مساعدة تخصص التغذيه بكوريا

على قوله شخص هنا بالمنتدى يقول الكوريين يبتعثون طلابها لامريكا
انا مع رائ الوالد
وامريكا زينه بالتغذيه وجامعاته كثييييره

وعليكم السلام ورحمة الله وبركاتـه
يارب ننقبل باللي نبغى
شوفـي بحكم خبرتـي المتواضعه بكوريــا أنها تطورت تطور مو صاحـي بالخمس سنوات اللي فااتت
ولكن التطورات اللي وصلتنا واحنا شوفنها من عندهم تكنولوجـي <<سامسونج
وازياء
بالنسبة انهم ناس صحييـن اعتقد انك تتابعي كوري ويحمسونك لمن ياكلون بس دا مو دليل على انهم افضل الدول لدراسة العلوم الصحيـة
شوفي المطخطخين عندهم اولادهم باميركا وينبسطون لمن يجيهم احد يتكلم انقليش
انتي اتبعي نصائحهم الغدائية المفيده بس لا تتهورين وتدرسين هناك هههههههههههه أنا أحوب واحوب احترامهم للسعوديين بس برضوا انا مابروح اتمشى باروح اتعلم ...
الله يوفقك واستخيري .....

شكرا يا عسل على وجهه نظرك بس برضو ما اقنعتيني
يعني انتي جبتيها من ناحيه انو الدوله اللي ما ترسل طلابها برا يدرسو هم علمهم افضل!!
واللي ترسل طلابها برا يعني دراستهم مو كويسه!!
يعني زي دولتنا الحبيبه ترسل سنويا طلابها للخارج معناتو دراستنا مهي مفيدة؟؟؟
من رأيي اجابتك ما غيرت وجهة نظري

شكرا مره تانيه ^^

هلا خيتو تسلمي على وجهة نظرك
بس برضو ما اقتنعت ... اول شي المستقبل شي مصيري ولا تربطي شي بسيط مثل درامات وتلفزيون فيها
ثاني شي الكلام عن اكلهم صحي ما جبتو من تلفزيون ودرامات زي ما تقولي دا كلام من كتب قريتها وانتي بنفسك لو قريتي عن اسلوب معيشتهم واسلوب غذائهم بتعرفي
ثالث شي انتي قلتيها ما بروح اتمشى والمعروف الدراسه في كوريا جدا صعبه يعني مافي وقت للتمشيه حتى ^^

وان شاء الله استخير كمان وثانكس يا سكره ^^

الله يوفـقك والكلام مو من درامات
أنا لو تلاحظي قلت لك مو دليل غذائهم انهم يكونوا كويسين بالمجال دا ( العلوم الصحية )
قرأت إنو دول شرق اسيا والقويه منها كويسه بالبزنس <<وحتى مو متأكده هل هي بجد قوية بالبزنس والا مجرد سطور انكتبت
ولو جينا على اسلوب معيشتهم وغذائهم للمعلومية ياكلو جلد خنزير << وعندهم دي زي لمن تنعزمي على كافيار عندنا يعني شئ وااو , ولحم الخنزير بكتره كمان <<الحمدلله على الاسلام
يعني زيهم زي أي دولـة تانيه ...
غير انها دولة غاليه على شعبها خلي نحنا كمان , وزي ماقلت لك لها مجالات حلوه ومتفوقه فيها بس مو كل المجالات
بصـراحه لو باخد وجهة نظرك انو همن يحافظوا على صحتهم وطريقتهم للتغذيه باروح ماليزيا <<تغذيه صحية عندهم ولو قد روحتي لهاا حتشوفي كل الصحه بغذائهم + بلد مسلم
عموما الله يوفقك للي فـيه خير لك ويسعدك يارب

باعقب على كلامك هنـا ..
لو تلاحظي دولتنا الله يديمها يارب ترسل اولادها برا لتخصصات معيــنة مو كل التخصصـات
ودا برنامج لخادم الحرمين والا قبل كان الابتعاث من جهات معينــة
وهم عندهم نفس الشئ وغالبا منحهم لجامعاتهم الوطنيــة
زي ماقلت لك أولاد وبنـات الاغنيااء منهم يدرسوا برا أو اللي حاصلين منهم على منح من جهات أو وزارات معيـنة
مو زينـا نص المتخرجين برا بسم الله علينـا

امين يوفقنا اجمعين
- دول شرق اسيا بترسل اولادها يدرسو البزنس في اوروبا وامريكا واستراليا وانا اعرف ناس كدا
- جلد الخنزير بالنسبه للدول المسلمه الحمدلله مافيها بس كل دول العالم ياكلوه
- الغلا في كل مكان مافي شي بلاش في الدنيا دي
- ماليزيا اعتقد من شرق اسيا يعني كلامي صح غذائهم صحي...

......

اكيد الجميع ودو يكمل دراستو ويتعلم اكثر في مجالو او يتخصص في مجالات اخرى زي ما ديننا الاسلام علمنا انو العلم سلاح

بس بالنسبه لنص المتخرجين برا <<<< بجد لا تعليق....

يعني لو شفتي نسبه الطلاب اللي قدمو السنه اللي فاتت وكم انقبلو منها كان ما قلتي دا الكلام....

نسأل الله التوفيق ^^

بالاضافه انو مو بس ابناء وبنات الاغنياء هم اللي يكملو دراستهم
اعرف ناس خرجو يدرسو ويشتغلو ويدفعو فلوسهم بنفسهم ....