استفسار قدمت على الابتعاث وأنا موظف حكومي ماذا أفعل الآن؟

حرااام وظيفه حطوميةة وتستققيل
آخخ بس آنآ مو خآيفه آلآ آنو يجي لي تعيين وآنآ لسى آتحلطم ولآآبتعثت ,
دعواتكم بالتيسير

اخواني انا ابغى المشوره منكم انت ادرى
انا موظف لي 9 سنين و اخرتها المرتبه الثالثه هل تعتبر مجازفه استقالتي
هل ممكن اني ارجع بعد ما اخلص الدكتوراه و ما القى وظيفه انا بأدرس قانون هل الي انا شايل همه الوظيفه
طيب هل ممكن اجمع من مكافاتي و اسوي لي مشروع بسيط يصير لي دخل منه لو دخل بسيط بس الين القى الوظيفه
انا قدمت على امريكا ايش ارخص مدينه فيها و تكون الجامعه الي فيها قويه بكذا اكون اخذت شهاده من جامعه قويه و جمعت لي مبلغ اكون فيه نفسي
تكفووووون الي عنده خبره لا يبخل علي كم بتكون المكافاه انا باطلع انا وزوجتي و طفليني و كم ممكن اقدر اوفر منها بالعمله السعوديه

ومن يتهيب صعود الجبال .................... يعش ابد الدهر بين الحفر .

السلام عليكم ورحمة الله وبركاته
استفسار .. وأتمنى أحد يجيب على أسئلتي ( من واقع خبره )
اعرف انه باقي كم شهر ويفتح البرنامج ( المرحلة العاشرة ) .. وأنا ناوي أقدم عليه إن شاء الله
مع العلم أني مستوفي جميع الشروط إلا شرط واحد الا وهو : ( ألا يكون المتقدم شاغلاً لوظيفة حكومية )
سؤالي هو كالآتي :

١- متى يكون تقديم الإستقالة من العمل ( قبل التقديم الإلكتروني ، قبل المطابقة ، بعد الترشيح ... ) ؟
٢- الجهات المعنية التي يجب حذف بيانات الوظيفة منها ( العمل ، وزارة الخدمة المدنية ، الأحوال المدنية ... ) ؟
تنويه ( لا تقولون خذ اجازة دراسية او إجازة مرافقه أو ابتعاث من جهة عملي << لأني حاولت بشتى الطرق والرد جاء بالرفض ، وأنا طموحي أكمل دراستي وما عندي الا هذا البرنامج )
وتقبلوا خالص تحياتي ،،،

كيف جات بالرفض هل سافرت معها علي حسابك الخاص مثلنا صراحة موضوع انك تستقيل من وظيفه حكومية مجازفه أقولك من الان اذا مو دراستك علميه وتخصص قوي ومطلوب راح تندم تندم تندم ففكر قبل تجازف كذا وقدم احازة استثنائية واطلع علي حسابك الخاص وخلك انت مرافق وبعدها اذا صموكم اطلب تخويلها الي اجازة دراسية واذا مصر الا الاسنقلله وانا اقولكً ترا بتندم اذا تخصصك مو علمي تقدر تقدم علي الاستقاله عند مطابقه أظن وموفق


🇺🇸🇬🇧 الهاشمية ليمتد 🌺🇬🇧🇺🇸

^
ايه تخصصي مطلوب ومعدلي عالي الحمد لله .. ايه قدمت إجازة مرافقة مع أختي وإجازة إستثنائية وإجازة دراسية وكان الرد بـ ( الرفض )
أنا ابي أقدم على المرحلة الجاية إن شاء الله بحيث أني أكون موظف حتى اضمن الإبتعاث , لانه صعبة أستقيل وأنا ما ضمنت الإبتعاث
ياليت أحد يفيدني من واقع خبرة
وشكراً ،،،

الابتعاث مضمون مجرد تكون مستوفي لشروط وتخصصك من التخصصات الي موجوده بالابتعاث

والكلام هذا اكيد الابتعاث بالسنة العاشره بكل لسنين حسب علمي مافي أحد مستوفي الشروط وانرفض
كلهم الي ينرفضوا يكون اما موظف حكومي مخل بالشروط ببساطه
أو يجيلك معدله أقل بنسبه وحده ويكون عنده أمل بيتغاظوا له
وأحيانا بفتره الاعتراض يتغاظوا ويمشوا مثل الأخ إلى قال موظف وقالوا له استقيل اول

اما مستوفي 100% فأنت بس تسلم اوراقك اصلا يضمنوا لك البعثة لو تسأل أي موظف هناك
اللهم الفتره الطويله من التقديم للسفر فهي تدقيق أوراق وبعدين تواصل مع ملحقيات ومعاهد


فمن الأساس انت استقيل اذا نيتك بعثه ولو انا منك كون كلامك تخصصك مطلوب شوفلك أي وظيفه ثانيه تتسلى فيها من غير وظايف الحكومه لأن المده بين التقديم والترشيح وبعدها السفر حوالي سنه وجلسه البيت مو حلوه

^
فكرت فيها بس متردد .. احس أفضل حل أقدم عليهم وأنا موظف ، إذا مشت الأمور خير وبركة
وإذا عرفوا اني موظف حكومي ورفضوا أقدم إعتراض وإذا ضمنت الابتعاث قدمت إستقالتي
وإذا مره مره رفضوا ( لا سمح الله ) ، أجمع لي كم قرش وأستقيل وأسافر بعدين أطلب ألحاق
أن شاء الله تتيسر .

شكرا ،،،