مقدم على المرحلة الثامنة وأنا في أمريكا ( حضور الملتقى )

يبتعث الطالب بعد الملتقى في اي وقت بحسب قبوله في المعهد .. اذا جهزت قبول المعهد قبل الملتقى وسويت الفيزا .. تروح علطول بعد الملتقى بس تمر على الوزارة قبل السفر تصدر قرار الابتعاث حقك وتصدر امر اركاب وتسافر ..

المفروض انك تخلي الدراسة على حسابك الخاص وترجع تكمل إجراءاتك ... اهم شيء انه تقفل ملفك وفي كل الاحوال لازم تحضر التدقيق والملتقيات

والله إني متردد , أنا ماطلعت على حسابي إلا عشان أخلص بدري فصعبة أقطع دراستي لان راح أكون بدون دراسة شهرين .! خطتي إن أطلب من المعهد إجازة اضطرارية لمدة أسبوع أرجع للسعودية

وأخلص الملتقى وأرجع أكمل دراستي . الله ييسر : (

شف لو انت جيت امريكا قبل شهر 6 ميلادي الامور طيبة بس برضوا قد تتأخر في الالتحاق

اما لو جيت بعد شهر 6 فبيكون هناك مشكلة ومااتوقع يتم الحاقك قبل ماتكمل سنة كاملة في اللغة !!! وتبدا الجامعة !!!

هذا من كلام الملحق الثقافي الدكتور محمد العيسى لما واجهته هنا بالرياض كان فيه مؤتمر للتعليم العالي قالي شهر 6 اللي يجي قبله تمام وضعه واللي بيحي فيه وبعده راح يلحق في الجامعة ...

نصيحة أنك تتأخر في الدراسة احسن من انك بتجي لحظة لك تقول لازم ارجع للسعودية خلاص مااقدر انتظر اكثر وتروح عليك كلش ..

لذا التفكير السليم انك ترجع وتنتظر البعثة وكلها 3 شهور بعد التدقيق وترجع بس ضامن كل شي ..