان ما فيها الا شخصين يعملون مقابلات .

ويوم مقابلتي ما كان فيه الا شخص واحد امريكي طويل اصلع من مقدمة راسه يعمل مقابله في الكاونتر 3 ، والثاني ما ادري وينه.

يعني الي في الصاله يوم مقابلتي مروا عليه كلهم ، قابلهم واحد واحد.

انا انصحك انك ما تقولين انك تعرفين احد في الولايه الي انتي رايحه لها ، واذا سألك ليش اخترتي هذي الولايه قوليله شي جيد عن الولايه " يعني ان الجامعه الفلانيه او المعهد الفلاني ممتاز في هذي الولايه " يعني شي زي كذا.

قبلي كان في واحد مع ابوه قاعد يسأله موظف الفيزا الامريكي عن سبب اختياره الولايه ، وجاوب الولد ان " ماي فاميلي ذير " وقاله موظف الفيزا " ايام سووووري ا كانوت قايف يو فيزا" طبعا الاب زعل وقام يشتم موظف الفيزا وصارت مشكله ..... ما علينا

بس للتوضيح وشدي حيلك والامور كلها سهالات ...