مآسي وحقائق صدمتني !!!!

لا اله الا الله

على الجرررررررح

وعلشان صعوبة القبول بيفشلون ؟؟
أشخاص تفوقوا في مرحلة البكالوريوس والماجستير وهي الفئة اللي بتفشل ؟
لا أنا ولا أنت اللي يحدد من أكثر نسبة فشل في المبتعثين لابد من عمل دراسات وبحوث للخروج بإحصائية لذلك
( للعلم أقل عدد مبتعثين هم مبتعثي الدكتوراة وليس البكالوريوس)

الحين اللي طلع وخرب او كفر او احترق .... هل بسبب فعله انا انطق ولا اروح ادرس واقول هدف الابتعاث هدف سيء ..؟

لمعلوماتك الصحابة ابتعثوا لتعلم اللغة العبرية عند اليهود وووو....
واذا واحد جاهل وطلع ودخن وهو صايم مدري صاحب بنت هل يعقل نوقف المبتعثين وننحرم من طلب العلم ومن تعلم لغة غيرنا؟؟

بعدين احمدوا ربكم مليون شعب يتمنى دولته تصرف عليه بس الاكل وانتم رواتب ودلع بالاخير تقولون البعثات نقمة؟؟؟

يعني قصد بلدنا السعودية قصد سيء بابتعاثنا؟؟؟؟؟

بعدين الحين اذا البعثة فيها شرور أو تسبب لشرور للبعض وش طلعك انت ؟؟؟؟؟؟

اقسم بالله ان اكثر اللي يسبون تلاقيهم رايحين برى ويسبون

اطلب من الادارة حذف مثل هذه المواضيع وبسرعة .. بدل ما يكون هناك شكر منكم للدولة تقومون تسيئون النية؟؟؟

كلي دعواااااات صادقة باخر الليل على كل من سب البعثات وهو مبتعث او ع الاقل سافر لبرى او تغير تفكيره وضر غيره

البنت اللي محترمه وهفها الوحيد الدراسه مهما شافت قدامها ماراح تروح للشي الحرررام

اللهم اسئلك الستر والعافيه والبعد عن امور تغضبك

له ست سنين مبتعث ولا تغيرت عقليته الحمد الله والشكر أنا ما ادري ليش ابتعث يحسب البعثة شهاده وبس
اللحين ما يدري ان الناس مو مثل بعضها ايه يقولون ان الكل يرى بعين طبعه
طيب وراه مارجع الاخ المصدوم ...
ياليت المواضيع اللي ما منها فايده تحذف ما ادري وش بنستفيد من ذا ....

أصعب شروط الابتعاث هي الشروط المطبقة على طلاب البكالوريوس
و ابتعاث البكالوريوس فيه من التعقيدات ما الله به عليم
ما يبتعثون إلا النخبة
بعدين يصيرون هم الأفسد بين كل المبتعثين !
يعني طالب جايب +90 بالثانوي و +80 بالقدرات و التحصيلي و جايب آيلس ( و هذي مو شروط سهلة أبداً على فكرة )
بيروح عشان يهيت هناك !
ممكن لكن قلة جداً جداً و ينعدون على الأصابع و ليسوا الأغلبية مثل ما ذكرتِ
لأن طالب البكالوريوس تخلى عن مقعده المضمون هنا
و جازف بشيء غير مضمون و صعب جداً هناك
بيكون رايح حق دراسة و لا حق لعب ؟!!
الله يستر على كل طلابنا و يحميهم و يوفقهم و يرجعون للبلد يشرفونه و يرفعون راسنا

أولاً مَ قلت أن الدكتورآه هُم أقل نآس لأني حسبتهُم مَع المَآستر v_v
وثآنياً " أنآ مَ أقُول فشل لأنه دشر أو كيذآ ! لكِن الدكتورآه حتى المُجتهَد قد يلآقي صعوبه في القبُول بسبب التعقيد مثل 8 مِن 9 بالآيلتس والجيمَآت ومُعدل عآلي . . الخ
أمممآ البآكلوريوس فقبُولهُم سهَل جداً فقط ثآنوي وصلى اللهم وبآرك ،

وبالنسبه لأكثر نآس فشلُوآ مَ أعرف !
لكِن سبق وصرح أكثر مِن مسؤول بالوَزآره أن الأصعب فِي القبُول الأكَآديمي بعد القبُول بالرنآمَج " هُم طلآب الدكتورآه

وَشُكراً ،

من سلبيات الابتعاث
نريد ان نختار الحرية ونجرب طعم السعاده
والخوض في خياااااال لانعيش فيه إلا ملووووك
والتحرر من حجاب يحجب النار
باذن الله عن وجوه أمهاتنا


وقد انعم الله علينا بنعمة الاسلام والأمان
ونرجو ان نحافظ على تراثاً
وديناً ؛

الذين ان شاء الله يسهلان لنا العزه في الدنيا
والنجاة في الاخره
اللهم ان كانت البعثة خير لنا في دنيانا واخرتنا
سهلها لنا ، وان كانت شر لنا أبعدنا عنها يا ارحم الراحمين

والحل
ان يكون هناك مراقب أكاديمي للطالب
على جميع المراحل البكالوريوس والماستر والدكتوراة

وبالنسبة للبكالوريوس يمكن الاخ اختارهم لأنهم الأصغر سنا

السلبيات في الابتعاث
عدم الحصول على وظيفة فقط لا غير