حوار نصيحة ثمينة قبل تختار تخصصك

والله يفضل من الولايات المعروفه نيويورك كاليفورنيا بوسطن سياتل شيكاغو ...
ايش رايك ؟

اسف يااختي اعتذر بس انا في عالم الافتراضي ( النت) اضيع بين الرجل والمرأة

انا قلت هذا تخصص عشان يفتح لك مجال في العمل في مؤسسات المجتمع المدني

اذا توجهك لمجال التعليم فيه قطاع في التعليم الدولة تبى تنمية هو قطاع الرياضة للفتيات
وينفع معك تخصص Community Youth Sport Development

اما المجال الي له بدايات في ادخال العنصر النسائي هو القطاع البلدي وهئيات التنموية مثل بنك العقاري للتنمية او بنك التسليف او بنك التنمية الزراعي يمكن يكونو مثل الامارات هيئة التنمية المجتمع
تخصص ينفع هو
Urban Community Social Development
او
Community Development

اذا هدفك وزارة التعليم العالي وهيئة التقويم والاعتماد الاكاديمي عليك بتخصص Higher Education Leadership

اما اذا ميوالك نحو الجمعيات الخيريه وزارة الشؤون الاجتماعية عليك بتخصص Nonprofit Leadership


اذا ودك ازيد ازيد بس اقبلى اعتذرى وشكرا

ادخلي هذا الموقع راح تعرفين قوة هذا العلم

Bioinformatics Organization - Bioinformatics.Org

Bachelor of Education in the Arts: pre-primary education من KSU
service marketingAccount ودبلوم تقنية شبكات
Account أو

هلا اختي هدوءءء

يعني انتي تخصصك في البكالوريوس في مجال التعليم والماجستير بتدخلى التسويق وهذى رغبتك اذا رغبتك مااقدر اقول شي

ولاية واشنطن حلوووه قولى لى تحبين البرد او تكرهينه

انا اشوف انه يقدم على كليات الشرق العربي بالرياض صح هم فاشلين ورسوم عاليه مره بس هي معتمد في وزارة الخدمة المدنية كليات الشرق العربي تقدم ماجستير في تقنيات التعليم الله يعينه على تكلفة الماجستير الي تتعدي 140 الف ريال الا اذا قدر يسجل نفسه في المنح الداخلية لوزارة التعليم العالي هذا اذا ماقدروا يكتشفوا انه موظف.
هذا رابط ماجستير تقنيات التعليم
ماجستير تقنيات التعليم | كليات الشرق العربي

فيه كثير من الجامعات الامريكية والبريطانية تقدم دراسة عن بعد بس سؤال هو الاعتراف لو اطلعت على لائحة معادلة الشهادات الجامعية تشوف شرط عدم دراسة عن بعد او الانتساب او في برامج مخصصه .
اذا هو شخص طموح مبدع انصح ان يتجه الي تخصصات يبرز الانسان بعمله مثل مجالات الحاسب الالي والشهادات الدولية يعني مثلا لو انت صاحب شركة قالو لك فيه واحد يحمل شهادة امريكي في الحاسب بس في البرمجة غير مبدع افضل منه شخص يحمل شهادة المتوسطة يحمل شهادات دولية يصنع برامج للشركات.
هذى التخصصات يرتفع فيها شخص بدون شهادة انا اقول مثلا لو شخص مبدع في برنامج Maya راح يلقي وظائف في كل القنوات
لذلك عليه يشوف تخصصات فيها ابداع يبان من هو متعلم والجاهل

بنسبة للجامعة الالكترونية اعتقد انها في بداية الطريقة لم تحصل على اعترافات دولية كل شي في بداية طريقة يكون فرصة او يكون كارثة

اما تخصص ادارة مستشفيات عليه بالهروب منه انا اشوف ان اذا يبي مستشفيات عليه بالانتظام في تخصصات علمية ماشالله ياكثر كليات الطبيه الاهلية عندنا يقدر ينسق بين دوامه و الدراسة
بس يبعد عن تخصصات الادارة نصيحه يكون في تخصصات يبان فيه المتعلم من الجاهل
اي اجنبي يقدر يزور شهادة الدكتوراه في ادارة مستشفيات يكون عنده اللغة الانجليزية جيده واتحدى احد يكشفه هذى شهادات مايعرفون الفاهم والجاهل فيها
بس مثل تخصص البرمجة راح ينكشف من اول يوم ان ماعنده سالفه يطردونه

انا ودك اتكلم زيادة انا حاضر

يا اخي عناد ما اخترت لي جامعة الى حد الان من نيويورك

طيب وزوجي يبي قسم industrial safety

اتمنى اني ما ثقلت عليييييك

على طلبك هذا قدامك منهاتن ومن خلفك نيو جيرسي

Stevens Institute of Technology

ما قصرت أخوي عنــاد
شفت التخصص بس فيه شغلة في شروط القبول الي هي ( الحصول على درجة البكالوريوس بتقدير لا يقل عن جيد من كلية تربوية معترف بها )
التخصص الي معه إنقلش تعليم عن بعد بدون دبلوم تربوي .. هل له تأثير في هذا الشرط ؟

وعندي إستفسارين علي برنامج المنح الداخلية

ثانياً : المنح الدراسية لخريجي البكالوريوس :
* الشروط الواجب توفرها في قبول الدارس المتقدم للمنحة لخريجي البكالوريوس:
6. أن تكون الدراسة بنظام الانتظام الكامل بالجامعات والكليات الأهلية.
وش المقصد من الإنتظام الكامل في هالنقطة .!!
إن كان علي دراسة المتقدم للبكالوريوس تكون إنتظام .. شرحت لك إنه خريج (تعليم عن بعد )
وإن كان علي دراسة الماجستير عند الكلية المتقدم عليها إنتظام .. فـ ياليت تشرح لو صحيح
كم بتكون مدة حضوره للكلية خصوصاً إن الإرتباط بيكون في الرياض .. والسكن الحالي بالغربية ؟

بالنسبة لمتطلبات التقديم علي منحة داخلية :
هل من الإشتراطات الأساسية ، الحصول علي قبول من جهة تعليمية معتمده قبل التقدم لطلب منه
يعني مثل الإجراء للحصول علي المنحه مثل إجراءات الحصول علي قرار الإبتعاث علي برنامج الملك عبدالله
يحضر قبول معتمد ، ويتقدم بطلبه مع باقي المتطلبات ... وتقديم طلبه ..
او يكتفى بتقديم الطلب وفي حالة الموافقه لطلبه يتقدم فيما بعد بطلب القبول لبرنامج المنح لـ إعتماد دراسته

وفي نطاق آخر ، لنفترض إن هذا الشخص تخرج ولم يرتبط بعمل وتقدم للدراسة في الولايات المتحدة علي حسابه
وش التخصص الي بتنصح فيه .. ولو امكن هل يستطيع أن يدرس أحد هذه التخصص ويكون ممتد لتخصصه ؟
computational linguistics
Higher Education
Computer Education and Technology