كل ما تريد معرفته عن الابتعاث

السلام عليكم اخوي عادل وبارك الله فيك وفي جهودك
لدي استفسار بخصوص المرافق انا زوجتي انقبلت مبدئياً في البعثة وناوي أطلع معها كمرافق ان شاءلله ولكن لم يخبروننا بالدولة المبتعثة إليها علماً أنها اختارات ثلاث دول كندا - امريكا- سنقفوره فبحكم خبرتكم ماهي الدولة التي سوف تبتعث لها من خلال الخيارات اللي حطتها ؟ الشي الثاني اناا معلم لغة انجليزية وناوي اكمل والتحق بالبعثة ولكن لااعلم هل سوف يتم تفريغي بحكم اني مرافق ام لا واذا كان كذلك هل يوقفون العلاة والخدمة ولا بس الراتب
الشي الثالث والمهم ماهي الاوراق الاساسية اللي لازم اخذها معي عشان اقدم فيها اهناك يعني اخذ شهادة البكالوريوس معي فقط ولا فيه اشياء ثانية اخذها وبالنسبة للاتخاقي بالبعثة هل هو امر صعب بحكم اني موظف ومعدلي كان مقبول ياليت تفيدني في كل تساؤلتي ولك دعوة بظهر الغيب .

نفس سؤالي مع شكري , وهل يختلف حسب الدولة ؟
مووفق ..

رفع عسى المانع خير

- - - مشاركة محدثة - - -

رفع عسى المانع خير

- - - مشاركة محدثة - - -

رفع عسى المانع خير

اختبار الجيمات : اختبار مثل ما نقول : تحديد قدرات : وما فيه نجاح ورسوب لكن : كم الدرجة اللي راح تجيب عشان تدخل الماجستير

هو هاجس مبتعثين طلاب أمريكا .

انا ما درست في امريكا .بصراحة : وهو ليس موجود في بريطانيا .

لكن : هناك معاهد كثيرة تهيء الطلاب لتجاوز هذا الامتحان : ونصف مبتعثين العالم : لدولة أمريكا وامورها ماشية .فاي شخص بيشد حيله بيمشي .

لو تبحثين في قوقل بتلاقين الشباب ما قصروا : غطوا كل التساؤلات اللي ممكن تكون عندك .فحلو إنك تاخذين خلفية كبيرة عنه .

الوضع متعة والله وخبرة أكثر من أي شيء ثاني .

وصدقني اي شيء تحتاجه بتلاقي ألف واحد يخدمك .لانك اليوم تطلب احد يخدمك .

بكره بتخدم غيرك .

اهم شيء الواحد ما يترك طموحه عشان خوف او رهبة .

من كلامك انت تميل للابتعاث ...

ممكن تكتب الايجابيات والسلبيات في كل خيار

وتبدأ تقارن .:

لكن الابتعاث احلى لك : لو ما عندك شيء ممكن تضرر بخروجك بعثة.

كنت أحط بريطانيا الأولى :

وامريكا الثانية .

لكن الحين : احط أمريكا الأولى

وأحط بريطانيا الثانية .

مدري : يمكن لاني مليت من بريطانيا.

ويمكن لأن أمريكا تحسن الوضع فيها الحين : بسبب مشاكل الفيز .في المراحل الأولى واجهوا طلاب مشاكل في الفيز .أثرت على دراستهم .

بعدين : امريكا عالم ثاني.

يلله اجل شد حيلك وعطنا احداثك .

تكلمت عن الجيمات في رد سابق ممكن ترجع له .

بالنسبة للبري ماستر : هو تمهيدي لما قبل الماجستير ....مناسب جدا للي داخل تخصص غير تخصصه .

مناسب للي : يبغى يقوي نفسه باللغة في نفس مجال التخصص .

بعض الجامعات : تعطيه للي معدل ضعيف شوي : عشان تقبله .

في كل الحالات ممتاز للي يقدر يدرسه .

بشرط : يكون بري ماستر حقيقي : يعني مواد زي الماستر .مو بس مواد لغة انجليزية .

اقدر افيدك كثير في سؤالك:

لان البكالوريوس عندي لغة عربية .

والماجستير تسويق .

والدكتوراه الحين تسويق .



تقدرين : تكملين في نفس التخصص .اللي عندك بالماجستير : والسبب عندك راح يكون قوي : قولي نصف الطلاب اللي درسوا تخصص مختلف : ما قبلتهم الجامعات الحين ولا يمكن الشركات بسبب اختلاف التخصص .

هذا لو هوايتك نفس تخصصك السابق :

لو ما تبين نفس التخصص : وتقولين بكون مغامرة واغير التخصص . وادرس مجال جديد حلو . ولكن تحملي العواقب .


بالمناسبة : التسويق حاجة ممتعة للي يحبها .

لو اردتي زيادة في الجواب : ممكن استرسل لك .

- - - مشاركة محدثة - - -



مهب على كل حال : لا ممكن يعادلون له مواد : غالبا جميع الجامعات تعادل . لكن لازم يقدم على اكثر من جامعة وشوف الفرق .بكم ساعة يحسبون له وكم ساعة يبقى له .

لو انتم تقدرون تطلعون قبل ما يدرس حلو .

لو ما تقدرون عادي .