جتني وظيفه حكوميه ...كيف احصل على بعثه؟

مافيه بعثه خلاص ولافيه دراسه إلا بموافقه من العمل والخدمة المدنية
وسالفة الاجازة بدون راتب هذي مافيه في السعودية .. لان لازم لها عذر مقبول

اقول خلك على وظيفتك مافيه سفر هع

شروط البرنامج واضح وصريح

وانا كلمت موظف في وكالة البعثات بخصوص الموظف الحكومي وافادني بالتالي

الموظف الحكومي للأسف ماله إلا حلين

الأول تبتعثي عن طريق مرجعك الحكومي يعني نفس دوامك يبتعثك

الثاني تكوني مرافقه لمحرم لك

اسئل الله ان يختار الخيره لك وان يوفقنا واياكم في البعثه وغيرها

وزارة التعليم العام
والاجازة الاستثنائيه او بدون راتب هي فقط سنه
وفي شروط يمددون السنه انه تكونين مرافقة لمبتعث

ياكثر ما اعرف موظفين حكومين ابتعثو كيف راحو


سوال الحين اباشر بالعمل وبعدها اقدم عند مديرة المدرسه ولا ايش بضبط
اخاف تضحك علي وش دخلها بالابتعاث هي


مستحيل افوت البعثه عشان وظيفه اداريه ومساعدة اداريه بعد


وين اروح بالضبط وزراة التعليم العالي ولا التربيه والتعليم ولا مدرة المدرسه ولا وين ساعدوني بليز

التربيه والتعليم
في ملتقى المبتعثين الحكوميين استفسري وهم بيجابونك اكثر
وموفقه

بخصوص وزارة التربية التعليم الإبتعاث موجود ولكن هل الإداريات لهم نصيب فيه ؟؟ ما اعتقد بس اسأليهم وشوفي ردهم


الإبتعاث وإلا الوظيفة :

في وضعك الناحية الماديةهي ياللي بتقرر عنك
ماديتك زينه وبتمشين وضعك ٦-٨ شهور في أمريكا لحين الإنضمام ، لو رجعتي من البعثة ومعك شهادة ومالقيتي وظيفة ماعندك مشكلة هنا بقولك روحي إبتعاث
ماديتك سيئة وبتروحين على أمل الإنضمام وبعدها بترجعين على أمل الوظيفة هنا بقولك وظيفتك أفضل ( كثير رجعوا ومالقوا وظايف ؟؟
واذا مصره على الإثنين باشري وبعد كم شهر خذي إجازة سنة من دون راتب وأدرسي على حسابك واذا جاك قبول جامعه قدمي انضمام للإبتعاث وقدمي إستقالتك

نصيحة أدرسي الموضوع كوووويس وأسالي الوزارات هم اللي راح يفيدونك

لازم تفهمين وانا اخوك ..

شوفي انتي عرفت وش تبين .. انتي ماتفهمين الا بالتفصيل الممل بعد .. خلني اوضح لك

سالفة انك بتروحين ابتعاث : الابتعاث له شروط محدده وانتي عمرك راح خلاص يعني مافيه فايدة اوكيه
سالفة انك تروحين بعثة من الدوام : هذه تحبين الارض ماودوك هههههه انتي دوامك هل يرسل وإلا مايرسل بعثات روحي اسئلي مديرتك هل فيه بعثات في مدرستك ههههههههههههههههه
سالفة انك تروحين على حسابك وتلتحقين بعدين : هذه يمديك بس لازم تفصلين وتخسرين دراهم كم شهر وتخلصين اللغه الانجليزية وبعدين تنضمين او اقل شئ 6 شهور وبعدين يمكن يضمونك للبعثة ويمكن تطول شوي على حسب

الحين توجهي للقبلة وقولي يارب توفق هالولد اللي شرح لي وتعافيه من كل شر وتيسر امره ياكريم ياقادر



وسلامتك ,,

وش رأيك عمري تبادليني خوذي بعثتي وعطيني وظيفتك

يمكن تصدق انها يمديها مبادلة البعثه بالوظيفة لا لا لا

سالفة انك تاخذين بعثتها انسي الموضوع مافيه .. الله يعينك
الوظيفة حلوة احمدي ربك
شوفي غيرك يبي الوظيفة وانتي ماتبينها