الزواج الصـوري (( للمبتعثين ))

ههههههههههههههه وايش يسموه د "زواج مبعاث"

اهلا بالعسله ميشو ليشو

هوا من جد في احد يتزوج زواج ورقي ؟؟؟

هههههههههههه زواج وغلب ودنيا وفي النهاية ورقي ؟

مهي خاربه خاربه عاد يكملوها

هدا الزواج سمعت عنه انو حرام بس ماكنت اتوقع انو في احد يسويه

بس اش دراكي انو اللي في المنتدى بيتزوجوا زواج ورقي ؟؟؟؟

مهو متلا لو تعرفوا فعلا من المنتدى عشان البعثة وتزوجوا وطبقوا جميع اركان الزواج الشرعي

وصاروا ازوااااج وتعاملوا مع بعض معامله الازواج وانجبوا وكل شيء فهدا مو زواج ورقي , هدا زواج حقيقي

الزواج الورقي هو اللي يتم على الورق يعني زواج قانوني بس مايعيشوا عيشه الازواج , يعني واحد في بيت والتاني في بيت

واحد في غرفه والتاني في غرفه وممكن مايشوفوا بعض خير شر ومن دا الكلام , فأنتي ايش دراكي عن اللي بيتزوجوا عن طريق المنتدى او على اساس البعثه

ادا بيعيشوا مع بعض عيشه الازواج او لا ؟؟؟؟؟

الشيء اللي لاحظته في المنتدى مش الزواج الورقي لا , الزواج عشان يتوفر المحرم للفتاة وتتوفر البعثه للشاب

فإدا الشاب والفتاة طبقوا جميع اركان الزواج الشرعي ورضيوا انفسهم لبعض ورضيوا اهلهم لبعض وعاشوا في تبات ونبات ففين المشكلة ؟

الزواج هدا مش حرام بس مو كل الناس تتقبله وكل شخص له اسبابه .

انتي دكرتي شيء وهوا زواج منفعه , ياقمري الزواج كله قائم على المنفعه .

اش اهداف الرجل لمن يتزوج ؟؟ واش اهداف المرأة لمن تتزوج ؟

يعف نفسه , ينجب اطفال , ممكن يبغا انسانه تساعده في حياته , تشاركه وحدته , عنده ام ويبغا يتزوج منها زوجه ومنها ترعى امه
ارمله وام ايتام وفقيرة وتزوجها منها يساعدها ومنها يستر عليها ومنها زوجه له
المرأه كمان تتزوج تعف نفسها تخلف , حياتها كلها مرتبطة بوجود رجل يوقف معاها يحميها يساعدها في حياتها العلمية , امور كتيرررة
ومتشعبه .
<<< كل هدي منفعه ومادامت اركان الزواج اللي دكرتيها قائمة اذن الزواج صحيح وماهو حرام على حسب كلام العلماء .

لاتسيئي الفهم انا ااتكلم عن صحة عقد النكاح اذا توفرت جميع الشروط فهو صحيح

لكن ماببعد الزواج اش يصير ؟؟؟ هنا التحريم او الشيء المرفوض

لاحول ولا قوة الا بالله

فيه ناس بس ودهم يروحون باي شي ودهم يروحون لو يتنازلون عن اهم مايملكون اهم شي اروح....

ياجماعة ترااها امريكا وليست الجنة ...........

اعتقد ان التشدد في القوانين هي الي ادت لهاذي التجاوزات ..

على سبيل المثال : المرافق.. من الصعب للمبتعثة ان تلقى لها شخص من عائلتها متفرغ لها تماما ويجلس معاها على مدى ٣ او ٤ سنين خاصة اذا كانت غير متزوجة ..

وللعلم الشرع الزم وجود المحرم في حالة السفر فقط اما في حالة وصولها للبلد الي تطلب فيه العلم مع توفر الاستقرار والامن والرفيقات سواء ام او اخت او صديقة فليس من الضروري وجود المحرم طالما حصلت على موافقة ولي الامر

أما الزواج الذي لا يستوفي الشروط والأركان، فهو زواج باطل، ويدخل في ذلك الزواج الشكلي أو الصوري من أجل مصلحة ما، حيث لا يلتزم الطرفان فيه بما عليهما من حقوق وواجبات تجاه بعضهما البعض.

اؤيد هذا الكلام لاني سويت نفس الشي

طيب وانا ايش حكيت ؟؟ وهيا ايش حكت ؟؟

ماختلفنا بس وضحت نقطة ماكنت واضحة بالنسبة لي او تداخلت كم نقطة في موضوع واحد

لانو الكاتبه قالت لاحظته في المنتدى بعدين قالت الزواج الورقي بعدين قالت بنت تدور محرم وشاب يدور بعثه فتداخل الموضوع عندي

ووضحت كل نقطة في ردي .

وسؤالي كان , وهل نحن نعلم ان كان المتزوجون عن طريق المنتدى يحصل بينهم زواج ورقي ولا زواج حقيقي حتى نقول لاحظنا في المنتدى الزواج الورقي وعلى اساس ذلك جآت كاتبه الموضوع وتحدثت من باب النصح ؟؟؟؟

لأنو اول ماقرأت الموضوع افتكرت انو المقصد منه رفض زواج المنتديات وتحريمه نهائيا ولمن ركزت لقيت 3 نقاط - الزواج الورقي - شيء منتشر في المنتدى - زواج المبتعثه من شاب لتسهيل امور البعثه

كانت النقاط دي داخله في بعض ووضحتها لااكثر

اما من ناحيه الزواج شيء اكبر من الدراسة , شيء اكيد وماهو هين وحده تتزوج واحد عشان يكون محرم وممكن ينجح معاها في حياتهما الزوجيه وممكن لا , واصلا مخاطره مو الكل يضمنها

لكن هدا مايعني انو شيء نرفضه او مانحبه يعني انو لاحد يعمله ويقرب منه او محرم .

صحيح , وازيد على كلامك في النهاية زواج البنت لحتى تحصل محرم مو حرام شرعا .

مادام توفرت اركان الزواج الصحيح وماداموا راغبين في الزواج الصحيييح يعني يبو يعيشوا مع بعض ويخلفوا

ويكملوا حياتهم مع بعض ويخدموا ظروف بعض , وكان الحصول على محرم او الحصول على بعثه سبب واحد من اسباب الزواج

وليس كل اسباب الزواج , فالبنت كدا ولا كدا حتتزوج والشاب برضو , لكن الان لقيوا الفرصة انسب والوقت ملائم وفي النهاية

اهو عفو انفسهم في الغربه وتساعدوا وكملوا حياتهم لمن حطوا ايدهم بإيد بعض .

لكن هدا الزواج فيه من السلبيات الشيء الكتير اللي محد يقدر يتجاهلها كون الزوجين مش مناسبين لبعض وماختاروا بعض بعنايه .. الخ

لكن كونهم يتزوجوا ويروحوا لدولة الابتعاث وخلاص مايعيشوا مع بعض ولا كأنهم ازواج ولا بينهم شيء وبجرد مانتهتي فترة الابتعاث

ينفصلوا هنا الحرام زي ماقالوا العلماااء . وهنا زواج المصلحة وهنا اللي استغفر الله العظيم محد يرضاه على نفسه والله لايوقع احد في حاجة زي كدا .

أهلا ياعسل ..
أنا ماقلت في المنتدى دا في ناس تتزوج كدا ..
أنا نزلت الموضوع لأنو بجد شوفت ناس تتدور كدا واتفاجأت لمن شوفت حملة تزوجني ابتعثني مدري كيف اسمها
وكمان واصل الموضوع للجرايد يعني حـاجة منجد موجوده
زواج لتحقيق منفعه وقرأت معرف لأحد الاشخاص ( ابحث عن زواج صوري بمبتعثة ) يعني موجود دا الزواج
مو مختـلق ,,
ولـو تدوري حتلقي نفس الشئ زواج صوري بمبتعثـة لتبادل المنفعه ,,
والزواج الصورري اللي على الورق ,,
ماقصدي على الرجل اللي بيتزوج زواج حقيقي ويكون أسـرة
أتمنى فهمتيني
نورتـي ياعسل

الله يـرزقنا الجنـة يارب
ويهدي الجميع

فيـه تجاوزات معقـولة بس دا أبدا تجاوز مو معقـول ..
بصـراحة لمن قرأت عن دا الزواج اتدكرت زواجات الشيعـه اللي لأجل معيـن وتنتهي
الله يهدينـا يارب
نورتي ياعسل