وش معناه الورقه الصفراء الرجاء الدخول بليز تكفون السفاره الامريكيه

الورقة الصفراء يقولون الاخوان انها اسهل اجراء ويجي معها ورقة خضراء كبيره مكتوب فيها من اسبوع الى ثلاثه اسبيع والفيزا عندك
او راسلنا عالايميل التالي في حاله انها تأخرت
وانا سويت المقابله بتاريخ 10/3 والى الحين ماجاني لي اكثر من ثلاث اسابيع مع ان اللي سوى المقابله ماسألني ولاسؤال وقال كل شيء عندك تمام واسبوع او عشره ايام وهي عندك والى الحين ماصار شيء
حسبي الله عليهم وبس علقونا الله لايردهم "

اما عاد سعود انت ورقه صفارء بس لحاله مدبسه على الاي توني
مكتوب شكرا لاختياركم الولايات الامريكيه..الرجاء ترك هذا النموذج مع جواز السفر سوف تحتاج ابرازه للظابط المسؤل في مكتب الهجره لدى وصولك للولايات الامريكيه
كذا مكتوب لك ولا انت غيري وبعدين انا و رقه واحد بس الصفراء

ايه صح كلام ياخوي عندي نفس الورقة الصفراء اللي تقول عليها مدبسة في الاي توني
واعطوني ورقتين وحده صفراء عطيتها الفيديكس والخضراء الكلام اللي قلته قبل اشوي
وعليها الى الحين لي ثلاث اسابيع بس على فكره ياخوي لاتقلق ترى الدعوه مزاجية يمكن حظك يطلع حلو وتطلع معاك بدري انا اول ماسويت المقابله قلت اللي صار في المنتدى وقالوا كلهم مبروووك ومادري ايش واسبوع بالكثير وتستلم الفيزا
وانا ماالومهم كل واحد يجتهد
بس انا قلت لك اللي صار معاي يعني لاتشيل همهم وحاول تشغل نفسك بأي شيء ثاني لحد ماتجي العروسه
وعسى الله يوفقك ان شاء الله ،،،

ان شاء الله كلنا تجينا الفيزه بوقت واحد ويارب تسهلها علينا وربي جتني وسوسه بس هذا اول يوم
وشلون لين 3 اسابيع

امين الله يسمع منك ياشيخ مستعجلين نبي نلحق على الالحاق اللي كل اشوي يسدون نفسنا بخبر مادري وش يبي
وبيني وبينك اذا شفتهم طولوها بغير الدولة خير شر "
والله ييسر امورنا بس ،،،

ياخي تعال قلي قصتك كلها اول مادخلت لين طلعت من السفاره وانا بقولك
عشان اشوف ليش تاخرت ....واي مرحله انت والخ....
-----------------------------------------------------------------
انا اعني قمت الصبح ورحت للسفاره اليوم 30 مارس وصلت 6 ونص ومسكت طابور طبعا الرياض
وشوي تبدا ترجع كثير قدامي ويوم وصلت عندي قالت وين التسديد الرسوم التاشيره
لاني انا طابعها بالكمبيوتر عن طريق الانترنت مسدد واوريها وتقولي اوكي ادخل وتعطيني اوراقي
قلنا الحمدلله تمام امورنا ويوم رحت للتفتيش وخلصنا ...جا تاخذ ارقام وانتظر قدامي 3 بس انا رقمي 4 واروح ابصم وكل شي تمام ويوم جت المقابله...هههه.....هواش صار لي...مع ااجنبي
قالي اول مره تدرس امريكا قلت يب.
قالي طيب وش سويت بالفتره هذي كلها قلت قدمت على جامعه والخ..
قالي الفيزه مانتهت وكمان تطابق اليوم اللي تنتهي منه اللغه يعني
فيزتي تنتهي يوم 14 شهر 12 نفس اليوم اللي انتهى فيه المعهد الللغه بكالوريس
طبعا انا خريج سنه 2008 الثانوية
جلس ساعه يطالع فيني ويعطيني نظره من قوته ماقدرت اشوفه كل الدنيا سودا
المهم جاب مترجمه قالها وش سالفت ابو الشباب هذا حو ماستوعب يعني فيزتي
مانتهت ونفس يوم المعهد
قالت ليش مارح اول ماطلعت الفيزه قلت ايوا بدو استقعاد قلت والله الوزاره اخرتنا كان ماخذين اجازه
قال تمام طيب وش فيك تغير الفيزه قلت جامعتي يابو تبدا بعد اللغه وانا اكذب عليه من جنبها
قالي طيب عادي الفيزه صالحه مليت منه قلت له اسمع اريد فيزه 5 سنوات ويطالع فيني نظره ويقولي تبغا 5 سنوات مامداني بقول اي
الا واستلم الختوم 3 واحد كبير واحد وسط واحد صغير وكلهن ختم فيهن على الاي توني وحط بالقلم دائره حمرا وقالي مادري ليش تريد ان تمدد الفيزه قلت جامعتي وريته القبول المشروط
قالي وبكل عصبيه وهو مايطالع فيني رح للفيدكس
وحطهم الورقه [MARK="FF3333"](الصفراءمكتوب رقم جوازي) [/MARK]ودبس على الاي توني ورقه صفراء صغيره مره مكتوب شكرا لاختيارك الولايات المتحده الامريكيه...وطبعا رحت للفديكس ودفعت 65 لاني من الرياض وعطاني ايصال
ونسيت اقولك قالي اسبوعين بالكثير والجواز عندك مدري صادق ولا لا لاني مثل ماقلت فوق
تهاوشنا بالكلام وقلت ادب صارت...............الله يعين بس
عـــــــــــــــــــاد انــــــــــــــــــت قــــلــــنـــــا سالفتك

هلا اخوي وماعليش تاخرت عليك
ابد الساعه 6.30 الصباح بتاريخ 10/3/2009م رحت لهم وكل اموري تمام واوراقي كاملة ماعدا الصوره خلتني اتصور من جديد
وصورت برى ورجعت ودخلت اخذت رقم وكان رقمي 20 الظاهر يعني حلو
المهم اول شباك رتب اوراقي وقال كلها كامله
ثاني شباك اخذوا البصمات
ثالث شباك جاء رقمي ورحت له على طول امريكي شايب بس محترم بصراحة وقال كل شيء عندك تمام وخلال ثمانيه ايام او عشره بالكثير والفيزا عندك قلت في نفس خلني اسلم اول او اقول صباح الخير قال خلاص روح فيديكس وادفع الفلوس
جيت قلتله ليش ماسالتني ليه رايح امريكا قال ماله داعي قلت ليش ماسالتني ليه رحت الولايه هاذي بالذات قال كمان ماله داعي امورك كلها تمام قلت طيب ليش ماسالتني وش سويت بعد التخرج قال ياخي ضف وجهك وعشره ايام بالكثير والفيزا عندك قلت ياولد خفف اسئله على الرجال وتوكل على الله المهم مشيت وانا ابتسم وهو يبتسم والمقابله كلها ماخذت دقيقه واعطاني ورقة صفراء قال عطها الفيديكس
وورقة خضراء مكتوب فيها من اسبوع الى ثلاثه اسابيع سيتم اصدار تاشيرتك وورقه صفراء على الاي توني اللي هي شكر لاختيارك ومن هالكلام "
وعليها الى يومك اكثر من ثلاث اسابيع وارسلت لهم ايميل ولا احد رد علما بان دراستي بتبداء في نهايه شهر 5
وانت متى بتبدا
لاني بصراحه بنتظر اشوي ان جت والا بلغي امريكا من راسي وعسى الله لايوفقهم
بس فيه نقطه مهمه ياخوي ترى اكثر من واحد معاه هالورقه واستلم جوازه بدري يعني لاتشيل هم وان شاء الله تتيسر بس زي ماقلتلك حاول تشغل نفسك بأي شيء ولاتقلق اعصابك الجايات اكثر
والله يوفقك ياخوي ،،،

السلام عليكم يا حلوين

بالنسبة لي انا نفس سالفتكم بس كانت المقابلة في الظهران يوم 10/3
يوم الاحد اتصلت وحده من القنصلية تقول جيب اي تونتي لطفلتك عشان تستلم الفيز
عاد كلمت مكتب ايجاك والا يقولوا يبغاله من 10 الى 15 يوم حتى يوصل الاي تونتي

يعني ردد ياليل مااطولك ... الدراسه تبدا في نهاية شهر مايو

بس اللي قاهرني لما استلموا الاوراق مني ليه ما طلبوا اي تونتي للطفله؟؟

دمتم بود

هههههههههه والله حاله يقولون لااحد يجي للسفاره ناقصه ويعصبون من اي حركه نسويها\
وهم يسون اللي يبون <<<<<منقهر منهم بقوووه