ساعدوني انا متلخبط

لله يعينك واتمنى احد من الاخوان انهم يفيدونك

السلام عليكم .. الله يسهل علينا وعليك وعلى والدينا وجميع اخوانا المسلمين الاحياء منهم والاموات جنهم وانسهم ويكتب لنا مافية الخير والصالح

اخوي .. انت تقدر تسدد السيفز بالبطاقة الأئتمانية .. ويكون طبعا نفس رقم الأي توني .. انا ما عندي خلفية عن الزوجة ووش تتطلب من اوراق.. لاكن اهم شي خلك دقيق بالابلكيشنات وترا فية موضوع مثبت اتوقع يقولك وش المطلوب منك ... واذا رحت الموعد جب معك اي جواز قديم لك انت او زوجتك .. لانة ممكن تمسك مع الي يقابلك ويقول ورني جوازك القديم .. ولا تنسانا من الدعائ لنا والوادينا

اخوي لا تتلخبط ولا شي اهم شي روق الحين واذكر الله وشغلتك ماتاخذ يوم ومخلصه يعني الجمعه بالكثير على الليل واوراقك كامله وجاهز للمقابله

طبعا خلك جاهز ب:
1-الطابعه وخلها موصوله وجاهزه بالكمبيوتر .
2-كريدت كارد.
اول نقطه راجع الموضوع هذا عشان تشوف المتطلبات كامله للسفاره الامريكيه
http://www.mbt3th.us/vb/forum16/thread19042.html

بعد مراجعة الموضوع اعلقلك على بعض الشغلات:
1-بالنسبه للنموذج 156 تعبيه اونلاين عشان تحصل الباركود(يعني بعد ماتعبيه تحط كونتينيو وراح يطلع لك باركود زي الي على البضائع) ولكن 157 و158 تقدر تعبيه بيدك اوطباعه على الكمبيوتر براحتك
2-حتى لو فيه خانات ناقصه لو ماتعرفها حط none ولو تعرفها بس متلخبط اطبعها فاضيه واكبها بعدين لما تتأكد مافي مشاكل ابد حتى لو تكتبها عندهم.
3-كل النماذج بتحصلها بموقع السفاره.
4-بالنسبه للصوره الشخصيه اهم شغله بالشعر وخلفيه بيضاء وتقدر تسويها ب10 دقايق بأي محل تصوير مستعجل
5-لا تنسى اي اوراق عندك شهادات قديمه جوازات اثباتات اي شي خذه معاك
6-لاتنسى تطبع ورقة الموعد اذا ما طبعتها
لا تنسى تصور(الاي تونتي-السيفيس-رسوم السفاره-شهادة التخرج) لانك بتحتاجها بعدين مستقبلا بعد السفر




عد كذا هذا موضوع يعلمك كيف تسدد السيفيس ولا اسهل ولاحظ انه صار 200 دولار موش 100 دولار
http://www.mbt3th.us/vb/forum16/thread552.html


وهذا موضوع يعلمك شلون تسدد رسوم السفاره اذا عندك حساب بالامريكي
http://www.mbt3th.us/vb/forum16/thread6713.html


وهذا موضوع يعلمك شلون تعبي النماذج بالتفصيل
http://www.mbt3th.us/vb/forum16/thread547.html

وبعد ماتخلص الاوراق وتروق لك شوي مر على هالموضوع عالسريع شوف الاسئله الشائعه في السفاره وجهزلها اجابات حلوه
http://www.mbt3th.us/vb/forum16/thread52523.html


وبس

وكذا تصير خالص وميه ميه وجاهز للسفاره

واي سؤال اكتبه وانا بتابع الموضوع اول بأول واحاول اساعدك بالي اقدر عليه

واهم شي لاتكنسل الموعد وروح حتى لو اوراقك ناقصه تقدر بعدين ترسل النواقص وتاخذ الفيزا

شكرا لتوضيحك
سوال 157-158 لي فقط ولا اسويها للكل

شكلك ماقريت موضوع المتطلبات
بس 156 للمرافقين