حل مشكلة الصرف المالي في أول شهر من البعثة

يعني الحين صفينا على 6000 ريال خلاص ؟

اذا هالمبلغ صحيح زين اجمع حافز 3 شهور الجايه على انها مخصومه حسبي الله

و شوي صدقاات من الاهل وتضبط

بس خلاص انا وصديقتي الاقتصاديه لازم نفكر بشروع الكوافيرات زين مازين لازم نجمع فلوس عشان نتمشى و نروح الملاهي وننبسط اخر بسطه

:>:>:>

خذوا العلم من واحد رايح وعاش الوضع، وواحد عاقل لا يلعب بالفلوس بأشياء مالها داعي - مثلي طبعاً - .. ولا تشيلون هم الناس الي تتكلم هنا أكثرها ما راحت وتفتي من راسها .. صحيح انها حرص زايد منهم ، بس ما كان المفروض احد يتكلم الا على علم ..
اكثر الناس الي هنا أهلهم ما عندها الا مصروف يومها ويالله على يصرفون على البيت .. من وين بأطلع 40000 ..
6000 صااافي اصرفوها وخلوها معكم في امريكا (يعني مشترياتك الي بالسعودية من اغراض وملابس لا تحسبها من 6000 ) .. وشرا الملابس وروحات الفلّة هذي لاحقين عليها بعد أول شهر ... وتبون ترتاحون أكثر .. على ايامنا 2009 كانت الملحقية تعطي الي يطلع على حسابه تذكره + رسوم المعهد ( وانت تدبّر نفسك ) لين يضموك .. واحد من اخوياي طالع ب 10000 وجلس شهرين على ما ضموه للبعثه ومشت معاه ( مصاريف السكن + المعيشه بشكل عام ) .. انا اتكلم عن بريطانيا الي فيها Taxعلى ايامنا تقريباً 19%.. والباوند الواحد تقريباً 6 ريال الله يلعنه، اذا ابشتري بكت دخان يكلفني حول 8 باوند (يعني حوالي 48 ريال،و لعنه الزقاره الوحدة ب بريالين ونص !! ) ... بس عشان اوريكم الفرق بين بريطانيا وامريكا ، وتفاصيل واقتراحات ثانية اقولها لكم بعدين بوقتها وعسى ربي يوفقكم ..

اخوي مهندس والله ما اقصد اني اتدخل لكن نصيحة لك ولكل المدخنين، انك تحاول تترك الدخان من وانت هنا لان سعره مرتفع هناك غير كذا حتلاحظ ان مو كل ما طقت نفسك تبغى تدخن تقدر ابد لهم اماكن معينة خاصة بالتدخين

بعدين خلوها بداية حلوة بالخارج بداية صحية لان الجو بيساعدك الطبيعه والجو الجميل والمشي والرياضة والشعب المشجع يركضون بكل مكان
يعني من جد فرصة من الحين تتركون التتن
الله يعافيكم ويصفحكم منه على خير

^^
الله يجزاك خير ..
انا في كل مرة أطلع أحط معاي 10 كروز دخان من السعودية .. للرخص أكيد رقم 1 ، ولكن أيضاً طعم الدخان هناك مرض يا شيخ فما راح تلقى زي حقنا ..
هذي 10 كروز حق 3 شهور على الأقل .. وأي واحد جاي من السعودية أوصيه 10 كروز واذا معاه عائلة أكثر وأكثر وأتاجر فيهم هناك :d اشتريه ب 70 ريال وابيعه ب 50 باوند ويدورونك .. ون يحصلون الدخان السعودي هناك ....
فيه نصائح خاصة للمدخنين راح اطرحها في موضوع لاحق بعدين .. ما ابي استبق الأحداث ..


ومثلك انا ما ودي اتدخل .. لكن من جدّك بتروحين للفلبين ؟؟؟؟؟؟؟؟؟؟؟؟؟؟؟!!!!

الاخت الفاضلة الحل جدا بسيط

اخذ مبلغ من السلف بمصاريف الشهر الاول وهو لايتعدى العشر الاف ريال
بعد ذلك شهريا تحويل 500 دولار من المكأفاة لصاحب الدين خلال 4 شهور تم السداد .

وفقكم الله

يوفي شايف كيف، يقولون الفلبين طبيعة ولغة وشعب طيب

ان شاء الله ناوية امريكا بس ما احب استبق الاحداث فاخترت الفلبين لغاية ماٌ اوصل اغيرها لامريكا