"وظيفة في القطاع الخاص" .. هل تؤثر على البعثة

اخي انا زيك ، كلمت الوزارة ع الايميل

قالو ان القطاع الخاص مافيه اي مشكله .

لكن اتوقع انتبه ان لا يربطك معاهم عقد لمدة سنة او شي كذا

انا متخوف من هذي النقطة وربنا ييسر ان شاء الله

أنـا عارف أن القطاع الخاص ما فيه أي مشكلة

بس المشكلة في التأمينات ..

ما أدري هل تلغي قرار الإبتعاث ولا لا

زي ما قال اخوي اهم شيء تتأكد من العقد لأن اغلب الموظفين سواء في اي قطاع لا يقرأ الشروط يوقع ويمشي ومن ناحية ابتعاثك اعرف شخص بعد انتهاء العقد طلع للأبتعاث
واذ مازلت تحس انك غير متردد مرهم او اتصل عليهم واستفسر واكيد بترتاح بعدها

بالتوفيق لك

بخصوص نقطة العقد لمدة سنه,, هذي مو مشكله,,

لأن نظام العمل يعطي الحق لأي طرف العامل أو رب العمل بإنهاء عقد العمل لسبب مشروع,, ويشترط أن تكون هناك مدة إنذار هي شهر,, بمعنى أنك تقدم إستقالتك قبل سفرك بشهر,, وتستمر بالعمل لمدة شهر وبعدها تقدر تمشي,, ويجوز لك الإتفاق على خلاف ذلك بمعنى إنك تكلم رب العمل وتتفاهم معاه على مدة أقل فقط, أما أكثر من شهر فهذا غير جائز

- - - مشاركة محدثة - - -

بخصوص نقطة العقد لمدة سنه,, هذي مو مشكله,,

لأن نظام العمل يعطي الحق لأي طرف العامل أو رب العمل بإنهاء عقد العمل لسبب مشروع,, ويشترط أن تكون هناك مدة إنذار هي شهر,, بمعنى أنك تقدم إستقالتك قبل سفرك بشهر,, وتستمر بالعمل لمدة شهر وبعدها تقدر تمشي,, ويجوز لك الإتفاق على خلاف ذلك بمعنى إنك تكلم رب العمل وتتفاهم معاه على مدة أقل فقط, أما أكثر من شهر فهذا غير جائز

تطمن يا عزيزي، انا نفس وضعك بالضبط ... ومتى ما مشت امور الابتعاث - ان شاء الله - اقدم الاستقاله وصلى الله وباركـ .. اجراءات الابتعاث ما راح تتأثر بتاتاً ..
وهي بالفعل خطوهـ إيجابية منها انك تجمع لك مبلغ وقدرهـ ... ، ومنها خبرهـ ووو ... توكل على الله ياخوي وان شاء الله اموركـ طيبه ..