طلاب المرحله السابعه .. بليز اسئله مهمه ياريت تجاوبونا عليها .

تمت الاجابة باللون الاحمر انا بقدم معك في المرحلة الثامنة بس اسألتك اعرفها وقرأت الكثير عنها وحطيت مثل افتراضك بالمراسلة بالشهادة البنكية وقمت بالقراءة حول الافتراضات وعدت الى صفحات قديمة للمرحلة السابعة وتوصلت لهالنتايج اتمنى تكون واضحة

بالتوفيق

تفكيرك مره سليم اختي وشغلك ميه ميه
انا اختلف مع اخوي عبدالله في ردوده طبعا هو من حرصه وكلامه صادق
ولكن انا بعطيك اجابات بناء ع ناس اعرفهم صارلهم نفس وضعك وانا اتحمل مسؤولية كلامي
بالنسبه لاصدار قرار ابتعاث قبل الملتقى (نعم) يمديك ولكن تذكري هذا يعتبر استثناء ولكن ادارة البرنامج مره متفهمين ف ممكن اذا جيتي لهم بالوزاره وشرحتي لهم وضعك وانك مخلصه جميع متطلبات اصدار قرار الابتعاث ماعدا ورقة حضور الملتقى وان دراستك بشهر يناير ان شاء الله ماراح يقصرون واعرف مبتعث سافر قبل الملتقى
وقبل لا اكمل اجاباتي ودي اوضح لكم نقطة مهمه
الضمان المالي (financial guarantee) هذا يصدر من الملحقيه فقط ويصدر بعد ماتفتح ملف طالب مبتعث من خلال البوابه الاليكترونه
ولكن الوزاره تعطيك ورقة ضمان مبدئي انا برائي انها مضيعة وقت . شهادة بنكيه باسم ابوك او اسمك تغنيك عنها بس لازم يكون فيها المبلغ المحدد من المعهد
انا برائي ابحثي عن جامعة مناسبه في مدينه مناسبه وتكون الجامعه غير موقوفه وفيها تخصصك وقبل لاتسجلين بالمعهد حقهم
ارسلي ايميل لا ادارة المعاهد بالملحقيه الثقافيه في امريكا وقولي لهم انك ناويه تسجلين بالمعهد وهل المعهد معترف فيه وغير متكدس؟؟
اذا قالوا لك ان المعهد معتمد وغير متكدس اطبعي ايميلهم وخليه معك وع فكرة المحلقيه حاطين قائمة بالمعاهد وعدد طلابها .
اخر نقطة بتطرق لها
انك ناويه يكون قبولك بشهر يناير وهذا يعتبر فصل الشتاء(winter) انا برائ خلي قبولك ع فصل الربيع (spring) ع شهر 3 او 4 او 5
تذكري جيدا
في العجله الندامه وفي التاني السلامه ^_^
رابط ادارة المعاهد والاعداد اللغوي للتواصل معهم

دليل الموظفين

^^^^

اجل بنستفيد منك ^_^

طيب فيما لو طبعت رد الملحقية بعدم تكدس المعهد .... وراسلت باستخدام الشهادة البنكية ... وحصلت على i-20 وحجزت موعد بالسفارة وضبطت اجراءاتي .. لو طلع المعهد غير معترف فيه وش اسوي ؟!!!

وهل فيه اعتماد للمعهد من الوزارة قبل السفر؟

عبودي حبيب قلبي
اعتماد المعاهد والجامعات واغلاقهم هذا من ضمن نطاق عمل الملحقيات وليس الوزاره
بالنسبه كيف تعرف ان المعهد معترف فيه ؟
طبعا اي معهد تبع جامعة معترف فيها وغير موقوفه يعتبر المعهد معترف فيه ايضاً يعني هالنقطة تتضح لك من خلال الجامعات الموصى فيها.
طبعا ولاية فلوريدا اذكرها مغلقه ومتكدسه..
النقطه الثانية تتاكد ان المعهد غير متكدس هذي من خلال مراسلة ادارة المعاهد وهذي معلومات التواصل معهم

http://store2.up-00.com/June12/4DF81341.jpg

الله يسعدكم و يعطيكم العافيه ..

انا بالفعل رد الاخ عبدالله ما اقتنعت فيه و فيه الكثير من الحذر اللي ممكن يأخرني .. بس ماقصرت الله يعطيك العافيه .

الاخ سعودي ماجيك .. الله يجزاك كل خير بالفعل انا لي اكثر من ٥ شهور اراسل الملحقيه بالمعهد هذا .. و الحمدلله كل ايميلاتهم و ردودهم محتفظه بيها .
و ان شاءالله نهاية اغسطس ببدأ اراسل المعهد لي و لمرافقي و اسلتم الاي توني و على طول اقدم للفيزا ..

بس كيف اعتمد القبولات هذي ؟ اروح للوزاره يختموها ؟

دام معهدك بيكون بجامعه معترف فيها وغير متكدس معناته ان قبولك معتمد
بعد مايطلع ترشيحك النهائي روحي للوزاره او تواصلي معهم بالايميل
وخذي قرار الابتعاث وأمر الاركاب ^_^
بس لاتنسين غير مسموح لك بدخول امريكا قبل بداية دراستك باكثر من 30 يوم

الله يعطيك العافيه ويوفقك ان شاءالله .. شكراً جزيلاً لك

العفو لكن حاب اذكرك بنقطة
موب مهم ان تخلص اجراءاتك بدري
المهم ان تكون حاط خطة وعارف وش هدفك بالضبط وان تكون قراراتك سلميه ومتاكد منها
فالتخطيط الصحيح يساعدك على بلوغ هدفك
بالنسبه لجراءات تسجيلك بالمعهد انتي والمرافق
اهم شي يكون عندك صندق بريد مسجل باسمك والشهاده البنكيه تكون بالانجلش ويفضل ان المبلغ يكون بالدولار وحطي فيها مبلغ دسم
وكل رسوم تدفعينه احتفظي فيه علشان الملحقيه تعوضك لاحقا

التخطيط مسبق و كامل من سنتين الحمدلله الله يسهل .
البريد و الشهاده البنكيه كلها بإسم الوالد .

الله يعطيك العافيه سعودي ماجيك ماقصرت معايا