تخصص تموبل/ مالية

معقول محد يدري !!!

انا ببسط لك ..
التمويل .. كيف تعطي قروض ..
المالية .. تهتم بفلوس الشركة .. يعني وش تسوي بفلوسها ..
تستثمر .. تنزل اسهم .. توزع ارباح .. وغيرها ..
تمويل - ويكيبيديا، الموسوعة الحرة
هذا رابط من الويكيبيديا ..
الله يعينك على القراءة ..

هههه .. شكرا لك على اجتهادك و ردك ( مع ان تعريفك للتمويل مو صحيح .. بس نمشيها لك عشانك رديت )

لكن شكلك ما قريت السؤال

انا ماقلت ماهو التمويل .. ان شهادتي في البكالوريوس (تمويل و اقتصاد)، و من جامعة مرموقه بعد " يعني باخص الوضع "

سؤالي كالتالي : هل سيتم ابتعاث ماجستير (تمويل أو مالية) للمرحلة الثامنة ؟؟؟ لأني لاحظت ان الوزارة حذفت التخصص .. لكن مو متأكد

و لكم جزيل الشكر

طيب مانيب مشيها لك وباقول شي لانه موب من الموضوع ..
وتخصصي تمويل واستثمار .. و جوابي صح ..
الواحد اذا بغى فلوس .. يحتاج تمويل .. والتمويل من وين يجيبه ..
نستفيد من بعض ..
اول شي اساسي بالسوق .. وشلون يمنعونه ..
لكن ما لنا الا ننتظر ونشوف ..

شكرا لك .. و ان شاء الله ما يكون ممنوع على كلامك

لكن أرجع و أقول ما ذكرت عن التمويل ليس هو تعريف التمويل .. و إنما ممارسات تمويلية ، مثل القرض و غيره ..

تعريف التمويل في ثلاث كلمات و باختصار، كيفية ادارة الاموال.

وينقسم الى تمويل الشركات ( Corporate Finance) ، يعني تمويل داخلي (من الارباح المبقاة للشركة Retained Earnings) ، أو تمويل خارجي بطرح اسهم او سندات (ويدخل هنا عملية تحديد هيكلة راس المال، اللي عليها الكلام)
و الاستثمار في الاصول المالية ( Financial Assets) مثل السندات و الاسهم
و الاستثمار في المشتقات الاجلة و المستقبلية و الخيارات ، اللي يسمونها Derivatives
و منها ما هو حديث مثل الهندسة المالية، و معروف هالنوع متهم بحدوث الازمة المالية العالمية ( خصوصا في أمريكا) في 2008، لانهم تفلسفوا في احداث ادوات جديدة، و لعبوا في الاست باكد سيكيوريتيز .. وجابوا العيد. طبعا التخص هذا ذكي .. وانصح فيها .. لكن الجامعات اللي توفر هالتخصص صعبة شوي مثل جونز هوبكنز و جامعة بنسلفانيا في فيلادلفيا ( مو بنسلفانيا ستايت .. ترا فرق السما عن الارض ) .. بس من شروط القبول انك تكون مخلص الكالكولس 1 و الكالكولس 2 و الكالولس 3 و الكالولس 4 ( بما فيها الملتيفاريت كالكولس) .. يعني اذا انت فلته في الماث .. ما عندك مشكلة


ما ودي اطول .. باي

هذا تعريف ويكيبيديا ..
التمويل (بالإنجليزية: Finance) يعنى التمويل بتحديد احتياجات الأفراد والمنظمات والشركات من الموارد النقدية وتحديد سبل جمعها واستخدامها مع الأخذ في الحسبان المخاطر المرتبطة بمشاريعهم.
يعني زي تعريفي .. بس ناقص حبة ..
الموضوع قصير .. خلنا نقفله .. الي ماله اي دخل بالموضوضع الاصلي ..

ههههههههههههههه من جد خل نقفله .. بس يعطيك العافية ع الردود ..

لكن بحكم تخصصي وخبرة عملي في المصرفية الاستثمارية .. اقول ان تعريفك مو تعرف واحد متخصص

نقطة زغنونة : واحد زيك ماشاء الله متخصص في المالية و الاستثمار يفترض ما يخلي مرجعه ويكيبيديا ..