مبتعث مميز Characteristical Member
كندا
Nanotechnologist , أنثى. مبتعث مميز Characteristical Member. من السعودية
, مبتعث فى كندا
, تخصصى Medical Science
, بجامعة BC
- BC
- Medical Science
- أنثى
- Vancouver, BC
- السعودية
- Jul 2012
المزيدl September 4th, 2012, 01:25 AM
استمارة التقديم على الجامعات الاجنبيه طبعتها من أول وعبيتها بخط يدي
ومن شوي قالولي انه لازم بالكمبيوتر .. هل هذا الكلام صحيح ؟؟
جزاك الله خير
- - - مشاركة محدثة - - -
استمارة التقديم على الجامعات الاجنبيه طبعتها من أول وعبيتها بخط يدي
ومن شوي قالولي انه لازم بالكمبيوتر .. هل هذا الكلام صحيح ؟؟
جزاك الله خير
بلاك ليون September 4th, 2012, 01:35 AM
7 " جججزآك آلله خير آلجججزآء , كفيتي ووفيتي صررآححةة , آلله يجعله في موآزين حسسنآتك
انا كمان سألتهم اذا صك الوكاله ضروري يكون موجود بالتدقيق اذا كان الاب موجود والمرافق الاخ , فقاالو مو ضرروري وقت التدقيق
وبرضو سألتني المدققه ع السجل بالعربي قلتلها مو لازم وهما كاتبين كذا وكذاا ,, قالت اوكي بس كتبتها في سند استلام الوثائق انو ناقصه الاوراق طبعا نشبت في حلقها ههههههه
قالتلي من باب الامانه لازم اكتبها , وهي مو ضروريه لكن من الافضل تكون موجوده وماراح تأثر ع الترشيح ,
موفقين ..
إبتسآم آلسليمآن September 4th, 2012, 01:41 AM
7 " اخني مشكورة لكن اللي كان مزور بيانات العمر وش قالو لهم
بقايا حلم September 4th, 2012, 01:43 AM
7 " وي وي وي وين راح ترتيب الموضوع ؟؟؟؟؟فيه خلل بالموضوع جاي منرص رص كانه تعبير رابع ابتدائي ... اعتذر عن الخلل الفني اللي مدري كيف جا
Nanotechnologist September 4th, 2012, 01:47 AM
7 " لو سمحتي أنا بغير تخصصي وبغير كمان الرغبات في الدول .. ما هي طلبات ذلك وقت التدقيق
وأأأأأأألف شكر
mamdoh150 September 4th, 2012, 01:56 AM
7 " صراحه كل الاسئله الي كنت معبيها لمن ارحلهم اسألهم
انتي جاوبتي عليها
الف شكر على الموضوع طمن الكل
- - - مشاركة محدثة - - -
صراحه كل الاسئله الي كنت معبيها لمن ارحلهم اسألهم
انتي جاوبتي عليها
الف شكر على الموضوع طمن الكل
تحت التدقيق September 4th, 2012, 01:56 AM
7 " اخوي بلاك ليون :صحيح .. يحب تعبئة النموذج بالكمبيوتر ثم طباعته والتوقيع عليه ا
بتسام السليمان .... يجزانا وياك يارب ويوفقنا للخير تسلمي لي ياقمر
بقايا حلم ... من عند المدخل رجعوا اللي عندهم فرق بالعمر او بالمعدل ومارضيوا ياخذوا اوراقهم واعتذروا لهم - هذا اللي شفته -
فوفو ... شاكرة مرورك والاهم انها عجبتك
ممدوح ... مو مطلوب غير انك تقول عندي تعديل بالبيانات راح يسلموك استمارة تحط فيها التعديلات وبتمشي امورك
تحت التدقيق... العفو اخوي وحبيت ان الموضوع يوضح لكم الالتباسات اللي صايرة بالتوفيق للكل
Nanotechnologist September 4th, 2012, 02:12 AM
7 " 
LinkBack URL
About LinkBacks
September 4th, 2012, 01:25 AM
اتمنى تكون اموركم بخير وعلى احسن مايرام
مثل ماوعدت اني راح اكتب لكم بالتفصيل اللي صار معاي بالتدقيق خطوة بخطوه وجاهزة لاستفساراتكم
لكن ... لكن ارجو ان الموضوع ينقرا بتمعن عشان لاحد يسالني بشي انا مجاوبته بالموضوع
موعدي كان اليوم الاثنين الساعه 7م وجيت مثل مو مكتوب قبلها بربع ساعة لفندق المرديان بجدة طريق المدينة
اول مادخلت كان فيه لوحة عريضه مرصوص عليها اسماء المطلوب تدقيقهن للفترة المسائية بمراحل الدكتوراه والماجستير والبكالوريوس
ماشاء الله اسماء الدكتورات 4 صفحات
ماعلينا ... بالمدخل فيه الاستقبال وعليه 3 موظفات للبكالوريوس والماستر والدكتوراه مرتبين لكل مرحلة موظفة
تعطين المسؤولة اسمك وتتاكد من وجود اسمك .. وتطلب منك استمارة طلب الابتعاث وهويتك مع الصورة والوثيقة مع الصورة تتاكد منها فقط وترجعها لك
وتعطيك ورقة موضح فيها ترتيب المستندات المطلوبة انا مااخذت هالورقة لانها موجودة معي وكنت طابعتها من موقع الوزارة ...
اخذت رقم للانتظار لان القاعه الداخليه كانت مليانه
لما انتهوا من كم بنت دخلونا على القاعة كان فيها قسمين للتدقيق
القسم الاول ( اول ماتدخلي القاعه بوجهك )
تعطيهم رقمك ( احفظي اخر رقمين ضروري
وتعبي بياناتك على وجه الملف وقفاه .. الاسم السجل المدني .. الميلاد .. تاريخ انتهاء الهوية .. رقم الطلب .. المرحلة .. الدولة ...الخ لا تكتبي شي من جوا الملف ابداااا...
وتنتظري الى ماينادوا على الارقام وتروحي ياستو الطاولة عليها ثلاث موظفات مسؤولات عن التدقيق الاولي وقدام كل وحدة ثلاث كراسي ورا بعض للي ارقامهم قريبة بالدور
اذا جاء دورك راح تاخذ منك الملف تمسك معاك الوثائق حبة حبه بالدور
استمارة الطلب .. الهوية .. كرت العائلة .. الخ وانتي تعطيها الصورة والاصل تتطابق بها وترجع لك الاصل وتحط اشارة صح عند خانة ( مرفق ) بالملف
الى ماتنتهي من كل الاوراق ... وبعدها تعطيك رقم عشان تروحي للقسم الثاني ( يسار القاعه )
القسم الثاني : هو التدقيق النهائي للختم على الصور والنماذج
تروحي وتنتظري دورك وينعاد نفس السيناريو اللي كان بالتدقيق الاول بس كل صورة تستلمها منك تختم عليها
وبالاخير تعبي المدققة ايصال بمعلوماتك تعطيك نسخة منه للمراجعة بوقت الملتقيات باذن الله بعد اعلان الترشيحات
وبعدها تتصلي على اللي جابك قولي له انا خلصت وطالعه
بعض الملاحظات والاجوبة على اسئلة المتقدمات:
1- يوجد مشرفة من وزارة التعليم العالي بداخل القاعه لاي استفسار يخصك وجدا حبوبة ومتعاونة
2- عملية التدقيق ماشية بكل سلاسة لولا الاعداد الكبيرة لكن مافي زحمة وخنقة الحمدلله
3- اذا جاء براسك سؤال وماامداك تروحي للمشرفة ممكن تسالي المدققات اللي بالقسم الثاني (فاهمين اغلب نقاط الابتعاث ومستوعبين شروطه )
4- بالمركز تتواجد كل النماذج في حالة صعب عليك طباعتها ( ماعدا استمارة طلب الابتعاث طبعا ) واللي حابين يغيروا اي معلومة عندهم يطبعوا الاستمارة حقتهم ويبلغوا اللي بالمدخل عن تعديلات بالطلب وهم يدلوهم على التغيير
5- بفرض ان طلبك كان ناقص .. جواز سفر او هوية او اي شي ... بياخذوا اوراقك اللي جبتيها ويعطوك ورقة بالنواقص تتعهدي فيها اكمال الاوراق خلال فترة التدقيق او بعدها وارسالها للوزارة.
6- وثائق التخرج الصادر باللغة الانجليزية والسجل الاكاديمي الصادر باللغة الانجليزية لايحتاج الى ترجمة ( مثل ماكان مذكور بموقع الوزارة
7- التوصيات غير مطلوبة ولم تؤخذ من اللي جابوها معاهم .. ورجعوا بها
8- اللي مايقدر يجي بموعد تدقيقه .. يقدر يجي باي يوم يسبقه معاه كافة الاوراق المطلوبة ويذكر للي موجودين بالمدخل انه جاي بغير موعده لظرف السفر.. الدوام .. الخ وهم يااما بيغيروا موعدك الاساسي ولا يكملون تدقيق اوراقك على حسب ضغطهم ..
9- اللي نظام معدلاتهم يختلف عن النظام المتبع بالوزارة .. يسجلوا نفس المعدلات اللي حطوها باستمارة الطلب .. ولاحقا الوزارة هي اللي تحول المعدلات بطريقتها.
10- مايحتاج تختموا صور السجل الاكاديمي او وثيقة التخرج ( بختم صورة طبق الاصل ) اذا كانت معاكم الاصول.
11 - موعد اعلان نتائج الترشيح النهائي هو الاسبوع الاول بشهر ذو الحجة واقامة الملتقيات سيكون بالاسبوع الرابع من ذات الشهر.
هذا سيناريو الليله وتوضيح للنقاط اللي تنعاد وتتكرر اسئلتها بصورة جنونية بالمنتدى
حبيت افيدكم واريح الصداع والقلق اللي بروسكم ترى الموضوع سهالات والكل متعاون ومتفاهم معاكم ... بالتوفيق للجميع والله يتمم امورنا على خير