تسليم نتيجة ال IELTS بعد فترة التدقيق ؟

ارسل النتيجه على ايميلات الوزارة كلها .. تلاقيها موجوده بواحد من المواضييع المثبته بالقسم
واتصل باستمرار الى ماتلاقي رد وأكد لهم على الارسال - وممكن ترسلها فاكس اذا حبيت



بالتوفيق،،

كم درجتك عزيزي؟ تقدر تسلمها بالملتقى لان زي ما يقولون ان الوزارة راح ترسل للطلاب موعد لتسليم الايلتس. والله اعلم.

اذا رغبتك الاولى المانيا فانت ما تحتاج توديها الحين. تسلمها بالملتقى.

والله أنا سـألت أ. غادة السالم قلتلها متى أخر موعد للتسليم الشهادة للوكــالة قالتلي الاسبوع الــجاي بالكــثير

إذا تبي تستفيد منها سلمها الآن قبل الملتقى
لأن لو سلمتها بالملتقى ما لها أي فائدة بيكونوا حددوا دولتك خلاص
حتى لو تبي ألمانيا سلمها ما تدري يمكن تدخل بالمفاضلة
أما بالنسبة للموعد اللي حددوا لتسليم الآيلس غير صحيح
هم يقولون كذا بس للتسليك
الحق على نفسك و روح سلمها للرياض بنفسك
أو راسلهم على الإيميل
أهم شيء قبل الملتقيات
الله يسهل لك

طيب بحاول , مع إني مادري إذا يعتمدون النتيجة إذا رسلتها بالإيميل أو لا لكن مثل ما قلتي مالي إلا ارسل لإيميلاتهم و أتصل,,,
شكرا أختي و أتمنى لك التوفيق


أها ... إن شاء الله يسوون كذا أفضل لأن في طلاب رغبتهم آيرلندا و لازم يقدمون نتيجتهم للمفاضله مع إن بعض الإخوان يقول إن النتيجة تنفع دام إن الطالب قدمها قبل صدور قرار الإبتعاث و الله أعلم ,
و درجتي الحمدلله طيبة جدا , شكرا على سؤالك و تعاونك أخي العزيز


كلامك صحيح أخي العزيز ,, لكن المشكله إني متردد بين الدولتين و بحتاج شويه عشان أقرر نهائي و مابي الفرصه تفوتني لو غيرت رأيي بالنسبة للدولة ,,
شكرا لك

أهااا ,, المشكلة مادري وين أوديها و ما عندي خبر أكيد , و أنا بالشرقية و أتوقع لازم أروح الرياض, شكرا أخي

أنا بعد هذا رأيي حتى ما اقتنعت لما قال لي الموظف إني أسلمها بالملتقى و حتى أهو ماكان متأكد فقالي أروح لذا الحبيب تبع الوزارة اللي بعدي ناسي شيسمونه ,
مع إن إلي سمعته إن تقدر تغير الدولة في يوم الملتقى لكن الله أعلم ,, و أنا بعد ما ظنتي يسوون موعد خاص بس لتسليم شهادة ال IELTS لكن أتمنى هالشي ,,,

مالي إلا أراسلهم و أتصل و إذا ما لقيت جواب أكيد و تأكد إنها ما تنفع بالملتقى .. فمثل ما قلتي أتوقع إني راح أضطر إن أروح للرياض ,,
شكرا و بالتوفيق لك و للجميع

ممكن تقدر تغير دولتك بالملتقى
بس احسب حساب إن ممكن تمتلئ المقاعد و ما يبقي لك مقعد بالدولة اللي تبيها
عشان كذا قلت سلمها الآن
الله ييسر لنا بكرا درجتي بتطلع و كويس إني بالرياض

صح كلامك ,, أنا حـرسل فاكس كمان
الله يوفقك , و إن شاء الله تحصلين الدرجة الي تتمنيها و زود

أختي مدرارًا

أود محادثتك في موضوع مهم.. ولكني لا أستطيع التواصل معك عبر الرسائل الخاصةة, بسبب إيقاف هذه الخاصيةة مني لعدم وصولي للعدد المسموح من المشاركات.

فأود منك تزويدي بحسابك على تويتر برسالةة خاصةة ( بعد إذنك طبعا ) لكي أتسنى التواصل معك..

ولكي مني جزيل الشكر
وأعتذر على الإزعاج