وشاورهم في الأمر (تحديد مصير)

والله مايبي لها مشاوره ابد ابد / اطلع مع زوجتك وادرس بكالوريوس من جديد بالتخصص اللي تبي طالما عندك لغه انجليزيه حلوه بتاخذ التوفل بسرعه وقبل زوجتك وبتساعدها بالتوفل . زوجتك ثلاث سنين وتخلص الماستر وترقي بعثتها دكتوراه وانت يمديك تخلص بكالوريوس وترقي بعثتك وربي حرام عليك رررررروح ادرس بكالوريوس من جديد ولاتفكر تعادل موادك وتدرس انجليزي بكالوريوس لان كثير معهم بكالوريوس وجالسين . نصيحة اخووووووووووووو

موووفق خير

صراحة لو كنت مكانك .. بكمل دراستي الإنتساب هالسنتين المتبقية في الجامعة , بتقول وبعثة زوجتي ؟ بقول لك سهله ..

زوجتك خليها تبتعث على شوال السنة القادمة , وقتها بيكون تبقى لك سنة واحدة في الجامعه , و زوجتك بإمكانها تدرس سنة ونص لغة + سنة او سنتين ماجستير , يعني بمجموع مابين 3-4 سنوات ..

ابتعث انت وزوجتك السنة المقبلة .. وسجّل مواد السنة الأخيرة في جامعة الإنتساب , وبنفس الوقت هات لك قبول لغة اثناء وجودك كـ مرافق , ومنها تتعلم لغة + تكون استعديت لـ مواد السنة الأخيرة في الجامعة

واذا جت اختبارات الإنتساب ارجع واختبر اسبوع او اسبوعين , وبإذن الله تكون خلصت الجامعة و اللغة , وزوجتك خلصت اللغة .. وكملوا الماستر انت وهي في الإبتعاث , الله يوفقكم .

بقولك معلومه صغيرونه

اذا جازتلك اخذها و اذا ما جازت لك اضرب بها عرض الحائط


انت مرافق تدرس التخصص اللي تباه لو تدرس تخصص حرائق غابات <<< تعرف هذا التخصص مطلوب في السعودية

لكن المبتعثين الرسميين ملزمين بتخصصات محدده

الله يحرم وجيهكم عن النار

اخي مهندس قادم هل بالامكان تأجيل قبول لشهر شوال السنة القادمة؟
ام انك تعني اسحب واقدم لزوجتي السنة القادمة من جديد.

طيب معقوله المرافق يستطيع اختيار اي تخصص يعجبه
مثلا صيدلة او هندسة ومايناظرون لشهادتي الثانوية ؟
انا متخرج من الثانويه عام ٢٥ ونسبتي ٧٤ ماظنيت يعطوني وجه
ارجووو الافادة والله اني بديت افكر في دراسه من جديد

اعتقد يمديك ما تسافر الا بعد عيد فطر السنه الجايه

و زي ما قلت لك يمديك تدرس اي تخصص


بس المشكله اذا شهادتك ادبي

لان بتواجهك مشكله ايجاد قبول جامعي

امين يارب و وجهك ..

بإمكانك تأجيل قبول زوجتك إلى شوال السنة القادمة , الأمر بسيط وذلك اثناء تحديدك لـ معهد اللغة اختر تاريخ البدء في Fall 2013 أي شهر 8-2013 , و بيوافق شوال العام المقبل بإذن الله

حاول تجيب قلم و ورقة وتكتب الخيارات المطروحة , وشوف الإنسب و إستخر .. وبالنسبة لي قلت لك رأيي والله يكتب لك اللي فيه الخير .

الله يجزاكم خير
والله انكم ريحتوني باستشاراتكم النيرة
اسأل الله سبحانه وتعالى ان يرزقكم المال والذرية الصالحة وطلب العلم

بكالوريوس انجليزي و انتساب و لا متمسك ما شاء الله عليك

معليش بس بصراحة تخصص ما راح يفيدك في الوظيفة الا في حال عندك واسطة
غيره ما راح ياكلك عيش ع قولة اخوان المصريين

يعني فرصة و جات لك و مثل ما يقولون الفرصة تجي مرة بالعمر

روح وادرس اي تخصص انت حابه مثل عندك هندسة او محاسبة
والله هي اللي تفيدك ان شاء الله

بعدين ع فكرة اعرف ناس من قرايبنا واحد منهم محاسب في بنك و راتبه راتب مهندس ما شاء الله عليه

واستخير و الله يوفقك ان شاء الله