المبتعثات و المحارم

اللي اعرفه انها ضروريه بس محد مجرب أكدها لي
ويعطونك مهله اذا ما جبتيها يوقفون مكافأة المرافق

هلا أختي شوفي اذا جيتي بتفتحين الملف لازم يطلبونك الورقه هذي لازم شوفي الخانه رقم 9
ولا يقدرون يفتحون لك الملف الا بأكتمال جميع الملفات وهذي هي الملفات المطلوبه..
شوفي انا بالنسبه لي كمرافق قدمت استقاله من الشركه ولاكن فيه واحد هنا بأمريكا أخذ اجازه استثنائيه

والاجازه الاستثنائيه مدتها ثلاث سنوات ويقدر اي احد ياخذها سهله ..طريقة اخذها بعد مايصدر قرار الابتعاث ان شاء الله تطلبين ورقه من الوزاره تثبت ان فلان مرافقك وبسرعه يرسلونها لك على الايميل
فيه واحد هنا الحين يقرى ردي يقول دامها سهله ليش ما أخذتها انت.. طيب ياخوي انا والله من زمان بفصل من الشركه وزهقت منها اول شي بعيده عن دياري وثاني شي مليت منها 5 سنوات وانا فيها
وعلى طول استقاله بدون اي تفكير..
اي شي تحتاجونه او تحبون تسئلون انا حاضر بللي اعرفه واللي اقدر عليه واللي ما اعرفه اقول Sorry




يآ أختي الله يرضى لي عليك كيف تقولين ماهي مطلوبه الورقه وش لون عرفتي ومنهم الناس هذي ؟؟
أنتي توك قبل كم يوم قريت لك موضوع تقولين بأبتعث على المرحله التاسعه ان شاء الله
والحين تفتين تقولين مو مطلوبه الآ مطلوبه ومهمه بعد وضروريه هع وكل شي.
اذا مو مجربه شي لاتقولين فلان قال واذا فلان فعلن قال خليه يحلف هع
الله يوفقك ان شاء الله وتبتعثين ..

بنات اللي تسأل إذا تقدر تخلي خالها مرافق عادي مافيه مشكله ( خال \ عم )
الله ييسر للجميع

طيب اذا المحرم في شركة خاصة عادي ورقة إجازة لمدة شهر

^^

وبعد شهر يقطعو مكافئته لووول

يا جماعة الخيييييير


اللي بيطلع كمرافق مع اخته بس تعين بوظيفه جديده -معلم- هل تفرغه الوزارة هل يسمحون له يطلع مرافق ويدرس ولا فيها شئ

مع العلم أني بباشر الوظيفه بعد العيد

والملتقى بعد العيد تقريبا

واختي تم ترشيحها نهائي



افيدونيي الله يجزاكم خييييير

موضوع بطل
يريح الأعصاب
ويحسس المبتعثة ان الأمور سهالات ان شالله بدل
التهويل وأفلام الرعب اللي نقرأها

اللهه يعين بس. .

طيب ايش الحل ................

هلا اخوي اسمع ياطويل العمر.. انت ماحدتت اي وزارة <<<<<هع كفشوووه

أسمع اذا قصدك وزارة المعارف >>>>> كح كح
أقصد وزارة التربيه والتعليم هذي تقدر تسئل عنها اصحابك معك بالدوام..


لاكن اذا قصدك وزارة التعليم العالي والملحقيه ..
فهذا الشي مالهم دخل فيه ابد أهم شي عندهم معك أجازه أستثنائيه محدد تاريخ بدايتها ونهايتها ..
وانا أتوقع والله أعلم.. قلت والله أعلم ان امورك راح تمشي ان شاء الله
واللي اعرفه كمان أن وزارة التعليم العالي على طول تعطي المرافق ورقه من عندهم تثبت انه مرافق ..


بالتوفيق.