ملف خاص: كل ما يحتاجه المعلم المرافق - الموضع متجدد-

موضوع مهم صراحه

طيب انا زوجي تم تعينه بشهر 12 /1432

بعد شهر يكمل سنه بالتعليم ..يقدر ياخذ استثائي وييكمل معاي ويكون مبتعث ؟؟

لان قريت ببنود الخدمه المدنيه من شروط الابتعاث اذا كان اسمه موجود بالخدمه المدنيه اكثر من سنتين

يعطيك العافيه اخوي دكتور منسي فعلا نحتاج معلومات من الاخوان اللي سبقونا

واختي دكتوره اسماء ياليت تذكر لنا تخصص زوجك في البكالوريوس والتخصص اللي درسه بالماستر

اخوي احمد لاهنت ياليت توضح لنا اكثر بخصوص الاجازه الدراسيه يعني ما نقدر نقدم عليها الان لازم نهاية السنه ؟

نفس الوضع واتمنى حيييل
ياتي لنا الخبر والمعلومات الموثوقه
وبالتوفيق ياااارب

ايضا نفس التساؤل لدي

بالنسبة لتحويل من مرافق الى مبتعث كان سمعت يجب ان تحصل على فيز من نوع معين

بنسخ لكم مشاركة احد الاعضاء


هذا رابط المشاركة للاخ امير

http://www.mbt3th.us/vb/forum163/thr...post1062086684

اختي الطيف انا في مرحلة الماستر حصلت على اجازة استثنائية وانا لسى مالي شهرين في التعليم

الموضوع على حسب ادارة التعليم وتشددها في الموضوع
وقـــبل كل شي تفريغ المعلم من قبل ادارة المدرسة

اخوي من خلال تجربتي انا قدمت الإجازة في نهاية العام الدراسي وكان الطلب اجازة دراسية لإكمال الماستر في نفس تخصص التدريس
الإجراء اللي سويته اني اكملت النماذج الخاصة بالطلب وهذي تكون في الإدارة ومن ثم يتم التصديق عليها من مدير المدرسة ومن ثم تسليمها الى التدريب والابتعاث في الإدارة.
طبعاً من الأشياءاللي يطلبوها ان تكون الدراسة مكملة لمسار التخصص وان يكون امضي ثلاث سنوات في الخدمة وكل هذة المسوغات تختص بالإجازة الدراسية .
لكن بالنسبة لإجازة المرافق اعتقد انها اسهل من حيث الإجراء وما تحدد بفترة معينة

حلووو يعني انت ابتعثت من الوزارة
بس انا مرافق لزوجتي واعتقد ان الوضع غير ما هو نفس الاجراءات
على العموم انا تخصصي تربية خاصة بحاول واشوف ايش الافضل وربي ييسرها لنا
والله يوفقك اخوي احمد

لا اخوي انا اتكلم عن الإجازة فقط لأني انا دارس علي حسابي الخاص
علي العموم اتمنى لك ولللجميع التوفيق ومثل ما قلت ان وضعك انت راح يكون اسهل بكثير لأن اجازة المرافق فيها مرونة اكثر

انا معلـــــــــــم رياضيات

وزوجتي قبلوها رياضيات ماستر في امريكا

وقلت لها اذا اجازه دراسيه انا بروح معاك اما اجازه استثنائيه مرررره صعبه علي

ياليت تفيدونا بالنسبه للاجازه الدراسيه هل هي سهله اجرائتها ؟؟؟

شكرا لكم

أتوقع هالأسئلة تتوجّه لوزارة التربية والتعليم !

لكن أنا أتوقع إنها إجازتين ! .. استثنائية "للمراقق" بدون راتب .. وإجازة دراسية "براتب أو نص راتب المهم يصرفون لك شيء" ! بيعطونك وحدة منها

ع العموم اذا كان تخصصك علمي أو يعني تقدر تكمل ماستر بنخصص نفس مسار تخصصك .. أنصحك تروح حتى لو إجازة بدون راتب !! لأنك بتاخذ ماستر بنفس تخصصك !


مثلاً أخوي اللي رد فوق مدرس رياضيات ! .. أطلب إجازة لأنك زوجتك بتبتعث وإن بإمكانك تدرس معاها وتكمل ماستر رياضيات !

أتوقع الوزارة بتوافق لأنهم بيستفيدون منك + دراسة مجانية مب على حسابهم .


موفقين وترا هالأسئلة تتوجه لوزارة التربية والتعليم مب وكالة البعثات