دراسة اللغة فقط !!

هﻻ اخت عطوره الله يوفقك انتي بس شدي حيالك وتوكلي علي
الله

تقدرين ترجعين لو خلصتي لغه ومالقيتي قبول ماستر

وحتى لو بديتي دراسه ممكن ترجعين

بس ليه التفكير السلبي خلك متفائله وربي بيوفقك

الامور سهله ب اذن الله

بالتوفيق

- - - مشاركة محدثة - - -

تقدرين ترجعين لو خلصتي لغه ومالقيتي قبول ماستر

وحتى لو بديتي دراسه ممكن ترجعين

بس ليه التفكير السلبي خلك متفائله وربي بيوفقك

الامور سهله ب اذن الله

بالتوفيق

يالغالية والله العظيم اعرف ناس يدرسو بكالوريوس وهم فوق ال 30 وانا ما اقول هذا الكلام انتقاص فيهم لا بالعكس والله اني افرح لهم وادعي لهم لأنهم ناس طموحين ومانسيو احلام كان يبغو يحققوها لكن انا اضربلك مثال يعني لو هم جاتهم فرصة مثلك كانو كملو وهم مغمضين وانتي بما انك مستواكي كويس توكلي على الله وترى الموضوع تغمضي عينك وتفتحيها الا انتي مخلصه الماستر استخيري والله يكتب لنا الخير يارب...

الموضوع بسيط جدا ولا يحتاج هذا التعقيد .. توكلي على الله بس..

يا رب الله يسهل امورنا كلنا

مدري ليه بس ذا طبعي خوافه جدا جدا ولا اعرف اناقش احد او اتكلم مع احد احس مابقدر اخارج عمري

حتى بامتحاناتي لما كانو يعطونا اسئله فيها ششرح او كلام كثير حدي اكتب سطرين او ثلاث بالكثير بعكس البنات معايا كانو بيكتبو نص صفحه ف السؤال نفسه حتى لو مايعرفو اجابه يتفلسفو من روسهم
لكن انا ماعرف

عطوره اجلسي ببيتكم وليه كل هالهم؟ هاذي غربه مو لعبه او روحه وناسه اسبوعين او شهر بالكثير وسياحه. اذا مو قد الكرف وتكتبي بحوث بلغه قويه وتكرفي كرف لا تروحي ابدا قسم بالله وانا ما اكذب من خبره طويله في الابتعاث والاستشارات والقبولات ان مثل وضعك ما يكمل. والدليل اذا انقبلتي بالبعثه ثاني اسبوع حتدورين طريقه ترجعين بس ما حتقدري لانك قلتي لصاحباتك واخواتك وكل اللي يعرفوكي يعرفوا انك رحتي بعثه دراسه وحتحسين بصعوبه ترجعين خاليه اليدين وتتفشلي قدامهم. فيه بنات اشوفهم عام 2003 بامريكا والله يبكون بعد الاختبارات وانا اعرف انها ما جات الا ليقال انها مبتعثه وبعضهم اسوي لهم البحوث واعدل لهم عليها واللي رسبت وما اخذت الماستر واعطوها بدلا عنه دبلوم عالي واللي صابها الهم ورجعت واللي منهم نجحت وعدت لكن بالنهايه كلام واحد ما يحب يأمل احد شئ ويخليه يعيش في احلام ورديه,, اذا ما انتي صادقه وجاده لا تروحي وخليكي ببيتكم احسن واذا على السفر والروحه والرجعه ان شاء الله مع زوجك تروحي تتمشي
الله يكتب لك اللي فيه الخير لك بالدنيا والاخره

أنا أعترف عندي خوف ، بس ولله الحمد التفاؤل متغلب على الخوف عندي ، أكيد فيه شريحه طالعه للإبتعاث ليُقال عنها " مُبتعثـ/ـه ، لكن أتوقع إنهم قلّه ..
أخوي أمير لندن مو بالضروره الخوف يعني عدم القدره ، الخوف شعور طبيعي ممكن يتحول لـ طاقه إيجابيه فيما بعد ..
وبإذن الله ربي يكتب لنا الخير جميعاً ويوفقنا لما يحبه ومانتمنى ..

ممتازه الخوف سمه طبيعيه في الجنس البشري تجاه الشئ الجديد والغير مألوف. مثلا لما البنت تتزوج تحصلينها خايفه مو عارفه الانسان الللي قدامها لكن اذا كان عندها الاصرار على ان تبني بيت وتحافظ على الزوج وتتفهمه وتتأقلم معه ووافقها التوفيق حتكون سعيده.. انا بنيت كلامي لعطوره لانها قالت انها ما تحب الدراسه وواضح بقوه انها متلخبطه ومو عارفه اش المستقبل وصعب جدا واقول جدا جدا انك تتغرب وتتعب وهدفك مو قادر تشوفه قدام عيونك,
انا والله ما اتكلم من فراغ اتكلم عن خبره واعطيكم مثال, فيه بنت اتصل فيني ابوها وقالي انت فلان قلت نعم من معاي قال انا وبتنتي حنجي الى واشنطن في اليوم الفلاني ورتبت اني استقبله وهو رجل كبير بالسن واخذته بسيارتي للفندق وكله مجانا بس ابي دعوه صادقه تغنيني عن كل شئ لكن لما شفت بنته خايفه ومو عارفه شئ من ناحيه ان ما عندها هم جايه تحققه وجايه بس تشوف صاحباتها وتتعلم لغه وتبي وناسه قلت بنفسي وقلت للرجال يا عم خلها ترجع وتدرس البكالريوس بالسعوديه لسى صغيره على الغربه وتعبها وخاصه انك حترجع وحتجلس لوحدها وفعلا رجعت البنت وحطت عقلها براسها وخلاص شهرين فلتها واستانست وشافت عالم ثاني ويكفي بالنسبه لها في المرحله هاذي ونفس الكلام اقول لعطوره اذا مو جاده بالبعثه وهمها وكرفها لاااااااااااااااااااااااااااااا تروحي بيتكم احسن لك مو انتقاص منك لكن اللي يبي الدح لا يقول اح

معليش ليش التشاؤم ترى الامور سهالات وصدقيني مايمشي بالابتعاث الا المتوكل على الله والواثق انه باذن الله

ينجح الخوف بداية السقوط وهو بيكون بالبداية شوية شويه يروح تدريجيا ويبدا زرع الثقة بذاتك وهذي من ايجابيات البعثة

والتحدي حلو

اخوك / محمد الغامدي