حوار دول الابتعاث و الحجاب

اختي والله العظيم اني اقولك اياها وانا شاهدت ناس تكتب معاناتها هنا في المنتدى .. يعني وصلت بهم المرحلة انهم يتسلفون من اهلهم .. وش يوديك للولاية هذي يقولك فيها اقارب او الولاية حلوة بدون مايحسب حساب غلائها ..

يعني مثلا في لوس انجلوس السكن من 1200 دولار (( وهذا قليل يعني بتلقين على 1500 1450 كاقل تقدير بينما مكافأتك لا تتجاوز 1847 دولار !!! ولاتنسى الضريبة في كاليفورنيا مرتفعة وهذا ينعكس على اسعار السلع .. فبينما تلقين سلعة في ولاية متوسطة في امريكا بسعر 100 دولار .. تلقينها في كاليفورنيا ب 140 دولار ..

اما سياتل .. تلقين السكن فيه من 500 وهو نادر .. بس تلقين كثير 650 700 لو بحثتي .. ومتوسط السكن في سياتل 800 .. شوفي الفرق .. والسلع غالية الى حد ما .. لكن لا تصل لغلاء كاليفورنيا .. المكافأة تكفي في سياتل وبالنسبة للي مثلك اتوقع تستطيعين التوفير اخر الشهر 200 دولار او 300 ..

اختي .. نصيحتي لك بحكم اني موجود بامريكا ... مااشوف اي عنصريه او عصبيه دينيه في المجتمع الامريكي . بالعكس شعب حر وراقي ويؤمن باختلاف الديانات واختلاف العادات والتقاليد .. لذلك لاتشيلي هم حجاب او عباية ... في مدينتنا نصلي الجمعه في وسط الجامعه وبالعكس الطلاب الامريكين يتابعون بكل شغف ويصورون ويعجبون بالشعب السعودي لتمسكه بدينه وعاداته .. لذلك كبري الوساده ولاتشيلين هم ..
اتمنى اني افدتك ..
تحياتي لك