خطوات التقديم للابتعاث من الالف الى الياء ؟!!!!!!

اختي صبرك لانه بياخذ وقت كتابة ...

اولا مهم جدًا تقرأين هذا الموضوع http://www.mbt3th.us/vb/forum163/thread368024.html
وهو موضوع لي .. وبتستفدين منه ولو قرأتيه لن تواجهي مشاكل في فهمة لاني استخدمت لغة بسيطة ومتسلسلة ...


ثانيا خطوات الابتعاث ..

اولا اختي لازم اعرف اذا انتي بتقدمين بكالوريوس او بتقدمين ماجستير ..

على العموم في خطوات مشتركة .. وبكتبها هنا وبعد ماتقولين لي دراستك وشي ابشرح لك متطلباتها ..

1- جواز سفر جديد ... او جددي جوازك .

2-انتظار شروط المرحلة الثامنة ( وهي ستنزل خلال هذا الشهر ( شهر 7 هجري ) ) ... والغالب انها ستشابه الى حد كبير شروط المرحلة السابعة للابتعاث الموجودة في الرابط التالي
شروط الابتعاث

3- سيتم اعلان موعد في الصحف ووسائل الإعلام عن موعد التقديم على المرحلة الثامنة عبر الانترنت .. والمتوقع بحسب كلام موظفي وزارة التعليم العالي انها تكون يانهاية شهر شعبان او بداية رمضان .. وعلى الارجح هي بداية رمضان .. وفي موقع الوزارة تم الاعلان عن المرحلة السابعة ويتضح التقديم من 1/9 الى 12/9 في هذا الرابط التقديم الإلكتروني على المرحلة السابعة

4- تقدمين عليها بالنت ويكون لك رقم طلب .. وهذا رابط يوضح طريقة التقديم http://www.mbt3th.us/vb/forum14/thread117310.html

5- تشيكين عليه بعد اسبوعين تقريبا وممكن يطول شوي .. ينزلون المرشحين مبدئيًا

6- سيتم الاعلان عن فترة تدقيق الاوراق .. ووقتها لازم كل مستنداتك مثل ( وثيقة التخرج او شهادة الثانوي .. الجواز ... الخ ) تكون معك ويتأكدون من صحة البيانات اللي حطيتيها في الموقع ...

وهذا الرابط .. ويبدو في 16/10 للمرحلة السابعة
تدقيق الوثائق في المرحلة السابعة

7- تقومين بطلب ضمان مالي من الوزارة لغرض مراسلة المعهد وتراسلين المعهد .. ( تجدين لكل معهد متطلباته وشروطه ) اغلب المعاهد تطلب منك الاوراق التالية .. أ- تعبين الابلكيشن حقهم ب-صورة الجواز جـ- الضمان المالي .. وفي نفس الوقت يطلبون منك مبلغ بسيط لضمان جديتك يمكن 25 دولار فقط .. على حسب المعهد .. وطبعا سواء قبلوك ام لا فالمبلغ لهم خلاص مايرجع ..

يتم ارسال البيانات والاوراق للمعهد بطريقتين اما بالبريد العادي او بالالكتروني عن طريق ارسال الملفات على شكل pdf

8- بعد قبولك من المعهد سيرسل لك المعهد ورقة اسمها I-20 تحتاجينها بعدين في السفارة وفي بعض الاشياء .. فانتبهي لها ..

9- تحجزين موعد مقابلة مع السفارة الامريكية لغرض الحصول على فيزا ... وطبعا تسددين رسوم الفيزا الامريكية و تسددين رسوم حاجة اسمها السيفيس .. طبعا وقتها يمديك تبحثين عن الطريقة .. وتعبين ابلكيشن اسمه ds-160

10- تروحين للسفارة الامريكية وتسوين المقابلة وتعطينهم الجواز وتنتظرين لين يرسلون لك الجواز على البريد حقك وفيه التأشيرة ....

11- احجزي تذكرة (( لازم تكون بعد الملتقيات ))

12- احضري الملتقيات اللي راح تكون بالمدن الرئيسية ..لازم الحضور ..

13-سافري والله يوفقك

اخ shy heart
اتمنى تنزل ردك بموضوع مستقل علشان يطلع عليه الاخوان لان كثير سالو كــــــــــــــيف
والله يجزاك خير

اخ shy heart يعطيك العافيه اجوبتك وافيه
بس ياريت توضح لي نقطة "7"
وبالمناسبه انا باقدم على بكلوريوس بس ودي اعرف كم نسبت القبول !!
لانو انا ما ابي ادخل تخصصات طبيه !!

النقطة 7

- تحجزين موعد مقابلة مع السفارة الامريكية لغرض الحصول على فيزا ... وطبعا تسددين رسوم الفيزا الامريكية و تسددين رسوم حاجة اسمها السيفيس .. طبعا وقتها يمديك تبحثين عن الطريقة .. وتعبين ابلكيشن اسمه ds-160

10- تروحين للسفارة الامريكية وتسوين المقابلة وتعطينهم الجواز وتنتظرين لين يرسلون لك الجواز على البريد حقك وفيه التأشيرة ....


__

الله يسعدك ماقصرت
بس ياريت توضح هالنقطتين
يعني كيف اسدد وكم .. الخ
><"
ومعليش تعبناك

^^
هذا موضوع مره مفيد لاحد الاخوات من المرحلة السابعة فيه جميع الخطوات بعد القبول النهائي
http://www.mbt3th.us/vb/forum163/thread365538.html

بس انت راح تدرسي بكالوريوس او ماجستير
اذا ماجستير عندك موضوع التوصيات والوثيقة
http://www.mbt3th.us/vb/forum163/thread367855.html

يتم حجز الموعد في السفارة عن طريق موقع السفارة وبطريقة الكترونية حيث تظهر امامك في موقعهم الايام والمواعيد المتاحة .. وتقومين بحجز موعد متاح ..

الفيزا 532 ريال ..
تروحين لاي فرع بنك سامبا .. وتقولين له ابي اسدد رسوم الفيزا الامريكية .. بيعطيك فورم ورقة تسجلين فيها اسمك نفس الجواز والمبلغ اللي هو 532 ولازم تتأكدين من الموظف ان هذي فيزا طالب F-1 ... ثم تدفعين له المبلغ ..

السيفيس 200 دولار = 750 ريال .....
طريقة تسديد السيفيس عن طريق موقع معين .. وتستخدمين فيها الفيزا كارد .. ومن الممكن ان تكون هناك طرق اخرى للدفع

طبعا الابلكيشن DS-160 موجود على موقع السفارة تعبينه وتاخذينه معك للمقابلة مع ايصال السيفيس وتسديد الفيزا .. ومع I-20 ..

وهذي مجموعة حلوة من المواضيع المتعلقة بالسيفيس والفيزا .... http://www.mbt3th.us/vb/forum16/thread22277.html

اما فيما يخص مقابلتك في السفارة الامريكية .. فراح يطلبونك تعطينهم الجواز .. لانهم بيطبعون عليه التأشيرة .. ( الفيزا عبارة عن طباعة على الجواز في أحد صفحاته .. ) وبياخذ وقت لين يقبلونك ويطبعونه .. يختلف ممكن خلال اسبوع وممكن شهرين .. لكن حسب ماسمعت انهم بدوا يسهلون الامر شوي والفيزا تطلع اسرع من قبل ...

ولا تعبتوني ولا شي الله يرضى عليكم .. ويوفقكم يارب ياكريم ...

بارك الله فيك ........