اوراق مهمة يجب على كل طالب وطالبة ماجستير معرفتها

ممتاز موضوع مفيد الله يكتب لك اجره ويوفقك

مشكوره هدى ماقصرتي

مرحبا شباب ,,,
انا جبت توصيتين من دكتورتين درسوني ,,
ماقدر اجيب توصيه ثالثه من دكتورة ثالثه , انا خريجه من البكالوريويس من سبع سنين وللاسف مالقيت الا دكتورتين درسوني الباقي انتهت عقودهم .
تكفي توصيتين ؟ ولا لازم ثلاث واذا ثلاث وش اسوي ؟

مشكورة هدى الله ييسر لك امورك
عندي استفسارات ..
انا عندي توصيات لكن من ناس اشتغلت معاهم مو من الجامعة ..باللغة الانقليزية هل تمشي يعني اروح اصورها وارجع لهم يختمونها ؟؟ ولا لازم اكاديميين
بالنسبة للتقديم الجامعة كم معدل الجامعات المسموحة تقريبا
وهل الاوراق لازم تكون معي في المطابقة ؟

ألف شكر لك والله يسهل عليك

يعطيك العافية على الموضوع الجميل ؟
بس انا تصفحت بعض مواقع الجامعات وبعضهم حاطين نموذج معين حق التوصية عشان الدكتورة يعبيه ؟

يعين لو مثلا بقدم على على عشر جامعات ؟ معقول اخلي الدكتور يسوي لي عشر نماذج ؟

وسوال ثاني ؟
اذا ماعرف اي جامعة بروح ؟ ممكن يسوي لي الدكتور توصية عامه وتالي بس اطبعها وارسلها للجامعات ؟

رد على بعض الاستفسارات :

احساس الغروب : بعض الدكاترة يعطي توصية حتى لو انه ما درسك لكن لازم يكون معك السجل الاكاديمي عشان يشوف درجتك كم بالمادة ويكون هذا الدكتور او الدكتورة يدرسون نفس المادة على سبيل المثال :
انتي تبين تاخذين توصية لمادة حاسب 103 درستها دكتورة (أ) لكنها مشت فأنتي تروحين لدكتورة تدرس نفس هذه المادة اللي هي حاسب 103 وتعطيها سجلك الاكاديمي وتشوف هي درجتك بالمادة وتعطيك التوصية
على فكرة بعض الدكاترة معقد ما يعطيك اياها لكن انتي روحي لم عدة دكاترة الين ما تحصلين توصية

pete 2012 : نعم اطلب من الدكاترة 10 توصيات وشف عاد كم يعطيك هو بعضهم يعطي 3 او 5 او 10 لكن وضح له انك رح تقدم على عدة جامعات ولو رفضتك 3 جامعات معناتها خلصت توصياتك وبالتالي تضطر انك تراسل الدكتور او ....
بعضهم يقتنع ويعطيك والبعض لا !!
التوصيات في نوعين نوع العامة ونوع يكون النموذج بالجامعة اللي رح تقدم عليها اذا انت عارف وش جامعتك ممتاز خذ النموذج وعطه الدكتور يوقعه اذا لا خذ توصية عامة احسن من ولا شي

بالنسبة للتوصيات انا لدي ثلاث منها

باللغة الانجلزية

بس الظرف تبع الجامعة ماهو موجود لدي

هل هو مهم

مجتهد 99 اي نعم مهم حطه بظرف من عند مسجل الكلية وخله يختمه لك ضروري

الله يعطيك الف عافيه اختي ماقصرتي

لازم الظروف مختومه ؟ والتوصيات يعني كل توصيه في ظرف ومختمه والا الثلاث توصيات في ظرف واحد ومختوم ؟ وهل التوصيات بس الي في ظروف والا كمان الوثيقة والسجل الاكاديمي ؟
والختم لازم يكون ختم الجامعه والا اي مكتبه
انا مختمه كل اوراقي طبق الاصل و10 نسخ تكفي والا ازيد ؟
سمعت انو عادي احط نسخه من( الجواز +ضمان المالي +الوثيق+السجل الاكاديمي +التوصيات) كلها في ظرف واحد ومختوم عليه من برا وهكذا لبقية النسخ
الطريقة هذي صح والا لا ؟