██▓▒ ۩ المـرحـلة الثـامنـة ۩ ▒▓██

السلام عليكم

لو سمحتو الله يسعدكم ردو عليه
انا موعد التدقيق الاربعاء الجاي يعني 5 بالميلادي
ولسى ماطلعت لا جواز سفر ولا بطاقة أحوال ...
وموعدي في الاحوال عشان يطلعولي بطاقه قبل موعدي بيوم يعني الثلاثاء وخبركم على ما تطلع البطاقه يبيلها وقت وش السواه يرضون ببطاقة العايله تبع زوجي عادي ؟!
كمان بسآل الحين يوم اني اقرا بالمنتدى انه الجامعه والمعهد مو الحين لازم نجيب الموافقه اجل كيف اعبي استمارة التقديم للجامعات الاجنبيه ؟!!

و الله يسعدكم اكتبولي ايش اخذ معي يوم الاربعاء بالضبط لانهم مو كاتبين وثيقة تخرج ولا توصيات ولا شي مو فاهمه ابيكم تكتبون لي بالضبط وش اخذ معي


الله يوفق ويسعد من يرد عليه ياارب

السلام عليكم

اختي تسطيعي إصدار جواز من خلال زوجك يروح يصدرلك جواز وفي يوم واحد يكون جاهز وتقدميه مع بطاقة العائلة يوم التدقيق... لن تحتاجي بطاقة أحوال خاصة بك في حال وجود الزوج أو الأب أو وصي.... والله أعلم

اجراء روتيني لا اكتر ولا اقل , حتى ماعرف ايش الفائدة منه . فلا تشيلي هم .
تدقيق وثائق المرحلة الثامنة

شوفي هدا الرابط ياورده فيلو كووول الوثائق اللي تحتاجيها , بالتوفيق .

هل يهتمو لتارخ الميلاد بالهجري؟؟؟؟؟؟؟؟!!!!

فرق يوم عن الجواز بس بالميلادي اوكي

يا جماعة حد يجاوب الله يعافيكم

قرات هنا انه اذا كان القسم اللي تبي تحول له هو امتداد لقسمك في البكالوريوس ف راح يكون سهل التحويل بإذن الله

عدا عن ذلك يفيدونك الاخوان والاخوات الله يوفقنا ويوفقهم

طيب انا عربي قسمي في الجامعة واخترت محاسبة للماستر وارغب بدراسة المحاسبة لاني ابي قسم يستاهل اني اتغرب عشانه لان تسويق هذا مالفائدة منه ولاابيه هل يصرون علي بدخوله ولاوشلون وبعدين على الجواز موطالبين للمتقدمة جواز طالبين للمحرم فقط بليز الرد سريعا موعدي يوم الاحد مابقى الا 3 ايام الله يوفقكم وابي اعرف كيف اترجم شهادتي وسجلي الاكاديمي لان كليتنا تغيرت وتغير المبنى مااقدر اروح للكلية عشان اترجم

يسلمووووووو 😃 والله يعطيك الف الف عافيه

- - - مشاركة محدثة - - -

يسلمووووووو 😃 والله يعطيك الف الف عافيه

بليززززززززززززززززززززززززززززز ردو علي ضروري

أختي أشواق أنا مثلك تخصصي لغات وأنا ما أبغى تسويق ! بس يجبرني عليه عشان يصدر لي قرار إبتعاث ويمديك تغيريه على طول في البلد هناك. لا يهمك الآن تسويق أهم شيء تمشي أمورك في التدقيق ويصدر لك القرار ثم يمديك تغيرين التخصص ،وعلى فكره تراه حلو يعني أهو مسار من مسارات الإدارة .2وبالنسبة للجواز يمديك تخلصينه في الخرج في ساعتين أو في الرياض في يومين . أنا خلصت جوازي قبل سنه في الخرج في أقل من ساعة لأن مسدد من الصراف الرسوم .3 - من قال أنهم مو طالبين صور للجواز ، لأن مكتوب في رقم 6 في الوثائق المطلوبه للمرحلة الثامنة صورة جواز السفر السعودي للمتقدم . يعني سواء ذكر كان المتقدم أو أنثى حتى في رقم 7 ورقم 8 مطلوب صور للجواز . نصيحتي لك خيتي خلي أبوك أو زوجك أو أخوك يروح معك للجوزات قسم شعبة السعوديين وأدخلي على فرع النساء ويطلع الجواز ف يومين . وإذا ماطلع تكلمين الموظفين في مركز التدقيق وتشرحين لهم الوضع وهم يعطوك مهله لأنك مستوفيه الشروط . 4_وبالنسبة للترجمة ماله داعي تروحي للكلية روحي لعمادة القبول والتسجيل بجامعتك ويطبعو لك نسخة إنجليزي بــ10ريال لسجل الأكاديمي هذا إذا صار عندهم مثل جامعة الملك سعود أنا اليوم رحت لجامعة الملك سعود وقلت أبي أطبع السجل الأكاديمي وقال تبي عربي ولا إنجليزي فطلبت الأثنين
وإذا مافي نسخة إنجليزي فالجامعة تطبعيه من مكتب معتمد للترجمة ،والمكاتب ياكثرها بالرياض
أتمنى أفدتك خيتي وآسف على كثرة البربرة .....