~ خطوات الابتعاث من التسجيل إلى السفر ّ ~

الموضوع وافي ومفهوم ويجزاك خير ياليت الموضوع يتثبت :-)

آمين ..ولكي مثلهآ يآرب
اتمنى اني اكون وفقت فيه

يآآرب ..
اتمنى اني اكون نقلت تجربتي بطريقة واضحه والكل يستفيد منهآ

آمين يآآرب .. ورديت على استفسارك على الخاص =) واي سؤال انا بالخدمة

الشكر موصول لك أخوي على كلامك ..وأنا ماكتبته الا ابغى الفايده تعم للجميع من خلال تجربتي البسيطه
وفعلاً مرحلة الاجرئات هذه الكل يمر فيهآ ..لكن الجهد يبدأ بعد السفر ,, وقتهآ يبدأ التميز بااختيار الجامعات واتقان اللغة
و ربي يوفق الجميع ..

شرف لي موضوعي يكون بمفضلتك =)

والله مآآبغى منكم الا الدعاء ..ماتتخيلوآ قد ايش محتاجته
مشكور على ردك

هلا اختي امل
السنين اللي فاءتت كان برنامج الابتعاث هو اللي يجيبلك القبول ..بس من العام اصبح القبول من مسئولية الطالب
فقط همآ يصدرولك الضمآن المالي ..
بالنسبة لطريقة التقديم تختلف من جامعة لجامعة حسب متطلباتهآ وشروطهآ
العفو يآقلبي ..والشكر موصول لك على ردك =)

الاجمل تواجدك .. ويوفقك ويوفق جميع الطلاب يآرب

مشكور يآقلبي على ردك =)

اختي لدي سؤالين ..

اولهم ..

بخصوص رغبات الدول ..

المفروض ارتب 3 دول ..

طيب هل بيحطوني في الدولة الأولى .؟؟؟؟!!! ولا على حسب العدد وهل سبق وان قريتي او سمعتي انه في احد انقبل على الثانية او الثالثة ...؟؟

لان رغبتي الاولى وبقوووووة هي امريكا وهي اللي بحثي وتعبي كله فيها .. اخاف يحطوني في الثانية ولا الثالثة ..

ولو كان يمكن يحطوني فيهن وش العامل اللي يؤثر في القبول للدول هل هو اسبقية التسجيل ولا المعدل ؟؟؟؟

وهل من الممكن طلب التغيير للدول في التدقيق ..


السؤال الثاني بخصوص الضمان المالي ..

سمعت انه في امكانية اصدرها قبل الملتقيات يعني بعد الترشيح النهائي اللي يجي بعد التدقيق ...

طيب هل هالكلام صحيح انه ممكن ؟؟ !! وهل هناك تعقيدات فيما لو كان ممكن ؟..

لو قدمت على معهد.. ومثل ماقلتي ان قائمة المعاهد تنزل قبل الملتقيات باسبوع .. وصار هالمعهد مو فيه وانا بديت في اجراءات الفيزا .. هل اقدر اعدل وضعي ؟...
ولا خلاص يمشي اموري دامني قبلت .؟؟؟

طيب في مرحلة الملتقيات فيه كتابة 3 معاهد ... طيب انا اساسًا تم قبولي في معهد وانتهيت .. يعني وش اسوي اعطيهم ال I-20 واقولهم اني خلاص ولا ماينفع ..؟؟!!!!

ادري ان الاسئلة كثيرة بس فعلا تهمني كثير وواضح اهميتها .. شكرًا لك اختي ..

^^
حتى انا بعرف بخصوص الدول والرغبات هل ممكن يحطونك على الرغبة الثانية
طيب انا تخصصي في امريكا
...
بالنسبة للضمان فافتكر العام اعطوه للطلاب قبل الملتقى باسبوع عن طريق الايميل لكن اتوقع كان ضغط عليهم فاللي ماوصله اخذه في الملتقى

ربي يكتبها في ميزان حسناتك ويفرج عليك همك وييسر لك دربك يالغالية

هلا اخويآ
بالنسبة لسؤالك الاول
همآ دائما يحطون لك الرغبة الاولى ..وماسمعت ابدا انهم حطوا لااحد الرغبة الثانية او الثالثة
ودآم رغبتك امريكآ فاان شاء الله انك مقبول فيهآ لانه امريكآ من اكبر الدول اللي يبتعث لهآ ومآزال المجال لها مفتوح عكس بريطانيا واستراليا اللي قفلت
وماتفرق المعدلات ولا الاسبقيه ..دام الشروط متوفرة فيك لك الرغبة الاولى دام هذه الدولة موجودة في القائمة .. بس الأفضل او مايبدأ التسجيل الالكتروني سجل لاتنتظر لااخر الايام
و تقدر تغير الدوله وقت التدقييق وحتى بعد التدقيق تقدر تغير في وقت الملتقى ايضاً ..فلاتشيل هم .

بالنسبة لسؤال الثاني
العام اول مانزلوا قائمةالمعاهد ..نزلوا معآها ايميل طلبوا مننا نرسل عليه رغبتنا ولكن ماستمر الا 5 ايام ولغوه لضغط الطلاب
وبعدهآ طلعوا قرار انه ماتطلع الضمانات الا بالملتقى..واغلبنا ماحصل على الضمان الا بالملتقى
بس يمكن في هذه المرحلة يصدروا قرار معين لاصدار الضمانات (دائما تابع ايميلك )
بس دائما خليك مستعد لانه في المعاهد الافضلية للي يقدم طلبه للوزارة اول ,,فخليك مستعد ..
وكل متأخرت كل ماقفلت المعاهد لآنه الوزارة تحط لكل معهد عدد معين من الطلاب

و ماينفع تقدم على المعهد بدون مايكون معاك الضمآن .. لانها هي الورقة اللي تثبت ان الدولة متكفلة بمصاريفك
إذا بتقدم قبل مايوصلك الضمان رآح تقدم على اساس انك طالع على حسابك ولازم يكون بحاسبك مبلغ مالي
وبعدهآ بتدخل بحوسه يمكن تأخر اوراقك فانتظر وامشي خطوه خطوه اضمن وأفضل
ولا تطلع الفيزا الا لما تكون متأكد من المعهد ومن قبوله لدى الوزارة .. لانه إذا طلعت الفيزا على I-20 معين ماتقدر وقتها تغير المعهد الا من امريكا

بس اانا مو فاهمه ايش تقصد بكلامك انك جبت قبول ولا لسى ؟؟ إذا جبت قبول لاتطلع الفيزا اللين ماتتأكد انه بالقائمة لانه إذا مو موجود ضمن القائمة مستحيل تقبله الوزارة
وتقولك جيب قبول ثاني من ضمن القائمة

أتمنى إني كنت واضحه بآجابتي ..واي سؤال او استفسآر اانا مستعده
ربي يوفقك ويسرلك امرك ..

جآوبت بالرد السآبق..وإذا عندك اي تسأل انا مستعده
لاتنسوني من دعوآتكم

آمين يآآرب ..مشكورة على الرد =)

الله يدخلك الجنة من اوسسسع ابوابها

دحين بدأت ألم الموضوع عدل

من اول كنت مشششتته

الأخت الكريمة
مجهـود يـذكر فيشـكر،،،جـزاك الله من واسـع فضـله. وبلغك الشهـر الكريـم.
تم تثبيت الموضوع.