أي واحد تدور فباله فكرة(أروح وأبتعث وأرجع ولا ألقى وظيفة) أبيه بكلمة راس لا هنت

اهنيك على فكرك وطرحك الواعي واشكرك ع الدعوه الحلوه

لكن مابي اكون مربوط بأرامكو ولو دقيقه لأني لو رجعت وانا حر بشهادتي والخدمه راح يعرضون لي اكثر من لو هم ضامنيني ومدرسيني على حسابهم ^^

بالعربي اكون راعي المنّه ( وبيني وبينك في شركات كثير الحين افضل من ارامكو .. داخل وخارج السعوديه ) قطر مثلاً ,

ربنا يخليك من ذوقك
انا اهلي عكس كلامك بيقولوا اطلعي من جهه وظيفيه ابتعاث علشان اذا رجعتي الا وظيفتك مستنيتك
ملاحظه اعرف كثير رجعوا من ابتعاث خادم الحريمن وما حصلوا وظايف وذلك لان تخصصاتهم عاديه او لان جهات التوظيف مكتفيه بمبتعثينها
فيه شركات افضل مثلا سابك وبترومين و ... الخ
قطر لا تفكر فيها ارجوك

انا موظف في ارامكو خدمت خمس سنوات طبعاَ دخلت بشهادة الثانوي ودخلت نظام التدرج ال ـ ITC

يعني درست سنتين على حسابهم و وقعت العقد معهم


بالمختصر طول هالفتره كل اللي بمثل وضعي يذوق الذل والمنه على هالسنتين اللي درسوه فيها مع انه تتخرج منها فني او عامل صيانه

يعني الطبقه العامله بارامكو اللي ما في اقل منها


مروا علي الناس اللي بشهاداتهم والمناصب العاليه وشفت وتعلمت كثير .. ولاحظت من اللي قبلي


ان كل اللي مثلي ظلوا على وضعهم وبالعكس كل ما اجتهدوا كل ما ثبتوهم باماكنهم واغروهم بكم قرش زياده ما يجي مقارنه ولا ربع زيادة المهندس او الموظف بالبكالريوس


فرجاءاَ اللي مو في ارامكو ومجربها بنفسه وعاش تجربة الوظيفه بالثانويه فيها .. لا ينغر بالسمعه ولا يجي هنا يحطمني

انا ماني راجع الا ب بكالريوس هندسه بإذن الله وراح اوفر تعب 25 سنه قدام


يعني برجع اقدم فيها على ارامكو بالمنصب والتخصص اللي ابي واشفي غليل هالخمس السنين اللي عانيتها معهم كموظف ب(الثانوي) .