التدقيق وما ادراك ما التدقيق

September 10th, 2012, 09:39 AM

السلام عليكم ورحمة الله وبركاته


طبعا كان تدقيقي بالرياض بالراديسون ..

بالبداية مايحتاج اذكر اي تفاصيل عن الموقع او الالية لان اعتقد المواضيع والشباب بالمنتدى ماقصروا , اللي اقدر اقوله لا تغلطون وتعتمدون على جوجل لان النتيجة تبي تطلع لفندق كراون بلازا

على كل حال ملاحظاتي على مركز التدقيق والعاملين فيه شيء واحد ومهم جدا ً وخطير ايضا

هو ان التعامل والتنظيم كان من افضل مايكون , يعني الجميع سبق وتعامل مع جهات حكومية كثيرة في حياته , منها الاكاديمي وغيره لكن عالاقل بالنسبه لي ماواجهت دقة التنظيم وسرعة في العمل وايضا اللباقة وهو شي كان مهم فعلا

يعني تجد تنظيم نعم سرعة في العمل ايضا نقابلها لكن لباقة في التعامل و تجتمع كل هالامور في مكان واحد ؟ هههههههه بصراحه اول مره !

اللي ابي اوصله الموضوع مهوب صعب لتقديم عمل منظم وبحرفية , لكن الفكرة اللي تغلغت في مؤسساتنا الحكومية اهم شي ان العمل ينجز وبنفس الطريقة اللي اعتدنا عليها من 10-20 سنه مثلا.
اي ان مافيه استعداد لتطوير الموارد البشرية لتقديم فعاليه اكثر للعمل وتوفير وقت على المراجع او المستفيد

وحتى لموظفين انفسهم اذا تغيرت الية العمل واصبحت مثل ماشفناها في مركز التدقيق , يحسون انهم يضيفون للناس والناس تحترمهم


لذلك ارجع واقول بساطة وتنظيم العمل اللي صار في التدقيق كانت جميله جدا واكيد بساطة لي كمستفيد لكن العمل كان من خلفها كبير لا شك


كتابتي لهالموضوع هي امنية ان الروس الكبيرة في كل قطاع وجهة توجه الروس اللي اصغر منها والروس هذي تبي تهتم وتراقب الروس اللي في الواجهه وتدربهم والروس اللي في الواجهه تبي تحترم عملها والمجتمع
وبالتالي كل الروس اللي في المملكة تبي تعيش happily ever after

• نشر عبر تويتر
• نشر عبر فيسبوك
• نشر عبر جوجل