كم سنة تخصص الطب البشري ؟

طب بشري مافيه ي أخوي مافيه الا للطلاب امريكا وعشان كذا الوزاره ماتتبتعث لا امريكا وكندا تقدر تدخل طب بشري بس يبي لك 10 سنوات ع الاقل وماهو مضمون اول شي تجيب بكالوريوس باي تخصص زي الاحياء او اي شي بعدين تقدم لاختبار اذا نجحت فيه يسوون مفاضله بينك وبين ابناء الولايه وبعدين تدخل طب ولا هو مضمون يعني تبي طب بشري شيل امريكا من بالك .

^
طيب مافي اي اقسام طبية ادرسها قي امريكا ؟ لأنه صراحة ما دخل راسي الا امريكا باقي الدول ما جازت لي

^

علوم طبيه ، التخصص كويس ومرغوب فيه ومافيه مفاضله ، قدم فيه وحط الرغبه الاولى امريكا وان شآء الله تنقبل

^
مشكوور بس عطني اقساام غير العلوم الطبية ابي اقارن بينهم

إذا تبي تخصصات صحية
عندك صيدلة و تمريض و علوم طبية و علوم صحية و طب بشري و طب أسنان
بالنسبة لأميركا يبتعثون لها صيدلة و تمريض و علوم طبية و علوم صحية

المفروض يهمك التخصص اللي بتدرسه أكثر من الدولة اللي رايح لها لأنك رايح تدرس
و فيه دول أخرى قوية بالطب غير أميركا مثل ألمانيا و هولندا و إيرلندا
لأن الطب بأميركا مثل ما قال ديمونكس لازم تدرس 4 سنوات علوم طبية مثلاً
بعدين تدخل اختبار صعب جداً و تنافس طلاب كثير و الأحقية للأمريكان طبعاً
و إذا نجحت فيه تدخل طب و تدرس 4 سنين أخرى

و إذا أنت مصر على أميركا أنصحك تدخل علوم طبية لأنه تخصص قوي و مرغوب فيه
عشان إذا خلصته و كنت ما زلت تبغى طب تدخل هالاختبار و تحاول
إذا نجحت كان بها و صار عندك 2 بكالريوس البكالريوس الأول علوم طبية و البكالريوس الثاني طب
و إذا ما نجحت بالاختبار تصير رجعت ببكالريوس علوم طبية و لا خسرت شيء
تذكر الاختبار صعب لكن ليس مستحيل
أنا أعرف شخصياً طالب سعودي نجح فيه و حالياً يدرس طب
بالتوفيق

^
والله انك احسن وحدة في العالم :$
كذا الاجابات الواضحة والمفهومة

- - - مشاركة محدثة - - -

نسيت اسأل
طيب بريطانيا تقبل المبتعثين اللي بيدرسون طب ؟ ولا بس المانيا وايرلندا و هولندا ؟

بريطآنيآ مغلق الابتعآث لهآآآ ..

دول ابتعاث الطب هي :
ألمانيا - إيرلندا - هولندا - بولندا - تركيا - كوريا الجنوبية
الله يوفقك

^
:\ اجل هونت من دول اوروبا

بدرس علوم طبية في امريكا ان شاء الله


الله يوفقنا وياك ^^