بخصوص الالتحاق بالبعثه عن طريق الملحقيه الثقافيه السعوديه !

-

ششكررآ لكل اللي تجآوبو معي بالموضوع
بس بخصوص الاخ اللي يقول اسسحبي ع الجامعه واطلعي بعثه !
انا رح اسسويها في حالة اني ضمنت القبول من الملحقيه للالتحاق ببعثة خادم الحرمين .. ومثل ماقلت هالموضوع مغامره كبيره بالنسبه لي
لاني مثل ماسسبق وقلت .. ثلاث جامعات بالرياض مريت عليها بعد كذا مرح يقبلوني !!

ححلوه ششطحتك خخخ
قصصدهم .. هناك الدراسه بالخارج شرطهم قبل تبدا دراسه بالجامعه .. تاخذ كورس لغه بمعهد غالبا يكون تبع الجامعه
فـ لما تطلع ع حسسابك وناوي تلتحق بالبعثه .. لازم تكون اجتزت ٣٠ سساعه من المواد اللي تدرسها حتى يعرفون انك جاد بالبعثه والمعيشه هناك
وبعدها تقدم طلب للانضمام .. عرفت ولا اوضح لك اكثر !

بالتوفيق ان شاءالله

-

كل شخص فيكم يقول كلآم .. مره احس اني ارتحت ومره يضيق صدري
ولا ادري وش النظام في الالحاق صدق ! : (

كل الردود اللى جاتك مافيها اختلاف ولكن يجب ان تعلمى
ان نظام الالحاق على البعثه المكتوب بالنظام بوزاره التعليم العالى
حصل عليه متغيرات غير معلنه او غير محدثه بالموقع

اهم شئ للطالب اللى يبغى يدرس على حسابه ان يكون
لديه المقدره الماليه لتحمل مصاريف الدراسه والنفقات على الاقل سته اشهر
وقد تطوووووول الفتره يعتمد على الملحقيه والوزاره
هناك العديد من الطلبه مضى عليهم اكثر من ثمانيه اشهر ولم ينضموا الان
راجعى قسم الطلبه الدرسبن على حسابهم لتتطلعى على معاناه الطلبه اللى
يدرسوا على حسابهم ولم ينضموا الى الان

-

انا اللي ابغى اعررفه هل الالحاق يعم جميع الطلاب والطالبات المتقدمين .. ام ان فيه مجال للرفض !!!
جوآب هالسسؤآل هو اللي رح يقطع الششك باليقين بالنسسبه لي : )

الإلحاق له شروط نظاميًا، لكن نسبة كبيرة جدًا يتم إلحاقهم بدون إنطباق الشروط وأنا من ضمنهم

ردًا على اسألتك أختي ReeRa
أنصحك تطلعين بعد ماينتهي الترم هذا بس قبلها تعملين تفويض لأحد من أهلك لحذف الترم القادم، التفويض يتم من نفس الجامعة، كذا يكون عندك 3 شهور الصيف + 4 شهور الترم القادم، مجموعهم يكون 7 شهور يكون بإمكانك تكوني إنضميتي للبعثة بإذن الله، إذا أرتحتي وحابة تكملين خير وبركة ويصيرون أهلك يسحبون ملفك من جامعة نورة، وإذا ماعجبك الوضع أو حبيتي ترجعين لأي سبب يكون مكانك في الجامعة ينتظرك

بالنسبة لطريقة الإلحاق، أنا والله العظيم ماعندي واسطة، ولا شرط من شروط الإبتعاث والإلحاق ينطبق عليّ وإنضميت للبعثة خلال شهرين ونصف!
كل اللي سويته أول ماوصلت هنا فتحت ملف دارس على حسابه الخاص، ثم طلبت إلحاق ورفضوه الملحقية بعد إسبوعين، أرسلت أوراقي للرياض ودخل أبوي ع الوزير وأعطاه طلبي، بعد شهر تقريبًا تم إلحاقي
وبنفس الطريقة صديق لي هنا سوا نفس الشي وإلتحق وكان جاي قبلي بإسبوعين، يعني ماكمّل 3 شهور إلا وهو منضم

المهم تتوكلين على الله وتخلين أملك فيه كبير، والمهم يكون أحد وراك بالرياض يضبّط أمورك
وطبعًا المرافق مهم جدًا، ماأعتقد هالشرط فيه تساهل، ع الأقل لو أحد يجي معك وتصورين ختم الدخول له وبعد ماترفعين أوراقك وينفتح لك ملف طالب ممكن يرجع السعودية

بالتوفيق يارب

إذا أنت تفكّر في الإلحاق وتبي تجي على حسابك ثم تنضم للبعثة
إنسى كل الشروط، أهم شي أمرين: ماتكون الولاية فيها تكدس + تكون الجامعة معترف فيها
ثم تعال هنا وإفتح ملف طالب على حسابه، ثم بعد ماتبدأ الدراسة إرسل كل أوراقك للرياض بما فيها جدولك الدراسي، وخلّي أحد من أهلك يدخل ع الوزير وحبذا لو كان كبير في السن، الوزير يستقبل المراجعين يوميًا بداية الدوام، وبإذن الله تمشي أمورك في السليم، هذا اللي أنا سويته وتم إلحاقي بدون واسطة بدون شي، وأنا ماكملت إلا شهرين ونص فقط

بالتوفيق يارب

-

طيب لو اكتششفو ان ملفي لسسه بالجامعه مانسسحبت ؟ ممكن تصير مشكله واتكنسل بكل الجامعتين ولا عادي مسموح ؟