مساعدة بليز الي عندهم الخبره

يالله مافي احد رد لسى يعني ماحد عنده خبره

وعليكم السلام ورحمه الله وبركاته

الصراحه انا توي جديده في المنتدى لكن قريت كذا موضوع حلو واستفدت منه وتقدري تجهزي نفسك للإبتعاث بإذن الله

هذا رابط حلو
متطلبات إصدار قرار الإبتعاث + استمارة التعهدات .... هــام للتثبيت...

وايضا هذا الرابط
الناس اللي مو فاهمة ايش الهرجة وتتسأل ايش هو الضمان المالي وايش الاي توني والسيفيس

واخر شي رابط لتقديم للإبتعاث وراح يفيدك هذا الموقع بإذن الله عشان الشروط الخ

بوابه الطلبه المبتعثين


اتمني ان اكون افدتك بشي ولو بسيط

ان شاءالله الأخوان والأخوات كمان ماراح يقصرون معاكي

لاتنسينا من خالص دعواتك الطيبه

موفقه بإذن الله

تحيتي

برنلمج الملك لايبعث اصحاب الدبلوم هذا اللي اعرفه

اذا لايبعث فتقدرين تروحين على حسابك بعدين تطلبين اللاتحاق

بالتوفيق

اول شئ يالغاليه انو اذا فتح التسجيل بالبرنامج تقدمي عن طريق الانترنت في موقع وزاره التعليم العالي
وبيطلع لك نموذج تعبينه بالكامل وبعدها تشيكين بين كم يوم والثاني عشان تشوفين نتيجة الترشيح اذا انك مقبولة او لا
وبعدها بيقسمون الايام المتاحة عشان بعد ما يحددون مكان ( فندق ) بس نسيت اسمه لتوثيق بياناتك ومطابقتها باللي قدمتيه عبر الانترنت
وبعدين يعطونك ورقه فيها رقم للطلب تشيكين على الموقع بين كل يوم والثاني واذا طلع انك ترشحتي نهائي تكملين بقيه الاجراءات اللي هي حضور الملتقى ومن حضور الملتقى 3 ايام تبدون تحددون الولايات اللي تبونها والمدن اذا تبين ترسلينها ايميل للوزاره او تروحي لموقع وكاله البعثات مخرج 4 حي الغدير وكل ما قدمتي على المعاهد والجامعات المعترف فيها من خلال الموقع يفتح لك ملف بي دي اف بدري كل ما كان حصولك على المقعد اسرع يعني بعض الولايات يكون عليها ازدحام سريع ولما تجين تقدمين على المعهد تلاقينه متكدس وتضطرين تغيرين الى ما يكون غير متكدس وبعدها ترسل الوكاله البعثات ضمان مالي مبدئي من خلاله تراسلين الجامعه اللي اخترتيها بتعبئى النموذج الموجود على موقعهم وتختلف الرسوم من معهد للثاني انا معهدي كان 100 دولار ونصيحة اذا بغيتي تقدمين خلي المعهد ما يكون قريب للتكدس لان ممكن كذا يروح عليك المعهد و 100 دولار وتضطرين تدفعين رسوم جديده لاختيارك معهد اخر وبعدها فيه اجراءات ثانيه من وكاله وقرار ابتعاث وفيزا وغيرها


هذا الرابط بيفيدك ان شاء الله

http://www.mbt3th.us/vb/forum149/thread319369.html

وكمان شغله مهمه لازم تحتفظين بصور من اللي دفعتيه ( رسوم المعهد والسيفس " رسوم تدفع لسامبا للفيزا " ) وتعوضك عنه الملحقية اذا وصلتي بلد الابتعاث باذن الله واذا ما جبتي صور الاوراق يروح عليك التعويض من الملحقية لكن رسوم الفيدكس عشان لما تجي ترسلك السفارة الفيزا هذي ما تعوضك عنها الملحقية