لكل الي يقدر يفيدني بخصوص (تأخر الفيزا)

March 7th, 2009, 03:55 AM

السلام عليكم ورحمه الله وبركاته

كيف الحال إن شاء الله بخير !؟

صراحه كنت من أشد المتابعين لـ هالمنتدى لمـايقدمه لي ولأخواني المبتعثين من خدمات جليله مانقدر الا نشكر القائمين عليه ويجزاهم الله عنا ألف خير

ثاني شئ أنا طالب في إحدى الجامعات الأمريكيه وجيت زيارهـ لـ الرياض في إجازة الكريسمس زيارهـ وتجديد فيزه
والحمدلله رحت وسويت مقابلة وقدمت على الفيزا واوراقي جاهزه وكامله والكامل وجهه سبحانه ..

للاسف عطوني ورقه حمراء وسألتهم عن نهاية اجرائات الفيزا .. وقالوا لي طلبك يبيلها مدة 3 اسابيع إلى 6 اسأبيع وقالوا شيكّ على موقعنا وراح يبين لك كل شئ

طبعا صرت كل يوم أشيك وبين كل فتره وفتره كنت ارسل رساله اسال فيها عن الفيزا مره ارسلتهم الترانزسكربت حقي وسال عن الفزا و مره كان اذكرهم ببدايه الترم ومرتين كنت استفسر كم يبيلهم واخر مره استفسرت عن اذا هم يحتاجون اي ملفات جديده وردو على ان الفيزا تحت اجراءات الاداره ولا تراسلنا ولا تتصل علينا الا بعد 150 يوم من اجراء المقابله. للتوضبح كان كلها 5 رسايل بوقات مختلفه.

وأنا الآن مقدم أعتذار للترم اللي راح وخايف يروح علي الترم الصيفي اللي بقى على التسجيل فيه 20 يوم .. وصارلي 100 يوم بالضبط وللأسف إنهم مابعد ردو علي.. , مع اني متأكد من اوراقي ..

الشئ اللي حبيت اوضحه كنت أدخل على الموقع ويعطيني رسالة ( لا يزال طلب الفيزا تحت الاجراءات الاداريه لو سمحت استمر فيه مراجعه الصفحه قي وقت لحق ) وبعدها تغيرت إلى ( لا يزال طلب الفيزا تحت الاجراءات الاداره لو سمحت استمر فيه مراجعه الصفحه قي وقت لحق. ولا يحتاج ان تتصل فينا بالوقت الحالي ) تغيرت قبل 4 ايام ..

وفيه نقطه اللي هي ان معدلي الجامعي عالي وحتى اللغه كنت من المتفوقين والحمدلله , لكن ما أدري ليه السفاره معطلين اجرائات الفيزا

وما أدري وش أسوي .. نبي مشورتكم الله يعطيكم العافيه .. (( دعواتكم ))

• نشر عبر تويتر
• نشر عبر فيسبوك
• نشر عبر جوجل