الأوراق اللي لازم نجهزها من الان ..

وعليكم السلام
قصدك بالجواز يحطون اسم العائله بعدين اسمك وبعده اسم ابوك هذا عادي

ادخلي على هالرابط
http://www.mbt3th.us/vb/forum163/thread352829.html

هلا بزميلة الجامعة والكلية ... لكن تخصصي محاسبة

ويمكن زميلة الدولة والتخصص المستقبلي لاني بدرس مالية ماستر في امريكا ..


ماهي الاوراق المطلوبة للبعثة ,الرجاء ذكرها كلها حسب التسلسل اللي رح احتاجها فيه؟؟؟ومن وين اجيب كل ورقة ..

1- وثيقة اسم نفس الجواز
2- جواز
3- سجل اكاديمي ( رسمي مختوم ) من عمادة القبول والتسجيل
4- التوصيات
لين هنا التقديم على البعثة تقدمين واذا تم ترشيحك تنتقلين للخطوة رقم 5
5- تدقيق الاوراق..
6- الترشيح النهائي
7- تطلبين ضمان مالي للمعهد اللي بتدرسين فيه وتراسلينه وتنتظرين القبول
8- اذا جاك قبول من المعهد راح يرسلك المعهد ورقة I-20 وبعد وصوله تحجزين موعد على السفارة عشان الفيزا
9-قبل موعد السفارة تدفعين رسوم الفيزا و رسوم السيفيس ( ادارة الهجرة الأمريكية ) في شروحات لها في المنتدى.
10- تروحين للموعد بعد ماطبعتي ايصال الفيزا والسيفيس وتسوين مقابلة
11- تنتظرين الفيزا
12- تطلبين امر اركاب من الوزارة وتحجزين على امريكا قبل الدراسة ...
واذا رحتي هناك لامريكا افتحي ملف طالب في الملحقية من امريكا نفسها عن طريق النت .

انا الان عندي 3توصيات من دكاترة درسوني ..بس وثيقة التخرج ,اسمي بالانجلش مو نفس الجواز ...مااقصد الاسبلبينق لا ,الترتيب غلط ..عادي تمشي والا لازم اروع اعدلها ؟؟

حاولي انها تكون اكثر او على الاقل تسوين 3 نسخ لكل توصية مختومة طبق الاصل .. عشان تراسلين اكثر من جامعة وكل توصية حطيها بظرف مختوم ...

الاسم اذا كان نفس السبيلنق اوكي

مثلا انا اسمي بالجواز AAAA, ABDULLAH BBBB C
وجاني بالوثيقة
ABDULLAH BBBB C AAAA
مو مشكلة الفاصلة مجرد نقل العائلة لأول السطر

ومايحتاج تعديل ولا شي

^

يعطيك العافية عالتوضيح الشامل عبدالله .. بس نقطة اختيار الجامعة وين تكون .. للحين مافهمت هالشئ .. يعني اسافر امريكا بعدين احدد جامعة ولا اتفق معها قبل التسجيل هنا ولا بعد الترشيح ولا متى بالضبط ,

ووش افضل الولايات والجامعات للي يفكر بالتسويق او التأمين وهالتخصصات .. متى نتفق معهم ,

واذا سوينا ابلكيشن لازم نرسل لكذا جامعة فلوس الابلكيشن ولا كيف الطريقة ,

ودي افهم ويستفيد الكل من هالنقطة المهمة جداً ,

وبالنسبه للتوصيات وش الطريقة اللي اتبعتها فيها .. اخذت نموذج جاهز من كليتنا ولا كل دكتور كتب ولا كيف بالضبط ؟.

اختيار الجامعة بالنسبة للماجستير مفتوووح ليييين تنهي فترة اللغة ... يمديك من هناك تبحث عن الجامعات وتقرر

ولازم هناك تختبر جيمات او جي ار اي عشان قبولات الجامعة برضو توفل او ايلتس

بالنسبة للولاية الافضل فهو امر نسبي ويبي له شرح طوووووووويييل انا حطيت رقمي بموضوعك لو ترجع له ممكن تتصل علي الان عااادي ..

لما تقدم على الجامعات لازم ترسل لكل جامعة فلوس التقديم غير قابل للاسترجاع حتى لو ماقبلوك ... توزع فلوس على الجامعات بالعربي .. ^_^

التوصيات سريع سريع

رح للدكتور قل ابي منك توصية كلهم يوااافقون ولاحد يقولك هات سجل ولا كم معدلك الا فيما ندر ...

بعض الدكاترة مطوولين يبون يشوفون سجلك الاكاديمي الرسمي المختوم ثم يقررون

على الرغم من ان 11 دكتور وافقوا لي على الطاير وفي السيب بعد !!!

اذا وافق الدكتور المحاسبة تروح لسكرتير القسم قله اطبعلي الدكتور فلان بيوقع لي التوصية يطبعها لك تروح للدكتور يوقع ترجع للسكرتير يختم عليها وخلاص

وبعض الدكاترة يوافقون ويطبعون لك من مكاتبهم بس تروح تختم عند السكرتير حق قسمهم

الموضووع سهل ^_^

جزاك الله كل خير.

أهلا بك يازميل ...

الله يكتب لك القبول اخي الفاضل وجزاك الله كل خير ..تسلم على الاجابات ..

شكرا .