██▓▒ ۩ المـرحـلة الثـامنـة ۩ ▒▓██

ارجو افادتي اخوكم محمد المالكي زوجتي ترشحت نهائيا الى امريكا ماستر تسويق لحد لم ياتي رساله من الوزارة بتحديد موعد الملتقى ولا ادري كيف استلم الضمان المالي الخاص بزوجتي افيدوني وشكرا

شكراً اخوي .. الحين الواحد اذا طلع فيزا امريكيه يسافر خلال اربع شهور من حصوله عليها- سؤالي ؟ اذا خلصن الاربع شهور وهو ماسافر بسبب ضروف معينه هل يجددونها له خاصةً انه عنده قبول معهد بس ما باشر الدوام الى الان بسبب التاجيل على حسب كلام المكتب ؟ وشكراً جزيلاً!

لم يتم تحديد الضمان المالي بعد, ولم ترسل الوزارة الضمان المالي لأحد من المرشحين, ولذلك عليك بالصبر لحين تواصل الوزارة مع المرشحين..
بالتوفيق

إذا تأخر عن السفر وأجل القبول والتأشيرة مضى على اصدارها أكثر من اربع شهـور اعتقد يتم الغائها ولذلك عليه البدء في اجراءاتها من جديد..
الأفضل قبل الدراسة بشهرين يبدأ في اجراءات الفيزا ..
بالتوفيق

انتظر الرد وجزاكم الله خير

وعليكم السلام ورحمة الله وبركاته

لا أعتقد بأنه جامعة واحدة فقط معترف فيها في هذا التخصص أو ممكن التخصص الذي ذكرته هو التخصص الدقيق ويندرج تحت التخصص العام. لإجابة اوضح, هناك قسم في الملحقية خاص بالتخصصات الصحية والطبية, راسل الموظفين من هذا الراط اختر من القائمة المنسدلة القسم المناسب واتصل بالموظفين وراسلهم عن طريق الايميل:
دليل الموظفين

طيب ابببببي حل تكفووون الوزاره تقول تغير الدوله من الملتقى وبالملتقى يكونو محضرين اوراق الشخص على حسب دوله الترشيح لك شخص وبكذا بتصير لخبطه مره

المحرم الي كان بيطلع معاي مايقدر بسبب ظروفه بحولها لاخوي لايرلندا كمرافق ومحرم لي ؟؟ السالفه ليش يصعبونها احط اول رغبه لي ايرلندا يرموني امريكا

طيب لوماصار شي وما تم تحويلي انحرم البعثه ماعندي محرم لامريكا والحل ..والله شي يضيق الصدر

الأخت الكريمة ..

لا تقلقي سيتم تحويلك الى ايرلندا بحكم تواجد المحرم ولن يمنعك احد من هذا،،،ونفس الشي صار لكثير من المبتعثات وتم تحويلهم الى دول مغلقة في المراحل الماضية وايضاً هذه المرحلة من ردود الوزارة على الطالبات بالموافقة.
كل ما عليك هو اثناء الملتقى احضار الاوراق المطلوبة والتي تثبت وجود المحرم هناك, وبعدها بأيام ستحصلي على الموافقة بإذن الله على تغيير الدولة الى ايرلندا ..

بالتوفيق أختي ..

السلام عليكم

اخ احمد

الحين الجامعات الموقوفه بسبب تكدس قسمين

مثل جامعة اوريقون

ما اقدر انا ادرس فيها بقسم اخر غير مكدس؟